‘कृषी तंत्रज्ञान पोहचविण्यासाठी ऑनलाइनचा योग्य उपयोग’

परभणी : ‘‘कोरोना साथीच्या पार्श्‍वभूमीवर शेतकऱ्यापर्यंत कृषी तंत्रज्ञान पोहचविण्यासाठी कृषी विद्यापीठ ऑनलाइन पध्‍दतीचा योग्‍यरितीने उपयोग करीत आहेत.
 ‘Proper use of online to deliver agricultural technology’
‘Proper use of online to deliver agricultural technology’

परभणी : ‘‘कोरोना साथीच्या पार्श्‍वभूमीवर शेतकऱ्यापर्यंत कृषी तंत्रज्ञान पोहचविण्यासाठी कृषी विद्यापीठ ऑनलाइन पध्‍दतीचा योग्‍यरितीने उपयोग करीत आहेत. हे कार्य अधिक प्रभावी, कार्यक्षमपणे करण्‍यासाठी सर्वांनी प्रयत्‍न करावे,’’ असे प्रतिपादन कुलगुरु डॉ. अशोक ढवण यांनी केले.

वसंतराव नाईक मराठवाडा कृषी विद्यापीठाच्या विस्तार शिक्षण परिषदेची २३ वी बैठक कुलगुरु डॉ. ढवण यांच्या अध्यक्षतेखाली शुक्रवारी (ता.२८) झाली. शिक्षण संचालक डॉ. डी. एन. गोखले, संशोधन संचालक  डॉ. डी. पी. वासकर, विस्तार शिक्षण संचालक डॉ. डी. बी. देवसरकर, जिल्हा अधिक्षक कृषी अधिकारी संतोष आळसे आदींची प्रमुख उपस्थिती होती.

विस्तार उपक्रमात विद्यापीठातील सर्व महाविद्यालय, संशोधन केंद्रातील शास्त्रज्ञांनी सक्रीय सहभाग घ्यावा, अशी अपेक्षा व्यक्त केली. सहभागी मान्यवरांच्या सूचनेप्रमाणे राबविण्यात येणाऱ्या विस्तार उपक्रमांची दिशा निश्चित करण्यात आली. मुख्य विस्तार शिक्षण अधिकारी डॉ. व्ही. बी. कांबळे यांनी मागील बैठकीच्या कार्यवृत्तावरील कार्यवाही, विस्तार उपक्रमांचा अहवाल सादर केला. 

कृषी अभियांत्रिकी महाविद्यालयाचे प्राचार्य डॉ. यु. एम. खोडके, कृषी महाविद्यालयाचे प्राचार्य डॉ. सय्यद इस्माईल, समुदाय विज्ञान महाविद्यालयाच्‍या प्राचार्या डॉ. जयश्री झेंड, उद्यानविद्या महाविद्यालयाचे प्राचार्य डॉ. टी. बी. तांबे, विभाग प्रमुख डॉ. दिलीप मोरे उपस्थित होते. सूत्रसंचालन डॉ. डी. डी. पटाईत यांनी केले. प्रा. वसंत ढाकणे, डॉ. संतोष चिक्षे आदींनी पुढाकार घेतला.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com