सोलापूर : मोहोळ-पंढरपूर या पालखी मार्गावर भूसंपादन केलेल्या शेतकऱ्यांना समृद्धी मार्गाच्या धर्तीवर लाभ दिला आहे. नुकतेच राष्ट्रीय महामार्गाकडून मोबदल्याची रक्कम आली आहे. लवकरच त्याचे वाटप करणार असल्याची माहिती प्रांताधिकारी सचिन ढोले यांनी दिली.
या रस्त्यावरील मांडवे वस्तीजवळील एक किलोमीटर रस्त्याचे काम पूर्ण झाले. त्यावरून सोलापूर- कराड ही पहिली एसटी बस सोडून रस्ता प्रथमच खुला करण्यात आला. त्यावेळी ढोले बोलत होते.
ढोले म्हणाले, ‘‘या रस्त्यासाठी आतापर्यंत सुमारे २५० कोटी रुपये वाटप केले आहेत. ज्यांच्या जमिनींचे अधिग्रहण केले आहे, त्यांना लाभ दिला आहे. अनेकांना कौटुंबिक वादामुळे मोबदला देणे राहिले आहे, ते वादही लवकरच मिटवण्यात येतील. त्यानंतर रस्त्याचे काम अधिक वेगाने करून लवकर पूर्ण होण्यासाठी प्रयत्न करत आहोत. या रस्त्यावरून वाहतूक वेगाने आणि जलद होणार आहे. त्यामुळे प्रवाशांचा वेळ, इंधन आणि पैसा वाचणार आहे.’’
या वेळी प्रकल्प संचालक संजय कदम, प्रकल्प व्यवस्थापक एन. पाशा, समन्वयक अनिल विपत, अभियंता यादव कुर्मा, भाजपचे तालुका सरचिटणीस रमेश माने, तालुका कृषी अधिकारी बापूसाहेब मोरे, नगरसेवक प्रमोद डोके, विवेक भांगे, शेतकरी नारायण मांडवे आदी उपस्थित होते.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.