सोलापूर जिल्ह्यात खरिपात शेतकऱ्यांना १ हजार कोटींचे कर्जवाटप

सोलापूर  : वार्षिक पतपुरवठा आराखड्यानुसार यंदाच्या खरीप हंगामात सोलापूर जिल्ह्यातील एक लाख ५० हजार ५५० शेतकऱ्यांना एक हजार ३८६ कोटी रुपयांचे कर्जवाटप करण्याचे उद्दिष्ट देण्यात आले होते. प्रत्यक्षात मात्र ८१ हजार ४९७ शेतकऱ्यांना एक हजार ३७ कोटी रुपयांचा कर्जपुरवठा झाला आहे. उद्दिष्टाच्या ७४.७९ टक्के कर्जवाटप यंदा झाले आहे. गतवर्षीच्या तुलनेत यंदा वाटपाची आकडेवारी वाढली आहे.

सोलापूर जिल्हा मध्यवर्ती सहकारी बॅंकेने २५ हजार ७२३ शेतकऱ्यांना १८३ कोटी रुपयांचे वाटप केले आहे. बॅंक ऑफ इंडियाने २२ हजार २१५ शेतकऱ्यांना २८५ कोटी रुपयांचे वाटप केले आहे.

आयसीआयसीआय बॅंकेने आठ हजार ९१३ शेतकऱ्यांना १०९ कोटी रुपयांचे वाटप केले आहे. खरिपाच्या कर्ज वाटपात या तीन बॅंका आघाडीवर आहेत. युनायटेड बॅंक ऑफ इंडिया, पंजाब नॅशनल बॅंक, कोटक महिंद्रा बॅंक, कॅनरा बॅंक, सेन्ट्रल बॅंक ऑफ इंडिया या बॅंकांनी शेतकऱ्यांना खरिपाचे कर्ज वाटपात निराशाजनक कामगिरी केली आहे.