अमरावती : अचलपूर विधानसभा मतदारसंघातील निराधार, विधवा, परित्यक्ता आणि आत्महत्याग्रस्त शेतकरी कुटुंबातील महिलांसाठी ‘ट्रॅक्टर आमचा डिझेल तुमचे’ ही अभिनव योजना राबविली जात आहे. जलसंपदा राज्यमंत्री बच्चू कडू यांनी यासाठी पुढाकार घेतला आहे.
पतीच्या निधनानंतर कुटुंबाचा चरितार्थ चालविण्याची वेळ या महिलांवर आली. पण नांगरणी, वखरणी, व्ही पास, पंजी व पावसाळा सुरू झाल्यावर पेरणीसाठी पैसा आणायचा कुठून अशा विवंचनेत या महिला असतात. नेमकी ही बाब राज्यमंत्री बच्चू कडू यांच्या लक्षात येताच अहल्यादेवी होळकर यांच्या जयंतीदिनी ‘ट्रॅक्टर आमचा डिझेल तुमचे’ ही योजना आखण्यात आली.
राज्यमंत्री कडू यांच्या आई इंदिरा कडू यांच्या वाढदिवशी या योजनेचा प्रारंभ करण्यात आला. या योजनेची नोंदणी अचलपूर विधानसभा मतदारसंघात सुरू झाली होती व अजूनही सुरू आहे. आतापर्यंत सुमारे १०० एकर पेक्षा जास्त शेतीची कामे या योजनेतून करून देण्यात आली आहेत. तसेच पावसाळ्यापूर्वी मतदारसंघातील ही कामे पूर्ण करून त्या महिला व त्यांच्या कुटुंबीयांसाठी एक आधारवडाची भूमिका पार पाडण्याचा मानस बच्चू कडू यांनी बोलताना व्यक्त केला.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.