Rain : पावसाच्या उघडिपीमुळे धरणांतून विसर्ग घटविला

पावसाने उघडीप घेतल्यानंतर धरणांतील पाण्याच्या आवकेत काहीशी घट होऊ लागली आहे. बुधवारी (ता. २४) सकाळी आठ वाजेपर्यंतच्या चोवीस तासांमध्ये नव्याने ५.८२ टीएमसी एवढ्या पाण्याची आवक झाली आहे.
Raon Update
Raon UpdateAgrowon

पुणे : पावसाने उघडीप घेतल्यानंतर धरणांतील पाण्याच्या आवकेत (Water Inflow In Dam) काहीशी घट होऊ लागली आहे. बुधवारी (ता. २४) सकाळी आठ वाजेपर्यंतच्या चोवीस तासांमध्ये नव्याने ५.८२ टीएमसी एवढ्या पाण्याची आवक झाली आहे. त्यामुळे विसर्गातही (Water Discharge From Dam) किंचित घट करण्यात आली आहे. तर काही धरणांतून पाण्याच्या विसर्गात वाढही करण्यात येत आहे, अशी माहिती सूत्रांनी दिली.

Raon Update
Crop Damage : अतिवृष्टिग्रस्तांना वाढीव दराने भरपाईचा आदेश

धरणांच्या पाणलोट क्षेत्रात पावसाचा जोर काहीसा कमी झाला आहे. मात्र मुळशी, ठोकरवाडी, शिरोटा, वळवण, लोणावळा या घाटमाथ्यावर पावसाचा जोर कमीअधिक होत आहे. मुळशीच्या घाटमाथ्यावर सर्वाधिक ११४ मिलिमीटर पाऊस पडला असून, वळवण ६६, लोणावळा ६२ मिलिमीटर पाऊस पडल्याची नोंद झाली आहे. टेमघर, वरसगाव, पानशेत, पवना, कळमोडी, वडीवळे, आंध्रा, गुंजवणी, नीरा देवघर या धरणांच्या पाणलोट क्षेत्रातही पावसाच्या मध्यम स्वरूपाच्या सरी पडल्या.

Raon Update
Rain : राज्यात पावसाची उघडीप कायम

सध्या मुठा खोऱ्यातील चांगल्या असलेल्या पावसामुळे टेमघर, वरसगाव, खडकवासला या धरणांतून पाण्याचा विसर्ग काहीसा पुन्हा वाढविण्यात आला आहे. नीरा खोऱ्यातील पवना, कासारसाई, कळमोडी, चासकमान, भामा आसखेड, आंध्रा, वडीवळे, नाझरे, गुंजवणी, भाटघर, नीरा देवघर, वीर या धरणांतून कमी प्रमाणात पाण्याचा विसर्ग सुरू आहे. यामध्ये वीर धरणांतून सर्वाधिक ७ हजार २४४ क्युसेकने पाण्याचा विसर्ग सुरू आहे. तर कुकडी खोऱ्यातील पिंपळगाव जोगे, येडगाव, वडज, डिंभे, चिल्हेवाडी, घोड या धरणातून कमीअधिक स्वरूपात पाण्याचा विसर्ग सुरू आहे. घोड धरणांतून ५ हजार ४७५ क्युसेकने पाण्याचा विसर्ग सुरू आहे. तर विसापूर, उजनी, मुळशी या धरणांतूनही पाण्याचा बऱ्यापैकी विसर्ग सुरू आहे. त्यामुळे मुठा, पवना, आरळा, भीमा, भामा, इंद्रायणी, कऱ्हा, घोड, कुकडी, नीरा या नद्या दुथडी भरून वाहत आहेत.

पाणलोट क्षेत्रात ढगाळ वातावरण

खडकवासला, कासारसाई, चासकमान, भामा आसखेड, भाटगर, पिंपळगाव जोगे, माणिकडोह, येडगाव, डिंभे, चिल्हेवाडी या धरणांच्या पाणलोट क्षेत्रातही तुरळक पाऊस पडला. तर घोड, वीर, विसापूर, उजनी, नाझरे, शेटफळ या धरणांच्या पाणलोट क्षेत्रात ढगाळ वातावरणाची स्थिती कायम होती.

Read the latest agriculture news in Marathi and watch Agriculture videos on Agrowon. Get the latest updates on Market Intelligence, Market updates, Bazar Bhav, Agriculture Jugad, and Farmer Success Stories.

ताज्या घडामोडींसाठी फेसबुक, ट्विटर, इन्स्टाग्राम आणि टेलिग्रामवर आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
www.agrowon.com