Agriculture news in marathi ‘Land Suposhan and Samrakshan Janajagaran’ campaign in the country | Agrowon

देशात ‘जमीन सुपोषन व संरक्षण जनजागरण’ अभियान

टीम अॅग्रोवन
शनिवार, 17 एप्रिल 2021

संपूर्ण देशभरात मंगळवारपासून (ता. १३) ‘जमीन सुपोषन व संरक्षण जनजागरण’ अभियान राबविण्याला सुरुवात झाली आहे. यासंदर्भात केंद्रीय कृषी व शेतकरी कल्याण राज्यमंत्री पुरुषोत्तम रूपाला यांच्या प्रमुख सहभाग होता.

औरंगाबाद : संपूर्ण देशभरात मंगळवारपासून (ता. १३) ‘जमीन सुपोषन व संरक्षण जनजागरण’ अभियान राबविण्याला सुरुवात झाली आहे. यासंदर्भात केंद्रीय कृषी व शेतकरी कल्याण राज्यमंत्री पुरुषोत्तम रूपाला यांच्या प्रमुख सहभागातून देशभरातील ७२२ कृषी विज्ञान केंद्राचे शास्त्रज्ञ व अकराही अटारीचे संचालक व शास्त्रज्ञांचा राष्ट्रीय वेबिनार गुरुवारी (ता. १५) पार पडला. 

भारतीय कृषी संशोधन परिषदेअंतर्गत कृषी तंत्रज्ञान उपयोजन संशोधन संस्थेचे (अटारी), पुणे आणि अक्षय कृषी परिवार नवी दिल्ली यांच्या संयुक्त विद्यमाने या वेबीनारचे आयोजन करण्यात आले होते. कृषी विज्ञान केंद्र आणि कृषी कामधेनू पशुपालन विद्यापीठाची भूमिका हा वेबिनारचा विषय होता. 

कार्यक्रमाच्या सुरुवातीला माजी केंद्रीय मंत्री तथा राष्ट्रीय कामधेनू आयोगाचे माजी अध्यक्ष डॉ. वल्लभभाई कथिरिया यांनी स्वागतपर मार्गदर्शनात म्हणाले, की १३ एप्रिल ते २४ जुलै या कालावधीत भूमी सुपोषण आणि संरक्षण जनअभियान देशभरातरा बविण्यात येत आहे. यामध्ये कृषि विज्ञान केंद्राची भूमिका महत्त्वाची असेल. प्रत्येक कृषी विज्ञान केंद्रात देशी गायींचे मॉडेल विकसित करण्याचे आवाहन त्यांनी केले. 

भारतीय कृषी संशोधन परिषदेचे उपमहासंचालक (कृषी विस्तार) डॉ. ए. के. सिंग म्हणाले, की भूमी सुपोषण अभियान शेतकऱ्यांपर्यंत पोहोचविण्यासाठी कृषी विज्ञान केंद्रामार्फत आवश्‍यक ते प्रयत्न केले जातील. 

कामधेनू विद्यापीठाचे कुलगुरू डॉ. एन. एच. केलावाला यांनी देशी गाईचे महत्त्व विषद केले. कामधेनू विद्यापीठ कृषी विज्ञान केंद्रातील शास्त्रज्ञांना आवश्‍यक ते प्रशिक्षण देण्यास मदत करेल, असेही त्यांनी सांगितले. भूमी सुपोषण राष्ट्रीय अभियानाचे सदस्य अजित केळकर यांनी आपल्या विस्तृत मार्गदर्शनातून जमिनीचे आरोग्य, तिची जैविक सुपीकता व ती टिकविण्यासाठी करावयाच्या उपाययोजना याबाबत विवेचन केले. अटारी पुणेचे संचालक डॉ. लाखन सिंग म्हणाले, की पशुधन हा शेतीचा अविभाज्य भाग व्हावा. ग्रामीण भागात प्रेरकांमार्फत शेतकऱ्यांना मार्गदर्शन करावे. वेबिनारमध्ये देशभरातली कृषी विज्ञान केंद्रांतून ७५० पेक्षा जास्त कृषी शास्त्रज्ञ सहभागी झाले होते. 

सेंद्रिय निविष्ठा केंद्र स्थापन करा ः रुपाला 
देशातील कृषी विज्ञान केंद्रांनी सेंद्रिय निविष्ठा केंद्र स्थापन करून सेंद्रिय शेतीस चालना द्यावी, असे प्रतिपादन केंद्रीय कृषी व शेतकरी कल्याण राज्यमंत्री पुरुषोत्तम रुपाला यांनी केले. ‘भूमी सुपोषण व संरक्षण जनजागरण अभियान’ कार्यक्रमांतर्गत आयोजित राष्ट्रीय वेबिनारमध्ये प्रमुख अतिथी म्हणून ते बोलत होते. श्री. रुपाला म्हणाले, गोपालन हा आता शेती व्यवसायाचा अविभाज्य भाग झाला असून, त्या संदर्भात ग्रामीण आणि शहरी भागात स्वतंत्रपणे जनजागृती करण्याची गरज आहे. रासायनिक खते आणि कीटकनाशकांच्या वापराशिवायही शेती करता येते. भूमी सुपोषण अभियानाचा भाग म्हणून प्रत्येक कृषी विज्ञान केंद्राने किमान एका कार्यक्रमाचे त्यांच्या केंद्रावर आयोजन करावे, असे मतही कृषी व शेतकरी कल्याण राज्यमंत्री श्री. रुपाला यांनी व्यक्त केले. 

