Agriculture news in marathi, 1 crore for agricultural mortgage loan scheme | Agrowon

शेतीमाल तारण कर्ज योजनेसाठी एक कोटी

टीम अॅग्रोवन
शुक्रवार, 20 सप्टेंबर 2019

परभणी : ‘‘परभणी कृषी उत्पन्न बाजार समितीतर्फे यंदा (२०१९-२०) शेतीमाल तारण कर्ज योजना राबविण्यासाठी स्वनिधीतून १ कोटी रुपयांची तरतूद करण्यात आली आहे. गतवर्षी (२०१८-१९) या योजनेअंतर्गत ८९ शेतकऱ्यांना ९८ लाख रुपयांचे तारण कर्ज बाजार समितीतर्फे वाटप करण्यात आले,’’ अशी माहिती समितीचे सभापती समशेर वरपूडकर यांनी दिली.

परभणी : ‘‘परभणी कृषी उत्पन्न बाजार समितीतर्फे यंदा (२०१९-२०) शेतीमाल तारण कर्ज योजना राबविण्यासाठी स्वनिधीतून १ कोटी रुपयांची तरतूद करण्यात आली आहे. गतवर्षी (२०१८-१९) या योजनेअंतर्गत ८९ शेतकऱ्यांना ९८ लाख रुपयांचे तारण कर्ज बाजार समितीतर्फे वाटप करण्यात आले,’’ अशी माहिती समितीचे सभापती समशेर वरपूडकर यांनी दिली.

बाजार समितीत शेतमालाची आवक वाढल्यानंतर भाव कमी होतात. परंतु, अनेक शेतकऱ्यांना आर्थिक गरजांच्या पूर्ततेसाठी शेतीमाल विक्री केल्याशिवाय गत्यंतर नसते. त्यामुळे अशा वेळी शेतीमालाची साठवणूक करून भावात सुधारणा आल्यानंतर विक्री केल्यास फायदा होतो. त्यासाठी महाराष्ट्र राज्य कृषी पणन मंडळाच्या सहकार्याने जिल्हाधिकारी, जिल्हा उपनिबंधक सहकारी संस्था यांच्या मार्गदर्शनाखाली बाजार समितीतर्फे २००९-१० पासून ही योजना राबविण्यात येत आहे. 

गतवर्षी सोयाबीन, तूर, मूग, हरभरा आदी शेतीमाल तारण ठेवून बाजार समितीच्या कार्यक्षेत्रातील ८९ शेतकऱ्यांना ९८ लाख रुपयांचे तारण कर्ज दिले. त्याची प्रतिपूर्तीही करण्यात आली. यंदाच्या (२०१९-२०) वर्षात बाजार समितीने या योजनेसाठी स्वनिधीतून १ कोटी रुपयांची तरतूद केली आहे. याअंतर्गत वखार महामंडळाच्या गोदामामध्ये शेतकऱ्यांनी शेतीमाल ठेवल्यानंतर वखार पावती देण्यात येते. त्यावर नमूद शेतीमालाच्या वजन, एकूण किमतीनुसार रकमेएवढे विमा संरक्षण महामंडळाकडून दिले जाते.

या योजनेचा लाभ घेण्यासाठी शेतकऱ्यांनी वखार पावती, अर्ज, १०० रुपयांचे मुद्रांक पेपरवरील करारनामा, सातबारा उतारा, बॅंक पासबुक, आधार कार्डची सत्यप्रत आदी कागदपत्रे कृषी उत्पन्न बाजार समितीकडे सादर करावी. त्यानुसार मूग, उडीद, तूर, सोयाबीन, हरभरा, भात, करडई, हळद, ज्वारी, बाजरी, गहू, मका आदी शेतीमालाच्या प्रतवारीनुसार प्रचलित दराच्या एकूण किमतीच्या किंवा शासनाने ठरवून दिलेला हमीभाव, यापैकी जी रक्कम कमी असेल, तिच्या ७५ टक्के तारण कर्ज, ६ टक्के व्याजदराने १८० दिवसांसाठी बाजार समितीकडून धनादेशाद्वारे देण्यात येईल.

