शेतकऱ्यांनी बीबीएफ पद्धतीने सोयाबीन लागवड करावी: कृषी आयुक्त डवले

एकनाथ डवले पेरणी
एकनाथ डवले पेरणी

अकोला ः बुलडाणा जिल्ह्यातील मूळचे माळवंडी येथील रहिवाशी असलेले कृषी खात्याचे सचिव एकनाथ डवले रविवारी (ता. ९) गावात आले असताना त्यांनी विविध प्रयोगशील शेतकऱ्यांच्या शेतांना भेटी दिल्या. गावशिवारात अधिकाधिक क्षेत्रावर या हंगामात बीबीएफ पद्धतीने सोयाबीन लागवड करण्याबाबत त्यांनी शेतकऱ्यांना प्रोत्साहीत केले. श्री. डवले गावी आलेले असताना त्यांनी माळवंडी नजीक उमरखेड शिवारात सुरू असलेल्या सामूहिक शेततळ्याच्या कामाची पाहणी केली. गावात मिरचीची लागवड केलेल्या काही शेतांना भेटीही दिल्या. त्यानंतर बीबीएफ पद्धतीने सोयाबीनची लागवड करण्यासाठी पेरणी यंत्राचा वापर कसा करता येईल, यासाठी माधवराव चव्हाण यांच्या शेतात श्री. डवले यांच्या उपस्थितीत प्रात्यक्षिक करण्यात आले. शेतकऱ्यांसोबत चर्चा झाली. पेरणी यंत्राला काही साधने लावली तर त्याचा बीबीएफसारखा कितपत उपयोग होतो, हे पाहण्यात आले.  सोयाबीनच्या दोन तासातील अंतर किती असावे, बियाण्याचे प्रमाण किती असावे, यावरही सविस्तर चर्चा झाली. शेतकऱ्यांनी नवनवीन तंत्रज्ञानाचा वापर करावा असा आग्रह श्री. डवले यांनी खासकरून केला. या वेळी विष्णू बेंडे, अनिल सोनोने, एकनाथ खोरे, अशोकराव चव्हाण, सुरेश शिंदे, संजय शिंदे, कृषी सहायक विलास रिंढे यांच्यासह असंख्य शेतकरी उपस्थित होते. 

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com