Agriculture news in Marathi ‘Ratnataruni’ scheme to provide employment to women | Agrowon

महिलांना रोजगार मिळवून देण्यासाठी ‘रत्नतरुणी’ योजना

टीम अॅग्रोवन
शुक्रवार, 26 फेब्रुवारी 2021

पर्यटन व्यवसायातून महिलांना रोजगार मिळवून देण्यासाठी ‘रत्नतरुणी’ योजना राबविण्याचा निर्णय जिल्हा परिषद अध्यक्ष रोहन बने यांनी घेतला आहे.

रत्नागिरी ः पर्यटन व्यवसायातून महिलांना रोजगार मिळवून देण्यासाठी ‘रत्नतरुणी’ योजना राबविण्याचा निर्णय जिल्हा परिषद अध्यक्ष रोहन बने यांनी घेतला आहे. पहिल्या टप्प्यात जिल्ह्यातील बचत गटात कार्यरत असलेल्या १५० महिलांना चारचाकी गाडी चालवण्याचे प्रशिक्षण देण्यात आले असून, त्याच महिलांना आपापल्या तालुक्यातील पर्यटन स्थळे, खाद्य संस्कृती याची माहिती दिली जाणार आहे. त्या महिलांना परिपूर्ण गाइड म्हणून पुढे आणले जाणार आहे.

जिल्हा परिषदेच्या सर्वसाधारण सभेमध्ये टुरिस्ट गाइड प्रशिक्षणाला आवश्यक निधीची तरतूद करण्याला हिरवा कंदील मिळाला आहे. महिलांना चारचाकी चालविण्याच्या प्रशिक्षणासह गाइडचे प्रशिक्षण देण्यासाठी पंधराव्या वित्त आयोगातून वीस लाख रुपये निधीची तरतूदही केली गेली आहे. गाइड संदर्भातील प्रशिक्षण एका खासगी संस्थेमार्फत दिले जाणार आहे.

जिल्ह्यात पर्यटक दाखल होतात. त्यात अनेक महिलांचे गटही असतात. गणपतीपुळे, मार्लेश्‍वर, दापेालीची चंडिका देवी, राजापूरची गंगा यांसारखी प्रसिद्ध पर्यटनस्थळेच पर्यटकांना माहिती असतात; परंतु प्रत्येक तालुक्यात अशी अनेक ठिकाणे आहेत, तिथे पर्यटक गेलेले नाहीत. त्याची माहिती जिल्ह्यात येणाऱ्या पर्यटकांना करून देणे, तिथे नेऊन माहिती देणे यासाठी तज्ज्ञ गाइडची आवश्‍यकता आहे. केरळ, गोव्यामध्ये या गाइडच्या माध्यमातून रोजगारही मिळतो. त्याच धर्तीवर रत्नागिरी जिल्ह्यातील महिलांना गाडी चालवण्याचे प्रशिक्षण देतानाच प्रशिक्षित गाइड बनविण्यात येणार आहे.

या दुहेरी भूमिका महिला सहजपणे पार पाडू शकतील. तसेच महिलांना रोजगारही मिळू शकेल. जिल्ह्यात गाइडच नसल्यामुळे पर्यटकांना माहिती देणे शक्य होत नाही. ती उणीव जिल्हा परिषदेच्या रत्नतरुणी योजनेतून भरून काढली जाणार आहे. यामध्ये प्रशिक्षण घेणाऱ्या महिलेला परिपूर्ण माहिती दिली जाईल. प्रशिक्षण घेतल्याचे प्रमाणपत्रही त्या महिलांना दिले जाणार आहे. अनेक पर्यटक कुटुंबे, महिलांना आकर्षित करून घेण्यासाठीचा हा उपक्रम लवकरच प्रत्यक्षात अमलात जाणार आहे. पहिल्या टप्प्यात १५० महिलांना गाडी चालवण्याचे प्रशिक्षण देण्यात आलेले आहे. जिल्हा परिषदेच्या माध्यमातून असा उपक्रम प्रथमच राबविण्यात येत आहे. पर्यटनातून महिलांना रोजगार संधी मिळवून देण्यासाठी याचा निश्‍चितच फायदा होणार आहे.


इतर ताज्या घडामोडी
नगर : पीकविमा योजनेत शेतकऱ्यांचा सहभाग...नगर : नैसर्गिक संकटाने तसेच अन्य कारणाने...
`दहिगाव उपसा सिंचन योजना सौरऊर्जेवर...सोलापूर ः करमाळा तालुक्यातील दहिगाव उपसा सिंचन...
पुणे बाजार समिती चक्राकार पद्धतीने सुरू...पुणे : कोरोना विषाणू बाधित रुग्णाच्या झपाट्याने...
देशी सीताफळाच्या बियाण्याची चोरीसोलापूर ः देशी सीताफळाच्या बियाण्याची चोरी...
पाण्याच्या उपलब्धतेमुळे उन्हाळी...पुणे : गेल्या वर्षी झालेल्या चांगल्या पावसामुळे...
हिंगोली ः सोयाबीनची अडीच लाख हेक्टरवर...हिंगोली ः जिल्ह्यात यंदा खरीप हंगामात ३ लाख ५८...
अमरावतीत खरिपाचे ७ लाख हेक्टर क्षेत्र...अमरावती : कृषी विभागाच्या खरीप हंगाम २०२१...
नाशिक बाजार समितीच्या ‘त्या’ याचिका...नाशिक : नाशिक कृषी उत्पन्न बाजार समितीच्या सभापती...
बियाणे, खते, कीटकनाशक नियंत्रणासाठी...नाशिक : खरीप हंगामात बियाणे पेरणीचा कालावधी...
औरंगाबाद जिल्हाभरात फळे, भाजीपाला थेट...औरंगाबाद : शहरासह जिल्हाभरात राबविल्या जात...
लातूर जिल्ह्यात त्रेचाळीस हजार क्विंटल...लातूर: जिल्ह्यात कार्यान्वित १६ केंद्रांवरून २७५९...
अवैध दारू विक्रेत्यांना शासकीय योजनांचा...चंद्रपूर : अवैध दारू विक्रीमुळे सामाजिक स्वास्थ्य...
ऑक्सिजन प्रकल्प उभारणीचा अधिकार...मुंबई : कोरोना रुग्णांची वाढती संख्या व ऑक्सिजनची...
फळाचे ‘प्रमोशन’, मूल्यवर्धन होण्याची...चिकू बागायतदार संघाच्या वतीने राज्यातील चिकू...
अकोला जिल्हा परिषदेत खांदेपालटाची चर्चा अकोला : जिल्हा परिषदेत सत्तारूढ असलेल्या वंचित...
प्रक्रिया उद्योगाला चालना देणारनारळ लागवडीचे क्षेत्र वाढविताना शेतकऱ्यांच्या...
सामूहिक प्रयत्नातून काजू उत्पादकांची...जागतिक बाजारपेठेत वैशिष्ट्यपूर्ण चव असलेल्या...
क्षेत्र वाढ, प्रक्रियेसाठी सरकारी...देशात पेरू लागवडीचे सुमारे तीन लाख हेक्टर आणि...
दुर्लक्षित पिकांनाही येत्या काळात संधीद्राक्ष, डाळिंब, आंबा, केळी, संत्रा ही राज्याच्या...
आधुनिक फुलशेती संशोधन, निर्यात...गेल्या काही वर्षांत व्यावसायिक आणि उद्योगाचा...