Agriculture news Guarantee centers closed in Chandrapur; Grain growers in trouble | Agrowon

चंद्रपूरमधील हमीभाव केंद्रे बंद; धान उत्पादक अडचणीत 

टीम अॅग्रोवन
मंगळवार, 12 जानेवारी 2021

चंद्रपूर जिल्ह्यातील एकूण २७ पैकी २४ धान हमीभाव केंद्रे बंद आहेत. मूल येथील धान खरेदी केंद्र ही बंद आहे. खरीप हंगामातील धानाची वाढलेली आवक आणि शेतमाल ठेवण्यासाठी जागा शिल्लक नाही

मूल, जि. चंद्रपूर : चंद्रपूर जिल्ह्यातील एकूण २७ पैकी २४ धान हमीभाव केंद्रे बंद आहेत. मूल येथील धान खरेदी केंद्र ही बंद आहे. खरीप हंगामातील धानाची वाढलेली आवक आणि शेतमाल ठेवण्यासाठी जागा शिल्लक नसल्यामुळे येथील शासकीय आधारभूत धान खरेदी केंद्र बंद करण्यात आले आहे. मागील आठ दिवसांपासून केंद्रच बंद असल्याने नोंदणी केलेल्या ८८३ शेतकऱ्यांची अडचण झाली आहे. 

ढगाळ वातावरणाचाही परिणाम झाला आहे. खरेदी करण्यात आलेल्या शेतमालाची उचल होत नसल्याने गोदामे हाउसफुल्ल झाली आहेत. जिल्ह्यातील २७ पैकी २४ केंद्रे बंद आहेत. मूल तालुका हा धान उत्पादक पट्टा म्हणून ओळखला जातो. येथील तांदळाचा व्यवसाय प्रसिद्ध आहे. त्यामुळे येथील कृषी उत्पन्न बाजार समितीमध्ये शासकीय आधारभूत केंद्र उघडण्यात आले आहे.

खासगी व्यापाऱ्यांसह येथील कृषी उत्पन्न बाजार समितीमध्ये धानाची आवक मोठ्या प्रमाणात वाढली आहे. त्याचप्रमाणे धानाला शासकीय हमीभावही चांगला आहे. यंदा आधारभूत केंद्रातही धानाची आवक महिन्याभराआधीच मोठ्या प्रमाणात वाढली आहे. या केंद्राला चंद्रपूर तालुकाही जोडलेला आहे. शासकीय नियमानुसार आधारभूत केंद्रावर आपला शेतमाल विकण्यासाठी तालुक्‍यातील शेतकऱ्यांनी नोव्हेंबर २०२० पासून नोंदणीकरिता अर्ज सादर केले आहेत.

त्यानुसार आतापर्यंत १ हजार १५१ अर्ज येथील खरेदी केंद्राला प्राप्त झाले होते. त्यापैकी फक्त २६५ शेतकऱ्यांचे ९ हजार ७४२.३५ क्‍विंटल धान खरेदी करण्यात आले आहे. उर्वरित ८८६ शेतकऱ्यांचे अर्ज अजूनही प्रलंबित आहेत. खरेदी केंद्रावर धान खरेदी करण्याकरिता आणि खरेदी केलेले धान ठेवण्यासाठी जागा उपलब्ध नसल्याने मागील आठ दिवसांपासून हे खरेदी केंद्र बंद आहे.

जागेअभावी आणि वातावरणातील बदलामुळे खरेदी केंद्र बंद असल्याने प्रलंबित अर्ज असलेल्या शेतकऱ्यांना नाहक त्रास सहन करावा लागत आहे. शेतमाल विकावा कुठे? अशा संभ्रमावस्थेत शेतकरी सापडला आहे. काही शेतकरी आपला शेतमाल कमी दरात थेट व्यापारांना विकून मोकळे होत आहेत. 

प्रतिक्रिया 
आधारभूत केंद्रावर धानाची आवक मोठ्या प्रमाणात वाढली. त्यामुळे गोदामे हाउसफुल्ल झाली आहेत. जिल्ह्यात २७ ठिकाणी आधारभूत केंद्रे आहेत. त्यापैकी मूल, सिंदेवाही, गोंडपिपरी, कोठारी, पोंभुर्णा, नागभीड, राजोली यासह इतर क्रेंदे जागेअभावी बंद करण्यात आली आहेत. ढगाळ वातावरणामुळे शेतमाल बाहेर ठेवू नये, अशा सूचना करण्यात आल्या आहेत. 
-अनिल गोगीरवार, जिल्हा मार्केंटिग अधिकारी, चंद्रपूर. 
 


इतर ताज्या घडामोडी
सोयाबीन पेंडची आयात शुल्काविना करावीनागपूर : भारतात सोयाबीन पेंडचे दर गगनाला...
दूधदरात पुन्हा दोन रुपयांची कपातनगर ः कोरोना संसर्ग वरचेवर वाढत असल्याने लॉकडाउन...
देशातील पहिले कृषी निर्यात मार्गदर्शन...पुणे ः राज्यातील शेतकरी व उदयोन्मुख...
उत्तर भारतातील कापूस लागवड पूर्णत्वाकडेजळगाव ः देशात उत्तर भारतातील कापूस लागवडीने वेग...
कृषी खात्यातील बदल्या लांबणीवरपुणे ः ऐन कोरोना कालावधीत बदल्यांचा घाट रचलेल्या...
खाद्यतेल दरात गतवर्षीपेक्षा ८० टक्के वाढनागपूर : शेंगदाण्याची निर्यात तसेच पाम तेलावरील...
पूर्व विदर्भात ४५ लाख क्विंटल धान खराब...गोंदिया : भात उत्पादक पूर्व विदर्भातील पाच...
पशुवैद्यक करणार घरपोच सेवा बंदनागपूर : पशुवैद्यकांना फ्रंटलाइन वर्कर्स व कोरोना...
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...