Watermelon Cultivation : कलिंगड पिकाच्या लागवडीकडे कल

माणगाव : तालुक्यात कालव्याच्या पाण्यामुळे दुबार पीक शेतकरी घेत आहेत. उन्हाळी, पावसाळी भातशेती करतानाच शेतीला पूरक व्यवसाय म्हणून तालुक्यातील शेतकऱ्यांचा वाल, भाजीपाला, कलिंगड पिकांच्या लागवडीकडे जास्त कल असतो.
Watermelon Cultivation
Watermelon CultivationAgrowon

माणगाव : तालुक्यात कालव्याच्या पाण्यामुळे दुबार पीक शेतकरी घेत आहेत. उन्हाळी, पावसाळी भातशेती (Paddy Farming) करतानाच शेतीला पूरक व्यवसाय म्हणून तालुक्यातील शेतकऱ्यांचा वाल, भाजीपाला (Vegetable), कलिंगड पिकांच्या लागवडीकडे (watermelon Cultivation) जास्त कल असतो. त्यात कलिंगडाचे पीक मोठ्या प्रमाणावर येते. जिल्ह्यातून, तसेच मुंबई, ठाणे, पुणे येथून व्यापारी खरेदीसाठी येतात. त्यामुळे शेतकऱ्यांचे उत्पन्न वाढत असल्याने ते आनंदित आहेत.

Watermelon Cultivation
Watermelon Cultivation : खानदेशात कलिंगड लागवड वाढणार

हिवाळ्यात वालाच्या पिकाला पोषक वातावरण तयार होत असते. आपल्या कुटुंबाचा उदरनिर्वाह या व्यवसायावर होत असल्याने आणि तालुक्यात वालांच्या ओल्या शेंगांना भरपूर मागणी असल्याने शेतकरी हे पीक मोठ्या प्रमाणावर घेतात. त्यामुळे शेतकऱ्यांना आर्थिक मदत होते. जशी थंडी वाढत जाते, तसे ओल्या शेंगांना मागणी वाढते. याच दरम्यान, खवय्ये पोपटी लावतात.

Watermelon Cultivation
Watermelon Cultivation : वाल, कलिंगड पिकांच्या लागवडीकडे कल

पोपटीत अंडी व कोंबडीचे मांस मसाला लावून मडक्यात शेंगाबरोबर भाजले की, त्याची चवच वेगळी असते. माणगाव तालुक्यात इंदापूर, मोरबा, गोरेगाव; तसेच माणगावजवळील मोरबा रोड, बामणोली, निळगून या भागात कलिंगडाची आणि विविध प्रकारच्या भाज्यांची लागवड केली जाते. त्यामुळे शेतकऱ्यांना मोठे आर्थिक उत्पन्न आणि स्थानिकांना रोजगार मिळत आहे.

२५ एकरांत लागवड

तळेगाव येथील प्रगतशील शेतकरी म्हणून नीलेश म्हात्रे यांनी आणि भाजी लागवडीत जाधव बुवा या शेतकऱ्याने आपला ठसा उमटवला आहे. नीलेश या तरुण शेतकऱ्याने तर २० ते २५ एकरात कलिंगडाच्या विविध जातींची लागवड करून आपले नाव तालुक्यात मोठे केले आहे.

तरुण शेतकरी सक्रिय पावसाळा संपल्यानंतर काही

दिवसांनी शेतकरी वालाच्या शेंगा, विविध प्रकारच्या भाज्या; त्याचप्रमाणे कलिंगडाच्या लागवडीसाठी तयारीला लागतात. तालुक्यात विविध भागांत कलिंगड आणि वालाच्या शेंगांची लागवड पूर्ण केली आहे. ही पिके घेण्यासाठी तरुण शेतकरी मोठ्या प्रमाणात सक्रिय झाले आहेत.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com