agriculture news in Marathi, २६ bamboo variety planted by Kokan Agriculture University, Maharashtra | Page 2 ||| Agrowon

कोकण कृषी विद्याठाकडून बांबूच्या २६ वाणांची चार एकरवर लागवड

टीम अॅग्रोवन
शनिवार, 21 सप्टेंबर 2019

दाभोळ, जि. रत्नागिरी  : कोकणात व्यावसायिक दृष्टीने बांबूची शेती होऊ शकत नाही, या मानसिकतेला येथील डॉ. बाळासाहेब सावंत कोकण कृषी विद्यापीठाच्या वनशास्त्र महाविद्यालयाने छेद दिला आहे. या महाविद्यालयातर्फे बांबूच्या एक दोन नव्हे तर तब्बल २६ वाणांची चार एकर जागेवर लागवड करण्यात आली आहे. या उपक्रमामुळे कोकणातील बांबू व्यवसायाची ही सुरवात मानली जात आहे.

दाभोळ, जि. रत्नागिरी  : कोकणात व्यावसायिक दृष्टीने बांबूची शेती होऊ शकत नाही, या मानसिकतेला येथील डॉ. बाळासाहेब सावंत कोकण कृषी विद्यापीठाच्या वनशास्त्र महाविद्यालयाने छेद दिला आहे. या महाविद्यालयातर्फे बांबूच्या एक दोन नव्हे तर तब्बल २६ वाणांची चार एकर जागेवर लागवड करण्यात आली आहे. या उपक्रमामुळे कोकणातील बांबू व्यवसायाची ही सुरवात मानली जात आहे.

सध्या कोकणात ठरावीक ठिकाणी बांबूची लागवड करण्यात येते. मात्र व्यावसायिक दृष्टीने होत नाही. वनशास्त्र महाविद्यालयाने ४ एकरात २४ जातींच्या बांबूची बेटे निर्माण केली. कोकणातील मातीत देखील बांबू रुजू शकतो हे दाखवून दिले आहे. नुसती बांबूची लागवड करून हे महाविद्यालय थांबले नाही तर कोकणातील शेतकऱ्यांना बांबू लावण्यासाठी प्रोत्साहन देखील देत आहे. याकरिता विविध प्रकारच्या प्रशिक्षणाचे आयोजनदेखील केले जात आहे. प्रशिक्षणात येथील शेतकऱ्यांना बांबूच्या विविध जातींची माहिती देऊन बांबूच्या दहा हजार रोपांची वर्षाला विक्री होते. 

बांबूची रोपे ही कांडी पद्धतीने तयार केली जातात. याकरिता बांबूची काठी तोडून त्या काड्या गादीवाफ्यात लावतात. डिसेंबर महिन्यामध्ये गादीवाफे तयार करण्यात येतात. हे गादीवाफे सावलीत तयार करण्यात येतात. त्याला सहा महिने पाण्याची व्यवस्था करण्यात येते. त्यानंतर जून ते जुलै महिन्यामध्ये गादीवाफ्यामधून सर्व काड्या वेगळ्या करण्यात येतात व त्या वेगळ्या पिशव्यांमध्ये भरतात. एका पिशवीची किंमत ५० रुपये असते. या काड्या तीन बाय तीन अंतरावर शेतकऱ्यांनी लावल्यास एका काडीपासून चार वर्षांनी उत्पन्न सुरू होते. एका बेटातून शेतकऱ्याला वर्षाला सहा ते बारा बांबू विक्रीसाठी उपलब्ध होतात. एका हेक्टरमध्ये शेतकरी अकराशे रोपे लावू शकतात. असे तयार केलेले एक बेट तीस वर्षे जगते.

