राज्यातील ग्रामीण अर्थकारणाला चालना देण्यासाठी तसच लोकांची आर्थिक स्थिती सुधारावी यासाठी मध्यप्रदेश सरकार (MP Government) शेतकऱ्यांसाठी नवनविन योजनांची आखणी करत आहे. शेतीबरोबर ग्रामीण अर्थकारणाचा पशुपालन हा मुख्य स्त्रोत आहे.
हे लक्षात घेऊन मध्य प्रदेश सरकार विविध योजनांतून पशुपालनाला प्रोत्साहन देत आहे. पशुपालनात दुधाव्यतिरीक्त दुग्धजन्य पदार्थ निर्मिती तसच शेणखत विक्रीतून पशुपालकाला चांगला फायदा मिळतो. हे लक्षात घेऊन मध्यप्रदेश सरकार पशुपालनावर अधिकाधिक लक्ष केंद्रित करत आहे.
मध्य प्रदेशचे मुख्यमंत्री शिवराज सिंह चौहान यांनी राज्यात पशुसंवर्धनासाठी एक योजना सुरू केलीय. या योजनेंतर्गत गाय, म्हैस खरेदी करण्यासाठी पशुपालकाला ९० टक्क्यांपर्यंत अनुदान मिळणार आहे. खरेदीदाराला केवळ १० % खर्च करावा लागणार आहे. ही योजना विशेषत: बैगा, भरिया आणि सहारिया कुटुंबांना पशुपालनाशी जोडण्यासाठी सुरू करण्यात आली आहे. या योजनेत कुटुंबांना म्हैस किंवा गाय अशी दोन जनावरे देण्यात येणार असून त्यातील ९० टक्के खर्च राज्य सरकार उचलणार आहे.
या योजने व्यतिरीक्त राज्यात राष्ट्रीय गोकुळ मिशन, पशु किसान क्रेडिट कार्ड, पशुधन विमा योजना अशा योजना राबविल्या जात आहेत. त्यामुळे या योजनेचा लाभ घेणाऱ्या पशुपालकांना आर्थिक मदत मिळून त्यांचा व्यवसाय आणखी वाढण्यास मदत होणार आहे.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
