Millet Production : शहापूर तालुक्यात वरई उत्पादन घटले

आदिवासी डोंगराळ व पठारी पट्ट्यात भातपिकासोबत जोडपीक म्हणून घेतले जाणारे वरई पीक यंदा अतिपर्जन्यमानामुळे घटले आहे. त्‍यामुळे वरई विक्रीतून होणारा नफा अल्प प्रमाणात मिळणार असल्याने आदिवासी शेतकऱ्यांचे आर्थिक बजेट कोलमडले आहे.
Millet Production
Millet ProductionAgrowon

किन्हवली : आदिवासी डोंगराळ व पठारी पट्ट्यात भातपिकासोबत (Paddy Crop) जोडपीक म्हणून घेतले जाणारे वरई पीक (Varai Crop) यंदा अतिपर्जन्यमानामुळे (Heavy Rain) घटले आहे. त्‍यामुळे वरई विक्रीतून होणारा नफा अल्प प्रमाणात मिळणार असल्याने आदिवासी शेतकऱ्यांचे आर्थिक बजेट कोलमडले आहे.

Millet Production
Agri Commodity MSP : रब्बी हंगामातील पिकांसाठी हमीभाव जाहीर | ॲग्रोवन

शहापूर तालुका हा दुर्गम व डोंगराळ भागांनी व्यापला असल्याने तालुक्यात पठारी व उताराचा भाग आहे. दुर्गम भागात मोठ्या प्रमाणात आदिवासी समाजासोबत शेतकरीवर्ग असून या भागात पारंपरिक पद्धतीने उतारावर नाचणी, वरई, तीळ, खुरसणी आदी पिकांची लागवड करण्यात येते. सपाट भूभागात भातशेती, तर उतारावरील माळरानात नाचणी व वरईची पिके घेण्यात येत आहेत.

खरिप हंगामात शहापुरात नाचणी, वरईचे पीक तीन हजार हेक्टरवर घेण्यात येते. भातापेक्षा वरईच्या विक्रीतून शेतकऱ्याला चांगला नफा मिळतो; पण यंदा अतिपर्जन्यमानामुळे लागवड उशिरा झाली. त्‍यातही लोंब्‍या काही प्रमाणात गळून पडल्याने यंदा वरईचे उत्पन्न घटले आहे.

Millet Production
Onion Cultivation : रोपांच्या टंचाईमुळे उन्हाळ कांद्याच्या तुरळक लागवडी

वरई आरोग्याच्या दृष्टीने लाभदायक असून, शहरी भागात दरही चांगला मिळतो; मात्र निसर्गाच्या लहरीपणामुळे उत्पन्न घटले, तर लागवडीसाठी झालेला खर्चही निघत नाही.

- लक्ष्मण गावंडा, फणसवाडी-टाकीपठार (शेतकरी)

वरईच्या पिकासाठी कृषी विभागाकडून बियाणे पुरविले जाते नसले तरी आवश्यक तिथे आधुनिक शेती तंत्राचा वापर करून वरईचे पीक कसे घ्यावे याचे मार्गदर्शन नक्कीच केले जाईल.

-अमोल अगवान, तालुका कृषी अधिकारी, शहापूर

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com