बांबूच्या जाडीवरून त्याचा उपयोग ठरतो. विद्यापीठाने बासरीसाठी वापरण्यात येणाऱ्या ओकलॅन्डा ट्रॅव्हल कोटिका या विशेष बांबूची देखील लागवड केलेली आहे. ही जात विद्यापीठानने केरळमधून आणून दापोलीत रुजवली आहे. त्याचप्रमाणे मासे पकडायच्या गळाला वापरण्यासाठी ओलीव्हिरी या जातीच्या बांबूची देखील येथे लागवड करण्यात आली आहे. या जातीचे बांबू फार लवचिक असल्याने ते सहसा मोडत नाही. त्याचप्रमाणे आंबा काढणीसाठी झेलयाला लावण्यासाठी वापरण्यात येणारे मेलेकोना या बांबूची देखील विद्यापीठाने लागवड केलेली आहे. 

वनशास्त्र महाविद्यालयाचे सहयोगी अधिष्ठाता डॉ. मुराद बुरोंडकर, प्रा. डॉ. प्रदीप नारखेडे व विद्यापीठाचे संशोधन संचालक डॉ. पराग हळदणकर यांच्या मार्गदर्शनाखाली या बांबूच्या वनाची निर्मिती करण्यात आली.


इतर अॅग्रो विशेष
‘भीमाघोड’ने उभारली सर्वांत मोठी कांदा...पुणे: भीमाघोड शेतकरी उत्पादक कंपनीने महाओनियन...
पावसाचा जोर आजपासून वाढणारपुणे ः उत्तर महाराष्ट्र ते अरबी समुद्रातील पूर्व...
कापसाचे ६१४ कोटी थकीतनागपूर : राज्यात खरेदी करण्यात आलेल्या कापसाची...
वैद्यांनी जपला यांत्रिकीकरणाचा वारसागरज ही शोधाचा जननी असते. त्यातूनच निंभोरा बोडखा (...
प्रतिकूल हवामानात घडवली बीबीएफ’...जालना कृषी विज्ञान केंद्र, खरपुडी-जालना (केव्हीके...
बदलत्या व्यापार समिकरणांचा अन्वयार्थशेती क्षेत्रात नुकत्याच आम्ही काही सुधारणा केल्या...
शरद जोशींचे शिक्षण स्वातंत्र्यशरद जोशींचे तत्वज्ञान एका शब्दात सांगायचे म्हटले...
अभियान नको, योजना हवीकेंद्र सरकारने आत्मनिर्भर योजनेंतर्गत शेतमाल...
इर्व्हिनिया रॉट रोगाची केळी पिकात समस्या जळगाव ः जिल्ह्यात केळी पिकात...
`पोकरा`मधून शेतमजुरांना प्रशिक्षण द्याऔरंगाबाद: नानाजी देशमुख कृषी संजीवनी...
ऑगस्टमध्ये प्रथमच भरले सीना धरण नगर: दुष्काळी कर्जत, श्रीगोंदा आणि आष्टी...
कोल्हापूर : जनावरे बाजारातील...कोल्हापूर: `कोरोना’च्या पार्श्वभूमीवर लॉकडाउनमुळे...
साखर निर्यातवाढीसाठी केंद्राची ‘रॅपिड अ...कोल्हापूर: देशातून जास्तीत जास्त साखर निर्यात...
परभणीत सोळा हजार शेतकऱ्यांचे आधार...परभणी ः महात्मा जोतिराव फुले शेतकरी कर्जमुक्ती...
सोयाबीन बियाणेप्रकरणात शेतकऱ्यांना एक...अमरावती : विभागातील पाच जिल्ह्यांत सोयाबीन बियाणे...
‘ई-नाम’, शीतसाखळी बळकट करण्याची गरज;...पुणे: चीनशी व्यापारी संबंध डळमळीत झाल्यानंतर...
‘सिट्रस नेट’वर केवळ दोनशे शेतकऱ्यांची...नागपूर : प्रशासकीय यंत्रणांच्या उदासीनतेमुळे ‘...
मका खरेदी केंद्रांवर शेतकरी ठाण मांडून औरंगाबाद: हमीभावाने खरेदीसाठी ३१ जुलैपर्यंत...
पावसाचा जोर वाढण्याची शक्यता  पुणे ः  बंगालच्या उपसागरात कमी दाबाचे...
भाजीपाला शेतीतून अर्थकारणाला गतीडोंगरगाव (ता.जि.अकोला) शिवारातील योगेश नागापुरे...