agriculture news in marahi, sales center starts in rahuri, nagar, maharashtra | Agrowon

राहुरी कृषी विद्यापीठाची उत्पादने मिळणार आता एकाच दालनात

टीम अॅग्रोवन
रविवार, 8 सप्टेंबर 2019

नगर :  महात्मा फुले कृषी विद्यापीठांतर्गत करण्यात येणारी उत्पादने आता एकाच दालनात उपलब्ध होत आहेत. विद्यापीठाने नुकतेच विक्री केंद्र सुरू केले असून, कुलगुरू डॉ. के. पी. विश्‍वनाथा यांच्या हस्ते केंद्राचे उद्‍घाटन झाले आहे. 

नगर :  महात्मा फुले कृषी विद्यापीठांतर्गत करण्यात येणारी उत्पादने आता एकाच दालनात उपलब्ध होत आहेत. विद्यापीठाने नुकतेच विक्री केंद्र सुरू केले असून, कुलगुरू डॉ. के. पी. विश्‍वनाथा यांच्या हस्ते केंद्राचे उद्‍घाटन झाले आहे. 

महात्मा फुले कृषी विद्यापीठाची १९६८ मध्ये स्थापना झाली. राज्यातील १० जिल्ह्यांमध्ये या विद्यापीठाचे कार्यक्षेत्र आहे. राज्यातील विविध पिकांशी निगडित समस्यांवर संशोधन करण्यासाठी २७ संशोधन केंद्रे व प्रकल्पामध्ये संशोधन करण्यात येत आहे. या संशोधनातून विद्यापीठाने आजवर विविध पिकांचे अधिक उत्पादने देणारे तसेच कीड व रोग प्रतिकारक असे २६३ सुधारित व संकरित वाण विकसित केले आहेत. याबरोबरच विद्यापीठाने विविध प्रकारची ३६ सुधारित यंत्रे व अवजारे विकसित केली आहेत. विद्यापीठ शेतकरीभिमुख संशोधन करत असून, विविध उत्पादनाची निर्मिती केली जाते. त्या उत्पादनांना शेतकऱ्यांकडून चांगली मागणी असते.

विद्यापीठाची उत्पादने खरेदी करण्यासाठी शेतकऱ्यांना संबंधित विभागात जावे लागत असे. त्यामुळे शेतकऱ्यांचा वेळ आणि खर्च वाया जात होता. त्यामुळे कुलगुरू डॉ. के. पी. विश्‍वनाथा आणि संशोधन संचालक डॉ. शरद गडाख यांच्या संकल्पनेतून महात्मा फुले कृषी विद्यापीठाने दहाही जिल्ह्यांच्या कार्यक्षेत्रात विक्री केंद्रे सुरू केली आहेत. त्यात विविध पिकांच्या वाणांचे बियाणे, कलमे रोपे, जैविक खते, जैविक कीडनाशके, प्रक्रिया पदार्थ आणि बेकरी उत्पादने, विद्यापीठ प्रकाशने, बांबू हस्तकला उत्पादने, कृषी यंत्रे व अवजारे आदी बाबी उपलब्ध होणार आहेत.

राहुरीला महात्मा फुले कृषी विद्यापीठात हे विक्री केंद्र राज्यमार्गा लगतच सुरू केले आहे. याशिवाय कार्यक्षेत्रातील पुणे, सातारा, सांगली, कोल्हापूर, सोलापूर, धुळे, नंदुरबार, नाशिक आणि जळगाव या दहा जिल्ह्यांतील २७ संशोधन केंद्रांवर विद्यापीठ उत्पादने विक्री केंद्रे सुरू केली जाणार आहेत. उत्पादने गावपातळीपर्यंत पोहोचण्यासाठी विपणन साखळी निर्माण करण्यात आली आहे. त्यासाठी विद्यापीठ स्तरावर डॉ. पी. एस. बेल्हेकर यांची विपणन अधिकारी म्हणून नियुक्ती केली आहे. त्यांच्या मदतीला दोन विक्री प्रतिनिधींची नेमणूक करण्यात येत आहे. शेतकरी गट, खासगी विक्रेत्यांनी मोठ्या प्रमाणावर विद्यापीठ उत्पादने खरेदी केल्यास साधारण खरेदी रकमेवर वीस टक्के सवलत देण्यात येत आहे. सकाळी सात ते संध्याकाळी सात या कालवधीत ही केंद्रे सुरू राहणार आहेत. 


इतर ताज्या घडामोडी
पुणे बाजार समितीत व्यवहार सुरळीत...पुणे ः गुलटेकडी येथील पुणे कृषी उत्पन्न बाजार...
बुलडाण्यात २८२ शेतकऱ्यांनी राबवला रेशीम...बुलडाणा : जिल्ह्यात सन २०१५-१६ पासून सहकार व...
पुणे विभागात खरीप पेरणीत अडीच लाख...पुणे ः यंदा जूनच्या सुरुवातीला पावसाने चांगली...
बिबट्याच्या पिंजऱ्यांशेजारीच बसून करणार...मंचर : वनखात्यानेही बिबट्याचे हल्ले रोखण्यासाठी...
खरीप पीक कर्जासाठी भाजपचा आज ठिय्याअमरावती : खरीप हंगाम अर्ध्यावर आला असतानासुद्धा...
औरंगाबादेत ग्राहकांचा रानभाज्या खरेदीला...औरंगाबाद ः आरोग्यदायी व अनेक औषधी गुणधर्म...
नगर जिल्ह्यात तुरीचा ५४ हजार हेक्टरवर...नगर ः नगर जिल्ह्यात यंदा चांगला पाऊस झाला...
रत्नागिरी जिल्ह्यातील ६५ पैकी ४८ धरणे...रत्नागिरी ः अरबी समुद्रात निर्माण झालेल्या कमी...
सांगलीत अडीच हजार क्विंटल मक्याची खरेदीसांगली ः जिल्ह्यातील तीन हमीभाव केंद्रांच्या...
निकृष्ट बियाणे पुरवठादार कंपन्यांवर...अमरावती: निकृष्ट दर्जाच्या बियाणे पुरवठा प्रकरणात...
मराठवाडा विभागातील हवामानानुसार पीक...मराठवाडा विभागातील एकूण हवामान, पर्जन्यमान या...
औरंगाबादमध्ये आज रानभाज्या महोत्सवऔरंगाबाद  ः ‘‘वसंतराव नाईक मराठवाडा कृषी...
सांगलीत ६८ हजार शेतकऱ्यांनी उतरवला...सांगली  ः जिल्ह्यातील ६८ हजार ०१८...
रिसोडमध्ये पावसाची उघडीपवाशीम  ः राज्यात बऱ्याच भागात पाऊस धुमाकूळ...
वाशीम जिल्ह्यात एक लाख ४२ हजार हेक्टर...वाशीम ः पंतप्रधान पीकविमा योजनेत जिल्ह्यातील...
खानदेशात ताग लागवडीला पसंतीजळगाव  ः कमी पाण्यात व उशिरा लागवड करूनही...
पंचगंगा नदीच्या पाणीपातळीत घटकोल्हापूर : पश्चिम भागात पावसाचा जोर घटल्याने...
परभणी विभागात बिजोत्पादन होणार २७ हजार...परभणी : यंदा महाबीजच्या परभणी विभागातील परभणी,...
अकोल्यात पाऊस सुरुचनगर  ः अकोले तालुक्याच्या पश्चिम आदिवासी...
विदर्भातील पोल्ट्री व्यावसायिकांचे...अमरावती : विदर्भातील पोल्ट्री व्यावसायिकांना...