Farmer Death : शेतकऱ्यांच्या आत्महत्येनंतर गावकऱ्यांचा संताप

महावितरण’कडून कृषिपंपांच्या थकीत वीजबिल वसुलीसाठी मोहीम राबविण्यात येत आहे. मात्र, या मोहिमेत नियमित वीजबिल भरणाऱ्या शेतकऱ्यांवरही अन्याय होत आहे.
MSEDCL
MSEDCL

नगर ः ‘महावितरण’कडून कृषिपंपांच्या (Agriculture Electricity) थकीत वीजबिल वसुलीसाठी (Electricity Bill) मोहीम राबविण्यात येत आहे. मात्र, या मोहिमेत नियमित वीजबिल भरणाऱ्या शेतकऱ्यांवरही अन्याय होत आहे. त्यातूनच अकोळनेर (ता. नगर) येथील शेतकरी पोपट आबाजी जाधव (वय ५५) यांनी महावितरणच्या त्रासाला कंटाळून आत्महत्या (Farmer Suicide) केल्याचा आरोप नातेवाईकांनी केला आहे.

MSEDCL
Electricity : जिल्ह्यात विजेचा प्रश्न होतोय गंभीर

त्यामुळे गावकरी, शेतकरी नेत्यांनी संताप व्यक्त केला. महावितरणच्या अधिकाऱ्यांवर सदोष मनुष्यवधाचा गुन्हा दाखल होत नाही तोपर्यंत संबंधित शेतकऱ्यावर अंत्यसंस्कार करणार नसल्याचे सांगितल्याने चांगला पेच निर्माण झाला.

MSEDCL
Agriculture Electricity : शेतकऱ्यांचे वीज कनेक्शन तोडणे थांबवा

नगर तालुक्यातील अकोळनेर येथील पोपट जाधव यांनी रब्बीतील पिकांची पेरणी केली, मात्र आठ महावितरणने त्यांच्या कृषिपंपाची वीज तोडली असल्याने पिकांना पाणी देता येत नव्हते. डोळ्यादेखत नुकसान होत असल्याने जाधव यांनी सोमवारी (ता. २८) पहाटे आत्महत्या केली. त्यांच्या आत्महत्येला महावितरणचे अधिकारी जबाबदार असल्याचा नातेवाइकांनी केला.

अकोळनेर येथे शेतकरी महावितरण प्रशासनाविरोधात आक्रमक भूमिका घेतली. जिल्हा रुग्णालयात शवविच्छेदनानंतर महावितरण अधिकाऱ्यांविरोधात गुन्हा दाखल होत नाही, तोपर्यंत मृतदेह ताब्यात घेणार नसल्याची भूमिका जाधव कुटुंबीय व शेतकऱ्यांनी घेतली. शेतकऱ्यांबरोबरच महाविकास आघाडीचे नेतेही आक्रमक झाले.

आमदार निलेश लंके, घनश्‍याम शेलार, जिल्हा परिषद सदस्य संदेश कार्ले, बाळासाहेब हराळ, शेतकरी संघटनेचे बच्चू मोढवे यांच्यासह अकोळनेर परिसरातील शेतकऱ्यांनी जिल्हाधिकारी कार्यालयासमोर आंदोलन केले. तसेच, अपर जिल्हाधिकारी सुहास मापारी यांच्याकडे भूमिका मांडली. मापारी यांनी महावितरण व पोलिस अधिकाऱ्यांना जिल्हाधिकारी कार्यालयात पाचारण केले. त्यानंतर आंदोलक व अधिकाऱ्यांत चर्चा झाल्यावर आंदोलन स्थगित करण्यात आले. पोलिसांच्या कारवाईच्या आश्वासनानंतर रात्री उशिरा जाधव यांच्यावर अंत्यसंस्कार केले.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
logo
Agrowon
www.agrowon.com