कोल्हापूर : ‘‘बिद्री (ता. कागल) येथील श्री दूधगंगा वेदगंगा सहकारी साखर कारखाना यंदा गळितास येणाऱ्या उसाला प्रतिटन एफआरपी नुसार ३०५६ रुपये दर एकरकमी दिला जाईल. हा दर जिल्ह्यातील सहकारी साखर कारखानदारीत सर्वाधिक आहे’’, अशी माहिती कारखान्याचे अध्यक्ष के. पी. पाटील यांनी दिली.
पाटील म्हणाले, ‘‘बिद्री साखर कारखान्याच्या सन २०२०-२१ या गत गळीत हंगामात ६ लाख ८० हजार ४२७ मे. टन उसाचे गाळप करून ८ लाख ६५ हजार ६०० क्विंटल साखर पोत्यांचे उत्पादन झाले. सरासरी साखर उतारा १२.७२ टक्के मिळाला. त्यानुसार कारखान्याची एफआरपी ३०५५.१७ रुपये इतकी होते. मात्र कारखान्याने ही रक्कम ३०५६ रुपये इतकी देण्याचा निर्णय घेतला. कारखान्याने कायमपणे एकरक्कमी एफआरपी दिली. इतर कारखान्यांच्या तुलनेत नेहमीच १०० ते १५० रुपये जास्त राहिली. यंदाही ही प्रथा कायम राखली जाईल.’’
या वेळी संचालक गणपती फराकटे, प्रवीणसिंह पाटील, बाबासाहेब पाटील, राजेंद्र पाटील, धनाजीराव देसाई, श्रीपती पाटील, धोंडिराम मगदूम, उमेश भोईटे, एकनाथ पाटील, प्रवीण भोसले, मधुकर देसाई, के. ना. पाटील, अशोक कांबळे, युवराज वारके, प्रदिप पाटील आदी उपस्थित होते. स्वागत व्यवस्थापकीय संचालक आर. डी. देसाई यांनी केले. आभार कार्यकारी संचालक के. एस. चौगुले यांनी मानले.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.