Rohit Pawar: सत्ताबदलाचा परिणाम निधीवर नाही, श्रेयवादावर होईल

‘‘कर्जत-जामखेडसाठी मागील दहा वर्षांत जेवढा निधी (Fund) आला नाही, तेवढा निधी केवळ आपण आमदार झाल्यानंतर तालुक्याला मिळाला आहे. जिथे गरज आहे, तिथेच आणि विविध योजनांवर अभ्यास करून आपण तो मिळविला आहे.
Rohit Pawar News
Rohit Pawar News Agrowon

नगर : ‘‘विधानसभा निवडणुकीनंतर आज अखेर केवळ जनतेच्या मनात आणि जनतेला बरोबर घेऊन कामकाज केले आहे. यापुढेही ते असेच सुरू राहील. सत्ता येते, जाते. त्यामुळे सत्ताबदलाचा परिणाम मतदारसंघाच्या निधीवर (Fund) नक्कीच होणार नाही. झालाच तर तो श्रेयवादावर होईल,’’ असे मत आमदार रोहित पवार (Rohit Pawar News) यांनी व्यक्त केले.

कर्जत तालुक्यातील भीमा नदीकाठावरील गावांमध्ये आयोजित विविध विकासकामांचे भूमिपूजन, लोकार्पण कार्यक्रमाच्या दौऱ्यादरम्यान पवार बोलत होते.

Rohit Pawar News
OBC Reservation: स्थानिक स्वराज्य संस्थांच्या निवडणुका पुढे ढकलणार?

पवार म्हणाले, ‘‘कर्जत-जामखेडसाठी मागील दहा वर्षांत जेवढा निधी आला नाही, तेवढा निधी केवळ आपण आमदार झाल्यानंतर तालुक्याला मिळाला आहे. जिथे गरज आहे, तिथेच आणि विविध योजनांवर अभ्यास करून आपण तो मिळविला आहे. जिल्हा परिषद व पंचायत समिती निवडणुकीत राष्ट्रवादी आणि मित्रपक्षांचेच उमेदवार जिंकतील. कोणत्याही परिस्थितीत निष्ठावंतांना न्याय मिळवून देण्याचा प्रयत्न या निवडणुकीत करणार आहे.’’

‘आदिनाथ’ सुरू करणारच

‘‘करमाळा तालुक्यातील आदिनाथ सहकारी साखर कारखाना (Sugar Factory) चालू केल्यास त्या परिसरातील इतर कारखान्यांना ऊस कमी पडेल, या भीतीने तेथे आकसाचे राजकारण सुरू आहे. मात्र, त्याबाबतची न्यायालयीन लढाई आपण जिंकलेली आहे. कारखाना सुरू केल्यानंतर कर्जत-जामखेडमधील सभासद, कारखाना परिसरातील शेतकऱ्यांच्या आर्थिक सुबत्तेसाठी सर्वतोपरी प्रयत्न राहील,’’ अशी ग्वाही पवार यांनी दिली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com