APMC : नामपूर बाजार समितीच्या सभेत गदारोळ

सुमारे पाच तास चाललेल्या सभेत शेतकऱ्यांच्या विविध प्रश्नांच्या सरबत्तीमुळे गदारोळ निर्माण झाला होता.
APMC
APMCAgrowon

नामपूर, ता. सटाणा : येथील कृषी उत्पन्न बाजार समितीच्या (APMC Satana) शुक्रवारी (ता. ३०) झालेल्या वार्षिक सर्वसाधारण सभेत अवाजवी खर्चाच्या अनेक मुद्द्यांवरून संचालक मंडळ आणि शेतकऱ्यांमध्ये खडाजंगी झाली. सभापती कृष्णा भामरे (Krushna Bhamre) अध्यक्षस्थानी होते.

APMC
Pune APMC : ‘डमी’ अडत्यांमुळे शेतकरी असुरक्षित

पहिल्यांदा सुमारे पाच तास चाललेल्या सभेत शेतकऱ्यांच्या विविध प्रश्नांच्या सरबत्तीमुळे गदारोळ निर्माण झाला होता.सचिव संतोष गायकवाड यांनी मागील इतिवृत्त, आर्थिक पत्रकांचे वाचन केले. गेल्या आर्थिक वर्षात बाजार समितीला ५ कोटी २५ लाख रुपयांचे उत्पन्न मिळाले असून २ कोटी ४४ लाख रुपये खर्च झाल्याने संस्थेला २ कोटी ८० लाख हजार रुपये निव्वळ नफा झाला आहे.

APMC
Pune APMC : डमी अडत्यांची ‘कुंडली’ सादर करण्याचे आदेश

संस्थेला ‘अ’ लेखापरीक्षण वर्ग मिळाला आहे. उपसभापती लक्ष्मण पवार, संचालक संजय भामरे, भाऊसाहेब अहिरे, भाऊसाहेब भामरे, शांताराम निकम, आनंदा मोरे, भाऊसाहेब कांदळकर, अविनाश सावंत, डी. डी. खैरनार, दीपक पगार, मधुकर चौधरी, चारुशिला बोरसे, चंद्रभागाबाई शिंदे, सचिन मुथा, अविनाश निकम, दत्तू बोरसे या वेळी उपस्थित होते.

APMC
Pune APMC : पुणे बाजार समितीत २००० डमी व्यापारी

शेतकऱ्यांच्या हिताच्या बाजार समित्या असताना शेतकऱ्यांना सुविधा देण्याऐवजी व्यापाऱ्यांना चहापानासह इतर बाबींवर खर्च केला जात आहे. त्यामुळे शेतकऱ्यांमधून रोष दिसून आला. या वेळी माजी सरपंच जगदीश सावंत, प्रवीण सावंत, द्याने येथील उपसरपंच के. पी. कापडणीस, दीपक सावंत,

APMC
Pune APMC : पुणे बाजार समितीत २००० डमी व्यापारी

शेतकरी संघटनेचे शैलेंद्र कापडणीस, अरुण वाघ, प्रवीण अहिरे, बिपिन सावंत, शशिकांत कोर, भाऊसाहेब कापडणीस, संतोष पगार, विजय अहिरे, मधुकर कापडणीस, नकुल सावंत, सचिन सावंत, दीपक भामरे, विनोद पाटील, किरण आहेर आदींनी चर्चेत भाग घेतला. सचिव संतोष गायकवाड यांनी आभार मानले.

शेतकऱ्यांनी केलेल्या मागण्या

कांद्याच्या लिलावानंतर होणारी वांदा पद्धत बंद करावी.

बाजार समिती आवारात काँक्रिटीकरण करावे.

नवीन प्रशासकीय इमारत तातडीने कार्यान्वित करावी.

नवीन भाजीपाला मार्केट सुरू करावे.

शेतकरी नेते शरद जोशी यांचा पुतळा बसवण्यात यावा.

नोकरभरतीची चौकशी करण्यात यावी.

शेतकरी निवारा केंद्र सुरू करावे.

मागील काळातील शेतकरी बांधवांचे व्यापाऱ्याकडे अडकलेले पैसे त्वरित देण्यात यावेत.

लिलावाप्रसंगी स्वच्छ पिण्याचे पाणी मिळावे.

नवीन प्रशासकीय इमारत बांधकामाची चौकशी करावी.

कांदा व्यापाऱ्यांकडे असणाऱ्या वजनकाट्यांची वेळोवेळी तपासणी करावी.

नामपूर बाजार समितीच्या आवारात ३ कोटी ६३ लाख रुपयांच्या विनियोगातून पेव्हरब्लॉक बसविण्याचे काम सुरू असून नळकस रस्त्यालगत कांदा लिलाव आवारात सुमारे ४० हजार चौरस फूट जागेत ३ कोटी ८० लाख रुपयांच्या विनियोगातून भव्य लिलाव शेड उभारण्यात येणार आहे.

करंजाड उपबाजार आवारात सुमारे दीड कोटी रुपयांचे संरक्षक भिंतीचे काम सुरू आहे. पणन संचालकाच्या परवानगीने बाजार समितीच्या आवारात विकासकामे करण्यात आली आहेत. शेतकऱ्यांच्या हितासाठी बाजार समिती प्रशासन कटिबद्ध आहे. - कृष्णा भामरे, सभापती नामपूर बाजार समिती.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com