Agriculture News in Marathi ‘Malegaon will give the factory FRP to farmers | Page 2 ||| Agrowon

‘माळेगाव कारखाना देणार  शेतकऱ्यांना ‘एफआरपी’’ 

टीम अॅग्रोवन
गुरुवार, 30 सप्टेंबर 2021

माळेगाव साखर कारखाना आगामी काळात शासन धोरणानुसार एफआरपीची रक्कम शेतकऱ्यांना अधिकाधिक देण्यास प्रयत्न करेल. येत्या हंगामात १५ लाख टन ऊस गाळपाचे उद्दिष्ट आहे.

माळेगाव, जि. पुणे : माळेगाव साखर कारखाना आगामी काळात शासन धोरणानुसार एफआरपीची रक्कम शेतकऱ्यांना अधिकाधिक देण्यास प्रयत्न करेल. येत्या हंगामात १५ लाख टन ऊस गाळपाचे उद्दिष्ट आहे. साखर गोडाउनसह प्रतिदिनी १० टन सीएनजी गॅस प्रकल्प उभारणे आदी महत्त्वाकांक्षी कामे करीत माळेगाव कारखाना नक्की अग्रगण्य ऊसदराशी स्पर्धा करेल, असे प्रतिपादन अध्यक्ष बाळासाहेब तावरे यांनी केले. 

माळेगाव सहकारी साखर कारखान्याची ६६वी वार्षिक सर्वसाधारण सभा अध्यक्ष बाळासाहेब तावरे, उपाध्यक्ष बन्सीलाल आटोळे, कार्यकारी संचालक राजेंद्र जगताप यांच्या उपस्थितीत ऑनलाइन पार पडली. परिणामी, शासन निर्णयानुसार शेअर्स किंमत वाढविण्यासह सभेपुढे ठेवलेले ११ विषय सर्वांनुमते मंजूर झाले. या प्रसंगी अध्यक्ष तावरे यांनी वरील धोरणात्मक भूमिका स्पष्ट केली. या वेळी सर्वाधिक फायद्याच्या ठरलेल्या विमा रकमेत २ लाखांची मर्यादा ८ लाखांपर्यंत वाढविणे, परदेशी शिक्षण घेऊ इच्छिणाऱ्या मुलांच्या उच्च शिक्षणासाठी अर्थिक तरतूद करणे, केंद्र शासनाच्या धोरणानुसार अधिकाधिक इथेनॉलनिर्मिती करणे, गतवर्षीच्या अंतिम बिलातील उर्वरित १९१ रुपये एकरकमी दिवाळीला द्यावेत आदी मागण्यांचा आग्रह झाला.

त्यामध्ये सभासद बाबूराव चव्हाण, सुनील पवार, अनिल जगताप, विनायक गावडे, डी. डी. जगताप, विजय तावरे, विलास तावरे, शेखर जगताप, इंद्रसेन आटोळे आदींचा समावेश होता. 

दुसरीकडे, अहवाल सालातील प्रतिटन २७५० अंतिम भाव कमी निघाला, विस्तारिकरणाच्या नावाखाली झालेल्या भ्रष्टाचाराबाबत श्‍वेतपत्रिका काढावी आदी मुद्दे कळीचे ठरले. या बाबत अध्यक्ष तावरे म्हणाले, ‘‘माळेगावने दोनशे कोटी रुपये खर्च करून कारखान्याचे विस्तारीकरण केले. परंतु त्या कालावधीमध्ये यंत्रसामग्रीने पाहिजे तेवढी साथ न दिली नाही. ऊस गाळप व रिकव्हरी घसरली. साखरेचा दर्जाही खालावला. वीज, डिस्टलरी आदी प्रकल्पाचे उत्पन्नही कमी आले. शिल्लक साखरेचा प्रश्‍नामुळे बॅंकांच्या व्याजाचा भुर्दंड वाढला, तोडणी वाहतुकीच्या कर्जासह विविध देणी द्यावी लागली. अशातच २०१९-२० हंगामात उत्पादन खर्च आणि उत्पनाचा विचार न करता प्रतिटन २७०० रुपये अंतिम दर दिला गेला. त्यामुळेच सन २०२०-२१चा अंतिम ऊस २७५० इतका निघाला. प्रादेशिक सहसंचालक यांच्याकडून विस्तारिकरणाची चौकशी चालू असून, या बाबत वस्तूस्थिती पुढे येईल.’’ 