‘भूमी सुपोषण अभियानाचा’ संदेश प्रसारित करावा
भारतीय कृषी संशोधन परिषदेचे महासंचालक डॉ. त्रिलोचन महापात्रा म्हणाले, की चांगल्या उत्पन्नासाठी सुपीक जमीन महत्त्वाची आहे. शेतकऱ्यांचे उत्पन्न दुप्पट करण्यासाठी जमिनीच्या आरोग्याकडे लक्ष देणे गरजेचे आहे. जैविक शेती, सेंद्रिय शेती, एकात्मिक अन्नद्रव्य व्यवस्थापन या गोष्टींचा अवलंब करणे आवश्‍यक आहे. भारतीय कृषी संशोधन परिषद भारतीय स्वातंत्र्याच्या ७५ व्या वर्षानिमित्त ७५ आठवड्यांचा विशेष कार्यक्रम तयार करणार असून, तो ऑगस्ट २०२२ पर्यंत चालेल, असे ते म्हणाले. कृषी विज्ञान केंद्रांनी आपल्या दैनंदिन कार्यक्रमातून ‘भूमी सुपोषण अभियानाचा’ संदेश प्रसारित करावा, असेही ते शेवटी म्हणाले. 
 


इतर ताज्या घडामोडी
सोयाबीन बियाणे निर्बंध मध्य प्रदेशकडून...पुणे ः परराज्यांत सोयाबीन बियाणे विक्रीवर निर्बंध...
‘महाबीज’चे सोयाबीन बियाणे दर ‘जैसे थे’अकोला : खरीप हंगामासाठी ‘महाबीज’ने सोयाबीन...
देशाच्या तुलनेत निम्मी साखर एकट्या...कोल्हापूर : देशाच्या साखरनिर्यात कोट्यापैकी जवळ...
‘गोकुळ’चा कल सत्तांतराकडेकोल्हापूर : अत्यंत चुरशीने झालेल्या कोल्हापूर...
‘सह्याद्री’च्या पर्वतरांगेमधून...नाशिक : सह्याद्रीच्या पर्वतरांगेत पश्‍चिम घाट...
राज्यात आंब्याचा हंगाम ऐन बहरातअकोल्यात बदाम आंबा ४००० ते ४५०० रुपये क्विंटल...
सोशल मीडियाद्वारे ६५ टन कलिंगड विक्रीपुणे : कोरोनामुळे सलग दुसऱ्या वर्षी एप्रिल...
मध्य प्रदेश सरकारकडून बियाणे विक्रीवर...पुणे ः सोयाबीन बीजोत्पादनात देशात सर्वात मोठा...
पशुखाद्य निर्मितीचा कच्चा माल दुपटीने...सांगली : पशुखाद्य तयार करण्यासाठी लागणाऱ्या...
दक्षिण भागात गारपिटीची शक्यतापुणे :  गेल्या काही दिवसांपासून उन्हाचा चटका...
परभणी जिल्ह्यात कडक निर्बंध लागूपरभणी ः  कोरोनाचा प्रसार रोखण्यासाठी...
परभणी जिल्ह्यात लघु तलावांत सरासरी १९...परभणी ः वाढते तापमान, बाष्पीभवनाचा वाढलेला वेग,...
नाशिक जिल्ह्यात बाजार समित्यांमध्ये...नाशिक : पणन विभागाच्या परिपत्रकात सलग ३...
नाशिक : 'ऑक्सिजन एक्स्प्रेस'द्वारे २७....नाशिक : ‘‘जिल्ह्यातील प्राणवायूची तूट भरून...
सांगलीत केळीच्या क्षेत्रात घट होण्याची...सांगली ः जिल्ह्यात गेल्या दोन वर्षात झालेल्या...
रत्नागिरीत ३७ टन काजू बी तारणरत्नागिरी ः काजूचे बाजारातील दर घसरल्यानंतर...
आदिवासी विकास मंडळ करणार गव्हाची खरेदीयवतमाळ : आदिवासी विकास महामंडळाकडून राज्यात...
परभणीत सोयाबीनचे दीड हजार क्विंटल...परभणी ः परभणी तालुक्यात यंदा ११० हेक्टरवर उन्हाळी...
भुईमुगाचे वाण निकृष्ट, कंपन्यांवर...यवतमाळ : जिल्ह्यात भुईमुगाच्या शेंगा न धरण्याचे...
नगरमध्ये महावितरणच्या पायाभूत सुविधांचे...नगर : कृषिपंप वीज धोरण २०२०च्या अंमलबजावणीमुळे...