Agricultural University : दैनंदिन आहारात ज्वारीच्या भाकरीचा वापर करा ः डॉ. ठाकरे

‘‘शेतकऱ्यांनी दैनंदिन आहारामध्ये ज्वारीच्या भाकरीचा वापर करावा,’’ असे आवाहन डॉ. जी. व्ही. ठाकरे यांनी केले.
Agricultural University
Agricultural UniversityAgrowon

वाशीम ः ‘‘शेतकऱ्यांनी दैनंदिन आहारामध्ये ज्वारीच्या भाकरीचा वापर करावा,’’ असे आवाहन डॉ. जी. व्ही. ठाकरे यांनी केले. डॉ. पंजाबराव देशमुख कृषी विद्यापीठाच्या (Agricultural University) ज्वार संशोधन विभागाने विकसित केलेल्या ‘पीकेव्ही क्रांती’ या रब्बी (Rabi) ज्वारी वाणाचे पीक प्रात्यक्षिक शिरसाळा येथील १०० शेतकऱ्यांच्या शेतावर कृषी विज्ञान केंद्रातर्फे यंदा घेण्यात आले आहे.

Agricultural University
Agricultural University : कृषी विद्यापीठात शैक्षणिक व्हिडिओ निर्मितीवर कार्यशाळा

या लागवड झालेल्या क्षेत्रात ‘पीकेव्ही क्रांती’च्या प्रात्यक्षिकाची प्रत्यक्ष पाहणीसाठी सोमवारी (ता.२८) रब्बी ज्वारी पीक व्यवस्थापन या विषयावरील शेतकरी संवाद व पीक पाहणी कार्यक्रम घेण्यात आला.

अध्यक्षस्थानी सरपंच डॉ. जगन्नाथ इंगोले होते. प्रमुख मार्गदर्शक म्हणून ज्वार संशोधन विभागातील शास्त्रज्ञ डॉ. जी. व्ही. ठाकरे उपस्थित होते. ‘केव्हीके’चे वरिष्ठ शास्त्रज्ञ डॉ. आर. एल. काळे, शास्त्रज्ञ डॉ. एस. के. देशमुख, डॉ. डी. एन. इंगोले व कृषी सहायक गजानन इढोळे उपस्थित होते.

डॉ. जगन्नाथ इंगोले यांनी आधुनिक पद्धतीने व व्यावसायिक शेतीसाठी शेतकऱ्यांचे गट संघटन अधिक कार्यक्षम करणार असल्याचे सांगितले. डॉ. काळे यांनी दत्तक गावामध्ये इतर विभागाची सांगड घालून आर्थिक स्थैर्य मिळवून देण्यासाठी सदैव प्रयत्नशील असल्याचे स्पष्ट केले. दत्तराव इंगोले, नारायण इंगोले, रामकृष्ण इंगोले, भगवान इंगोले, किसन इंगोले यांच्या शेतातील ज्वारी प्रात्यक्षिकाची पाहणी केली.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com