Agriculture news in marathi, ‘Manjra’ in 42 years Filled fifteen times | Page 2 ||| Agrowon

‘मांजरा’ ४२ वर्षांत पंधरा वेळा भरले

हरी तुगावकर
गुरुवार, 23 सप्टेंबर 2021

लातूर ः लातूर, उस्मानाबाद आणि बीड जिल्ह्यांच्या दृष्टीने महत्त्वाच्या असलेल्या मांजरा धरणाला ४२ वर्ष झाली आहेत. यात केवळ १५ वेळेसच हे धरण शंभर टक्के भरले आहे.

लातूर ः लातूर, उस्मानाबाद आणि बीड जिल्ह्यांच्या दृष्टीने महत्त्वाच्या असलेल्या मांजरा धरणाला ४२ वर्ष झाली आहेत. यात केवळ १५ वेळेसच हे धरण शंभर टक्के भरले आहे. इतर वर्षी मात्र धरणात समाधानकारक पाणीसाठा झालेला नाही. त्यात गाळही मोठ्या प्रमाणात आला आहे. त्यामुळे मृतसाठ्याची क्षमताही कमी झाली आहे.  गेल्या काही वर्षांत तर धरणाच्या पाणलोट ऐवजी खालच्या क्षेत्रातच जास्त पाऊस पडत आहे. याचा परिणाम पिण्याचे पाणी तसेच सिंचनाच्या पाण्यावर होत आहे. धरणातील पाण्याचे योग्य नियोजन करण्याची गरज आहे.

या धरणात १९८० पासून पाणी साठविण्यास सुरवात झाली. नऊ वर्षानंतर म्हणजे १९८८-८९ मध्ये हे धरण पहिल्यांदा शंभर टक्के भरले. ते सलग तीन वर्ष शंभर टक्के भरले होते. त्यानंतर २००५ ते २००७,  २०१० ते २०१२, २०१६ ते २०१८, तसेच गेल्या वर्षी व या वर्षीही हे धऱण शंभर टक्के भरले आहे. त्यानंतरच्या वर्षात धरणाच्या पाणलोट क्षेत्रात मात्र फारसा पाऊस झालेला नाही. या धरणाच्या पाणलोट क्षेत्रात पाऊस पडला, तर सलग एक दोन वर्ष चांगला पडतो. अन्यथा कोरडा दुष्काळ राहत आहे. त्यात २००१ ते २००५ ही सलग चार वर्षे तसेच २०१२ ते २०१६ ही सलग चार वर्षे अशी आठ वर्ष व इतर पाच वर्ष या धरणात शून्य टक्के पाणीसाठा राहिला आहे. 

गाळाचा साठ्यावर परिणाम

मांजरा धरणात सुरवातीपासून मृतसाठ्यातील पाणी साठवण क्षमता ७७.३८० दशलक्ष घनमीटर होती. हळूहळू या धरणात गाळ येत गेला. २००१ पासून तर धरणाची मृतसाठ्यातील पाणी साठवण क्षमता ४७.१३० दशलक्ष घनमीटर झाली आहे. म्हणजे ३०.२५० दशलक्ष घनमीटरने मृतसाठ्यातील पाणीसाठवण क्षमता कमी झाली आहे. 

धरणाची माहिती

प्रकल्पीय पाणीसाठा २२४.०९३ दशलक्ष घनमीटर
उपयुक्त पाणीसाठा १७६.९६३ दशलक्ष घनमीटर
मृत पाणीसाठा ४७.१३० दशलक्ष घनमीटर
सिंचन क्षेत्र १८ हजार २२३ हेक्टर
उजवा कालवा ७६ किलोमीटर
डावा कालवा ९० किलोमीटर
पाणी पुरवठा योजनांची संख्या १६
पिण्यासाठी आरक्षित पाणी ६१.९३ दशलक्ष घनमीटर

 


इतर ताज्या घडामोडी
मुंबई विमानतळावरून होणार दैनंदिन ६६०...मुंबई : कोरोना निर्बंध शिथिल झाल्याने...
बैलगाडा शर्यतप्रकरणी सोमवारी सुनावणी राजगुरुनगर, जि. पुणे : बैलगाडा शर्यत बंदीविरोधात...
वाढीव वीजबिलांबाबत शेतकऱ्यांनी घेतली...मंगरूळपीर, जि. वाशीम : तालुक्यातील कासोळा,...
वऱ्हाडात आता विधान परिषद निवडणुकीचा बार अकोला : विधान परिषदेच्या रिक्त जागांसाठी निवडणुक...
सांगलीत एकावन्न हजार शेतकऱ्यांना १४...सांगली : डॉ. पंजाबराव देशमुख व्याज सवलत...
उस्मानाबाद जिल्ह्यात पीकविम्यावरून...उस्मानाबाद : जिल्हा प्रशासन व पीकविमा कंपनीमध्ये...
नाशिक जिल्ह्यात कांदा लिलाव सुरूनाशिक : जिल्ह्यातील बाजार समिऱ्यांमध्ये कांदा...
रत्नागिरीतील १५०३ गावांची पैसेवारी ५०...रत्नागिरी : खरीप हंगामात भातपीक घेणाऱ्या गावातील...
शेतकऱ्यांनो, ऊसतोडी घेऊ नका : पाटीलकऱ्हाड, जि. सातारा : साखर कारखान्यांनी एकरकमी...
जळगावात महाविकासच्या ‘सहकार’ला...जळगाव : जळगाव जिल्हा बँक निवडणुकीतून भारतीय जनता...
कापसाला यंदा दर; मात्र उत्पादकतेत मोठी...अकोला : कापसाचा दर वाढल्याने बाजारपेठेत उत्साही...
विठोबा शेतकरी गटाकडून सेंद्रिय...नांदेड : कोरोनाच्या काळात सेंद्रिय पद्धतीने...
अमरावती विभागात १२८९ गावांची पैसेवारी...अमरावती : या वर्षी खरीप हंगामात अतिवृष्टी व...
सरकार आणि साखर कारखानदारांना विरोधात...परभणी : मराठवाड्यातील अनेक कारखान्यांनी यंदा अजून...
सांगली जिल्हा बँक निवडणूक : अठरा...सांगली : जिल्हा बँकेच्या निवडणुकीत २१ पैकी तीन...
शेतकऱ्यांचे ८० लाख रुपये घेऊन...गोवर्धन, जि. नाशिक : गिरणारे येथील एका...
राज्यात दुधाच्या गुणवत्तेबाबत तडजोड...संगमनेर, जि. नगर : राज्यात दुधाच्या शुद्धतेबाबत...
जळगाव जिल्हा बँक निवडणुकीवर भाजपचा...जळगाव : जळगाव जिल्हा बँक संचालकपदाच्या निवडणुकीवर...
परभणीत केवळ ७६७ टन डीएपी शिल्लक परभणी : जिल्ह्यात रब्बी हंगामातील सरासरी खताच्या...
निर्यातक्षम फळनिर्मितीतूनच शेतकऱ्यांची...नागपूर : शेतकऱ्यांच्या जीवनात आर्थिक सुबत्ता...