या कर्ज रकमेची व्याजासह परतफेड करून माल ताब्यात न घेतल्यास या शेतीमालाची बाजार समितीतर्फे विक्री केली जाईल. या योजनेचा लाभ अधिकाधिक शेतकऱ्यांनी घ्यावा, असे आवाहन सभापती समशेर वरपूडकर, उपसभापती दिलीप आवचा, सचिव विला मस्के यांनी केले.


इतर ताज्या घडामोडी
शब-ए-बारात, डॉ. आंबेडकर जयंतीला घरुनच...मुंबईः सध्या ‘कोरोना’ने सर्वत्र धुमाकूळ घातला...
खासगी डेअरीची संकलन यंत्रणा तोकडी;...नांदेड ः ‘कोरोना’ विषाणूचा संसर्ग रोखण्यासाठी...
नाशिक बाजार समितीमध्ये केवळ लिलावाला...नाशिक : ‘कोरोना’ विषाणूच्या वाढत्या...
पुणे, मुंबईत भाजीपाल्याची घरपोच सुविधा पुणे ः शहरातील नागरिकांसाठी भाजीपाला पुरवठा...
पुसदमध्ये शेतकरी कंपन्यांतर्फे...यवतमाळ : ‘लॉकडाऊन’च्या पार्श्‍वभूमीवर पुसद येथे...
लातूर जिल्ह्यातील द्राक्ष उत्पादक...चापोली, जि. लातूर : ‘कोरोना’चा फैलाव...
कोरोना’च्या संकटामुळे माळेगावचे गाळप...माळेगाव, जि. पुणे ः माळेगाव सहकारी साखर...
राज्यात कोरोना उपचारासाठी ३० विशेष...मुंबई : ‘‘‘कोरोना’ला रोखण्यासाठी आरोग्य विभागाने...
कोल्हापुरातील भाजी मंडई, रस्त्यावरील...कोल्हापूर : सामाजिक अंतर ठेवण्याची सूचना पायदळी...
स्वयंसेवी संस्था निवडीचे निकषआदर्शगाव ही योजना स्वयंसेवी संस्थांमार्फत...
तयार करा ग्रामविकास आराखडासरपंच, उपसरपंच, ग्रामपंचायत सदस्य, पोलिस पाटील,...
नियंत्रण उसावरील खोडकिडीचे सुरू उसाला फेब्रुवारी ते एप्रिलपर्यंत खोडकिडीचा...
सोलापुरात ५०० गाड्या कांद्याची आवक,...सोलापूर : कोरोना विषाणूमुळे सोलापूर बाजार...
कोरोना’चा प्रादुर्भाव रोखण्यासाठी...मुंबई : ‘कोरोना’ विषाणूचा प्रादुर्भाव आणि संसर्ग...
जळगाव जिल्ह्यात केळीचे दर ३०० ते ४००...जळगाव : जिल्ह्यातील केळी उत्तर भारतात...
द्राक्षबागांना एकरी अडीच लाखांची मदत...नाशिक : संपूर्ण देशात असणाऱ्या लॉकडाऊनमुळे नाशिक...
शासनाने अतिरिक्त दूध खरेदीची मर्यादा...कोल्हापूर : शासनाने अतिरिक्त दूध खरेदीची मर्यादा...
करोनाचा प्रादुर्भाव रोखण्यासाठी आता ‘...मुंबई: करोना विषाणूचा प्रादुर्भाव आणि संसर्ग...
सांगलीत शेतीमालाची ३०० कोटींवर उलाढाल...सांगली : 'कोरोना'चा प्रसार रोखला जावा, यासाठी...
सांगली जिल्ह्यातून द्राक्ष निर्यातीस...सांगली : द्राक्ष निर्यातीस परवानगी मिळाल्याने...