अभिनंदनाचे ठराव ः  
गतवर्षी कोरोनासह विविध आजारांच्या पार्श्वभूमिवर अध्यक्ष बाळासाहेब तावरे, उपाध्यक्ष बंशीलाल आटोळे, संचालक नितीन सातव आदी संचालकांनी राबवलेल्या आरोग्य विमा योजनेचा सभासदांना सर्वाधिक फायदा होणे, उसाचे वेळेत गाळप केल्याने गहू व हरभाऱ्याची पिके घेता आली, माजी केंद्रीय कृषिमंत्री शरद पवार यांनी साखर कामगारांचा वेतन वाढीचा प्रश्न निकाली काढला, संचालकांनी शंभर टक्के प्रदुषण नियंत्रित करण्यासाठी प्रयत्न केले, कर्जमुक्तीकडे कारखान्याची वाटचाल होणे आदी संचालक मंडळाच्या चांगल्या कामांचे अभिनंदनाचे ठराव अनेक सभासदांनी मांडले.
 


इतर ताज्या घडामोडी
रब्बीसाठी खानदेशात आवर्तन सुटले गिरणा,...जळगाव ः  खानदेशात विविध प्रकल्पांमधून मागील...
उसाच्या थकीत रकमेसाठी शेतकऱ्यांचा...चोपडा, जि.जळगाव : चोपडा शेतकरी सहकारी साखर...
परभणी जिल्ह्यात ‘पोकरा’अंतर्गत योजनांचा...परभणी ः जिल्ह्यात नानाजी देशमुख कृषी संजीवनी...
कोल्हापूर बाजार समितीत शिवसेनेतर्फे...कोल्हापूर : ‘‘शेतकऱ्यांना बंदुकीची भाषा...
पीकविमा न मिळाल्यास अन्नत्याग आंदोलनऔरंगाबाद: ‘‘आमचा फळपीक विमा  व इतर पिकांचा...
रयत क्रांतीचा बडोदा बँकेवर आक्रोश मोर्चानांदेड : बँक ऑफ बडोदा शाखेकडून मुखेड तालुक्यातील...
सांगली जिल्हा बँकेच्या थकबाकी वसुलीसाठी...सांगली : जिल्हा बँकेची थकबाकी सुमारे ६५० कोटीहून...
मकर संक्रांतीसाठी सांगलीत गुळाची आवक...सांगली : संक्रांतीनिमित्त सांगली बाजार समितीत...
पुणे जिल्हा बँकेवर राष्ट्रवादीचे वर्चस्वपुणे : पुणे जिल्हा मध्यवर्ती सहकारी बँकेच्या...
शेतकऱ्यांनाही थंडी जाणवते भाऊ!जलालखेडा, जि. नागपूर ः नरखेड तालुक्यात रब्बी...
‘मँगोनेट’ अंतर्गत सात वर्षांत ४, ५६६... रत्नागिरी : हापूसची परदेशात निर्यात होऊन येथील...
‘जलजीवन मिशन’च्या कामात सातारा अग्रेसरसातारा : जलजीवन मिशनअंतर्गत जिल्ह्यात २३७...
नाशिकमधील उन्हाळ कांद्याचा साठा अखेरीकडेनाशिक : फेब्रुवारी २०२१पासून उन्हाळ कांद्याची...
पाणीपट्टी ऊसबिलातून वसूल केल्यास आंदोलनसांगली ः  शेतकऱ्यांकडील पाणीपट्टीची रक्कम...
अकोला जिल्हा परिषदेत नववर्षातही राजकीय...अकोला ः गेले वर्षभर जिल्हा परिषदेत सुरू असलेले...
पुणे विभागात ज्वारी क्षेत्रात...पुणे : परतीच्या पावसाने चांगलाच धुमाकूळ घातल्याने...
येल्लकी वाणाच्या केळीला क्विंटलला चार...जळगाव  ः वढोदा (ता. चोपडा, जि. जळगाव) येथील...
घरच्या घरी भाजीपाल्यासाठी ‘जिजाई नॅनो...सोलापूर ः घरच्या घरी सेंद्रिय पद्धतीने आणि अगदी...
बलून बंधाऱ्यांसाठी गिरणा परिक्रमा सुरू जळगाव ः  गिरणा नदीवर प्रस्तावित बलून...
घाटणे बॅरेजमध्ये गेलेल्या जमीनीची...सोलापूर ः मोहोळ तालुक्यातील आष्टी उपसा सिंचन...