राज्यात १२ नवे कोरोना रुग्ण, बाधितांची संख्या १९३ वर

मुंबई: राज्यात १२ नवे कोरोना पॉझिटिव्ह रुग्ण आढळले आहेत. त्यामुळे राज्यातील कोरोना बाधितांची संख्या १९३ वर पोचली आहे, अशी माहिती आरोग्य विभागाच्या सुत्रांनी दिली.  

नविन १२ रुग्णांपैकी ५ रुग्ण हे पुण्यातील आहेत. तर, मुंबईतील ४ आणि सांली, जळगाव आणि नागपुरातील प्रत्येकी एका रुग्णाचा समावेश आहे. राज्यात सर्वाधिक ७७ कोरोनाबाधित रुग्ण मुंबईत आहेत. त्यांनतर सांगलीत २५, पुण्यात २४, पिंप्री चिंचवडमध्ये १२, नागपूर १२, कल्याण डोंबिवली ७, नवी मुंबई ६, ठाणे ५, यवतमाळ आणि वसई-विरार प्रत्येकी ४, नगर ३, सातारा आणि पनवेल प्रत्येकी २, उल्हासनगर, औरंगाबाद, रत्नागिरी, पुणे ग्रामिण, सिंधुदुर्ग, पालघर, कोल्हापूर, गोंदिया आणि जळगावत प्रत्येकी १ रुग्ण आढळला आहे. तर गुजरातमधील एक रुग्ण आहे. 

५ रुग्णांना डिस्चार्ज पिंप्री चिंचवड येथील ५ रुग्णांचे सलग दोन रिपोर्ट निगेटीव्ह आल्याने त्यांना घरी सोडण्यात आले आहे. ‘‘कोरोनाच्या ५ रुग्णाचे दोन्ही रिपोर्ट निगेटीव्ह आल्याने त्यांना डिस्चार्ज देण्यात आला आहे,’’ अशी माहिती पिंप्री चिंचवड महानगरपालिकेचे आयुक्त श्रवण हार्डिकर यांनी दिली. आतापर्यंत ३६ पॉझिटीव्ह रुग्णांपैकी १५ रुग्णांना बरे झाल्यानंतर डिस्चार्ज देण्यात आला आहे.