APMC Election : बाजार समिती मतदार यादीतील सुधारणांना आक्षेप नाहीच!

बाजार समितीच्या निवडणुकांसाठी राज्य सहकारी निवडणूक प्राधिकरणाकडून कार्यक्रम जाहीर होण्याची प्रतीक्षा कायम आहे.
Amravati APMC
Amravati APMCAgrowon

अमरावती : बाजार समितीच्या निवडणुकांसाठी (Amravati APMC Election) राज्य सहकारी निवडणूक प्राधिकरणाकडून कार्यक्रम जाहीर होण्याची प्रतीक्षा कायम आहे. या दरम्यान मतदारयादीत (APMC Voter List) निवडणुकीच्या पाच दिवस अगोदरपर्यंत नावे समाविष्ट करण्याच्या सुधारणेवर आक्षेप घेण्यासाठी अद्याप कुणीही समोर आलेले नाही.

Amravati APMC
Yavtmal APMC Election: यवतमाळ जिल्ह्यात ३० एप्रिलपूर्वी बाजार समित्यांच्या निवडणुका

जिल्ह्यातील दहा बाजार समित्यांच्या निवडणुका प्रस्तावित आहेत. अद्याप प्राधिकरणाने निवडणूक कार्यक्रम जाहीर केलेला नाही. या दरम्यान उच्च न्यायालयाने दिलेल्या आदेशानुसार, नवीन मतदार यादी तयार करण्यात येणार आहे. यामध्ये नव्याने निवडून आलेल्या सेवा सहकारी व ग्राम पंचायतीच्या सदस्यांची नावे मतदार यादीत समाविष्ट करण्यात येतील.

काही ग्रामपंचायतींमध्ये विविध कारणांनी सदस्यपद रिक्त आहेत. तर, काही सेवा सहकारी संस्थांच्या निवडणुका होत आहेत. यामुळे नव्याने निवडून येणाऱ्या सदस्यांना बाजार समितीच्या निवडणुकांच्या पाच दिवस अगोदरपर्यंत मतदार यादीत नाव समाविष्ट करण्याची सुधारणा नियमात करण्यात येत आहे.

Amravati APMC
Apmc Election : बाजार समिती निवडणुकीसाठी सातारा जिल्ह्यात मोर्चेबांधणी

त्याअनुषंगाने या सुधारणेवर आक्षेप असल्यास त्या दाखल करण्यासाठी ३१ जानेवारीपर्यंत मुदत देण्यात आली आहे. या आक्षेपांवर सुनावणी करण्यात आल्यानंतर सहकार पणन व वस्त्रोद्योग विभागाकडून आवश्यक सुधारणा करण्यात येणार आहेत.

जिल्ह्यातील दहा बाजार समितीच्या कार्यकक्षेतील एकही आक्षेप अद्याप आलेले नाहीत. नवीन सदस्यांना मतदार यादीत समाविष्ट करण्यासाठी अद्याप प्राधिकरणाकडून सदस्यांची अर्हता दिनांक निश्‍चित करण्यात आलेली नाही. ३० एप्रिलपर्यंत बाजार समितीच्या निवडणुका घेण्यास उच्च न्यायालयाने सांगितले आहे.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com