Crop Damage Compensation : दिवाळीपूर्वीच अतिवृष्टिग्रस्तांना मिळेल नुकसान भरपाईचा निधी

दिवाळी अंधारात जाईल, अशी भीती होती. मात्र, आता प्रशासनाने आलेल्या शेतकऱ्यांच्या खात्यात पैसे जमा करण्याचा निर्णय घेतला असून, तशा सूचना जिल्हाधिकाऱ्यांनी अधिकारी व कर्मचाऱ्यांना दिले आहेत.
Crop Damage
Crop DamageAgrowon

यवतमाळ : तलाठी व ग्रामसेवकांच्या बहिष्कारामुळे अतिवृष्टीची (Wet Drought) मदत येऊनही अडकली आहे. त्यामुळे शेतकऱ्यांची दिवाळी (Farmers Diwali) अंधारात जाईल, अशी भीती होती. मात्र, आता प्रशासनाने आलेल्या शेतकऱ्यांच्या खात्यात पैसे जमा करण्याचा निर्णय घेतला असून, तशा सूचना जिल्हाधिकाऱ्यांनी अधिकारी व कर्मचाऱ्यांना दिले आहेत.

Crop Damage
Lumpy Skin : नांदेडमध्ये ४८ जनावरांचा लम्पी स्कीनमुळे मृत्यू

गेल्या जून, जुलै व ऑगस्ट २०२२मध्ये अतिवृष्टी व पुरामुळे शेतीपिकांच्या नुकसानीच्या भरपाईसाठी जिल्ह्यासाठी ६४३ कोटी ८१ हजार रुपये अनुदान प्राप्त झाले आहेत. हा निधी अर्थसंकल्पीय पद्धतीद्वारे वितरित करण्यात आलेला आहे. नुकसानीची मदत दिवाळीपूर्वी शेतकऱ्यांना मिळेल, अशी अपेक्षा होती. मात्र, बहिष्कारामुळे आलेली मदत शेतकऱ्यांपर्यंत पोहोचण्यात विलंब होत आहे.

शेतकऱ्यांना मदत मिळावी, म्हणून प्रशासनाने आता कंबर कसली आहे. १३ ऑक्टोबर रोजी तहसीलदार यांच्याकडील प्राप्त अहवालानुसार २०५ कोटी २२ लाख ८७ हजार रुपयांची देयके काढून तहसीलदार यांनी कोषागरात सादर केलेली आहे. ही रक्कम व उर्वरित रक्कमदेखील लवकरच दिवाळीपूर्वी संबंधित शेतकऱ्यांच्या खात्यात जमा करण्याच्या सूचना जिल्हाधिकारी अमोल येडगे यांनी दिल्या आहेत. गेल्या जून ते ऑगस्ट २०२२ या कालावधीत जिल्ह्यात सततच्या पावसामुळे झालेल्या शेतीपिकांच्या नुकसानीकरिता शासनाच्या वाढीव दराने ५१ कोटी १३ लाख ३१ हजार रुपये इतका निधी प्राप्त झाला आहे.

परतीच्या पावसाने शेतकऱ्यांचे नुकसान

गेल्या तीन दिवसांपासून जिल्ह्यात परतीच्या पावसाचा धुमाकूळ सुरू आहे. या पावसाने शेतकऱ्यांच्या घरात येणारे पीक येणार की नाही, अशी भीती व्यक्त केली जात आहे. सोयाबीनचे मोठ्या प्रमाणात नुकसान झाल्याने शेतकऱ्यांना आर्थिक फटका बसणार आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com