Gram Panchayat Elections : जळगाव तालुक्यात होणार १२ लोकनियुक्त सरपंच

जळगाव : जिल्ह्यात सार्वत्रिक निवडणुका (Election Announced) जाहीर झाल्या आहेत. जळगाव तालुक्यात १८ डिसेंबरला १२ ग्रामपंचायतींच्या निवडणुका (Gram Panchayat Elections) होतील. त्यात १२ लोकनियुक्त सरपंचपदासाठी, तर ९२ जागा सदस्यपदासाठी, अशा एकूण १०४ जागांसाठी निवडणूक लढविली जाणार आहे. येत्या २८ नोव्हेंबरपासून निवडणूकप्रक्रिया सुरू होणार आहे. १८ डिसेंबरला मतदान होईल. १० डिसेंबरला मतमोजणी होऊन निकाल जाहीर होईल.

सरपंचपदाचे आरक्षण असे

भादली खुर्द : सर्वसाधरण स्त्री, भोलाणे : अनुसूचित जमाती, देऊळवाडे : अनुसूचित जमाती स्त्री, घार्डी आमोदा खुर्द : अनुसूचित जमाती स्त्री, जळके : नागरिकांचा मागास प्रवर्ग, किनोद : सर्वसाधारण, कुंवारखेडे : सर्वसाधारण, सावखेडा खुर्द : नामाप्र स्त्री, सजुदे : अनुसूचित जमाती स्त्री, वराड बुद्रुक व खुर्द : सर्वसाधारण स्त्री, वसंतवाडी : सर्वसाधारण, विदगाव : अनुसूचित जाती.

जळगाव तालुक्यातील १२ ग्रामपंचायतींच्या निवडणुकांसाठी २८ पासून जळगाव तहसील कार्यालयात उमेदवारी अर्ज दाखल करणे सुरू होईल. २ डिसेंबरपर्यंत अर्ज स्वीकारले जातील. ग्रामपंचायतीनिहाय अर्ज स्वीकारले जातील. ५ डिसेंबरला छाननी होईल. ७ डिसेंबरला माघारी होईल.