‘ई-फेरफार प्रणालीत नाशिक विभागाची बाजी’

नाशिक : ‘‘महसूल विभागाच्या ई-फेरफार प्रणालीत प्रलंबित अनोंदणीकृत व नोंदणीकृत फेरफारांची प्रलंबितता कमी करण्याबाबत नाशिक विभागात उल्लेखनीय कामकाज झाले आहे. विभागातील नंदुरबार, नगर, जळगाव, धुळे व नाशिक हे जिल्हे अनुक्रमे एक ते पाच स्थानी आहेत. नंदुरबार हा आदिवासी बहुल जिल्हा राज्यात प्रथम स्थानावर आहे’’, अशी माहिती विभागीय आयुक्त राधाकृष्ण गमे यांनी दिली.

गमे म्हणाले, ‘‘ई-फेरफार प्रणालीच्या यशस्वी अंमलबजावणीसाठी विभागीय आयुक्त कार्यालयामार्फत विभागातील सर्व जिल्हाधिकाऱ्यांच्या वेळोवेळी बैठका घेऊन त्यांचे अधिनस्त अधिकारी, कर्मचाऱ्यांच्या कामकाजाचा आढावा घेण्यात आला. नाशिक विभागातील सर्व तलाठी व मंडळ अधिकाऱ्यांनी अथक मेहनत घेऊन राज्यात ई-फेरफार प्रणालीमधील प्रलंबित फेरफारांची प्रलंबितता कमी करून विभागातील जनतेला दिलासा देणारे कामकाज केले.’’  

‘‘महसूल विभागाच्या ई फेरफार प्रकल्पातील सर्व सुविधांचा लाभ घेण्यासाठी सामान्य नागरिकाला सोपे जावे म्हणून महाभूमी हे https://mahabhumi.gov.in संकेतस्थळ आहे. या आधारे कोणालाही महसूल विभागाच्या सर्व सशुल्क आणि निःशुल्क सेवांचा लाभ घेता येईल,’’ असे गमे यांनी सांगितले.

दृष्टिक्षेपात कामगिरी