Satara News : सांगली जिल्ह्यातील वाकुर्डे योजनेच्या थकित वीजबिलाची रक्कम भारतीय जनता पक्षाचे प्रदेश कार्यकारिणी सदस्य अतुल भोसले यांच्या पुढाकारामुळे कृष्णा कारखान्याच्या माध्यमातून नुकतीच भरण्यात आली.
त्यामुळे आता वाकुर्डे उपसा जलसिंचन योजनेचे पाणी सातारा जिल्ह्यातील कऱ्हाड तालुक्यातील दक्षिण मांड नदीत सोडण्यात आले आहे. नांदगाव (ता. कऱ्हाड) येथे या पाण्याचे पूजन अतुल भोसले यांच्या हस्ते करण्यात आले.
कऱ्हाड तालुक्यातील काले, ओंड, ओंडोशी, नांदगाव, मनव, उंडाळे, शेवाळवाडी, जिंती, टाळगाव, घोगाव, येणपे, वाठार, झुजारवाडी, पवारवाडी, चोरमारवाडी, माटेकरवाडी, येळगाव, गोटेवाडी, म्हारूगडेवाडी, आकाईवाडी, साळशिरंबे या गावांतील ग्रामस्थांना वाकुर्डे योजनेच्या माध्यमातून शेतीसाठी व पिण्यासाठी पाणीपुरवठा केला जातो.
वाकुर्डे योजनेचे थकित वीजबिल कृष्णा कारखान्याने अदा करावे, अशी मागणी या भागातील शेतकऱ्यांनी भोसले यांच्याकडे केली होती. डॉ. सुरेश भोसले यांच्या मार्गदर्शनानुसार थकित वीजबिलाचा तीन लाखांचा चेक नुकताच वारणा कालवे विभागाच्या अधिकाऱ्यांना देण्यात आला.
Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.
ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
