Leopard Cub Death : बिबट्याच्या दोन बछड्यांचा विहिरीत पडून मृत्यू

जिल्ह्यातील वालावल शिरसोसवाडी येथील एका शेतविहिरीत पडलेल्या बिबट्याचा दोन बछड्यांचा मृत्यू झाला. हा प्रकार रविवारी (ता. ४) घडला.
Leopard Cub Death
Leopard Cub DeathAgrowon

सिंधुदुर्गनगरी ः जिल्ह्यातील वालावल शिरसोसवाडी येथील एका शेतविहिरीत पडलेल्या बिबट्याचा दोन बछड्यांचा मृत्यू (Leopard Cub Death) झाला. हा प्रकार रविवारी (ता. ४) घडला. वालावल येथील सुशांत चंद्रकांत मणेरकर यांची शिरसोसवाडी येथे ३० फूट खोलीची शेतविहीर आहे.

Leopard Cub Death
Leopard : शिदवाडीत आढळला बिबट्याचे बछडे

श्री. मणेरकर हे नेहमीप्रमाणे रविवारी सकाळी आठच्या सुमारास विहिरीकडे गेले असता त्यांना विहिरीत बिबट्याचे बछडे पडलेले दिसून आले. ही माहिती त्यांनी वन विभागाला दिल्यानंतर वनपाल अमृत शिंदे, वन्यजीव रक्षक नागेश दफ्तरदार, धुळू कोळेकर, श्रीकृष्ण परीट, अनिल गावडे, राहू मयेकर यांचे पथक तातडीने वालावलमध्ये दाखल झाले. बिबट्याला वाचविण्यासाठी पथकाने तातडीने कार्यवाही सुरू केली.

पथक विहिरीत उतरले परंतु तत्पूर्वी दोनही बछड्यांचा मृत्यू झाला होता. त्यानंतर त्यांना बाहेर काढण्यात आले. हे दोन्ही बछडे मादी जातीचे आणि साधारणपणे दीड वर्षांचे होते. शवविच्छेदनानंतर बछड्यांचा मृत्यू पाण्यात गुदमरून झाल्याचे पशुसवंर्धन विभागाकडून स्पष्ट करण्यात आले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com