Lumpy Skin : 'सर्व जनावरांची लसीकरण पूर्ण करणार'

सोलापूर ः जिल्ह्यात लम्पी स्कीनचा धोका कमी करण्यासाठी आगामी दिवाळी सणाच्या पार्श्वभूमीवर वसुबारसपर्यंत सर्व जनावरांची तपासणी आणि लसीकरण पूर्ण करण्यात येणार असल्याचे जिल्हा परिषदेचे मुख्य कार्यकारी अधिकारी दिलीप स्वामी यांनी सांगितले.
Lumpy Skin
Lumpy SkinAgrowon

सोलापूर ः जिल्ह्यात लम्पी स्कीनचा धोका (Lumpy Skin Outbreak) कमी करण्यासाठी आगामी दिवाळी सणाच्या पार्श्वभूमीवर वसुबारसपर्यंत सर्व जनावरांची तपासणी आणि लसीकरण (Lumpy Skin Vaccination) पूर्ण करण्यात येणार असल्याचे जिल्हा परिषदेचे मुख्य कार्यकारी अधिकारी दिलीप स्वामी यांनी सांगितले.

Lumpy Skin
Lumpy Skin : स्थलांतरित बैलांची जबाबदारी कोणाची?

श्री. स्वामी यांनी या मोहिमेच्या अनुषंगाने अधिकाऱ्यांची बैठक घेऊन सूचना केली. या बैठकीला सहायक पशुसवंर्धन अधिकारी डॉ. भास्कर पराडे, पशुधन अधिकारी बोरकर उपस्थित होते. श्री. स्वामी म्हणाले, की आतापर्यंत १३२६ जनावरांना लम्पी स्कीनची लागण झाली आहे. त्यापैकी ४७४ जनावरे बरी झालेली आहेत. एकूण ६२ जनावरांचा मृत्यू झाला असून, ७९० जनावरांवर उपचार सुरु आहेत. साखर कारखान्यांनी त्यांच्या स्तरावर संपर्क अधिकारी नेमण्याबाबत आदेश देण्यात आले आहेत.

Lumpy Skin
Lumpy skin : आठ हजार जनावरांना नगर जिल्ह्यात प्रादुर्भाव

कारखाना परिसरात नव्याने दाखल होणाऱ्या बैल व गाय वर्गीय जनावरांची माहिती तत्काळ पशुवैद्यकीय अधिकाऱ्यांना देण्यात यावी, असे आदेश दिले आहेत. आज अखेर सहा लाख ९८ हजार ११९ जनावरांचे लसीकरण करण्यात आले आहे. दीपावली बसूबारसच्या पार्श्वभूमीवर तपासणी व लसीकरणाची विशेष मोहीम राबविण्यात येणार असून बसू बारस पर्यंत शंभरटक्के लसीकरण करण्याचे नियोजन करण्यात आले आहे, असेही ते म्हणाले.

पशुपालकांना मदतीचे वाटप

जिल्ह्यात लम्पीमुळे मृत्यू झालेल्या ३१ जनावरांच्या पशुपालकांना नुकसान भरपाई देण्यात आली आहे. यामध्ये उत्तर सोलापूरमधील पाच, सांगोला पाच, करमाळा नऊ, माळशिरस आठ, पंढरपूर तीन आणि माढ्यातील एक या प्रमाणे प्रत्येकी एका पशुपालकांना नुकसान भरपाई देण्यात आली आहे. साधारण एकूण आठ लाख १५ हजार रुपये इतकी रक्कम मंजूर करण्यात आली आहे, अशी माहिती या बैठकीत देण्यात आली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com