agriculture news in Marathi 10.6 degree temperature in Nagpur Maharashtra | Page 2 ||| Agrowon

नागपूरात १०.६ अंश तापमान

टीम अॅग्रोवन
शनिवार, 7 डिसेंबर 2019

पुणे ः मुंबईजवळील अरबी समुद्रातील चक्रावाताची स्थिती निवळल्याने राज्यात पुन्हा थंडीने जोर धरण्यास सुरुवात केली आहे. विदर्भातील अमरावती, बुलडाणा, अकोला, गोंदिया, नागपूर तर मराठवाड्यातील परभणी येथील किमान तापमानात सरासरीच्या तुलनेत तीन अंश सेल्सिअसने घट झाली आहे. शुक्रवारी (ता. ६) सकाळी आठ वाजेपर्यंतच्या चोवीस तासांत विदर्भातील नागपूर येथे १०.६ अंश सेल्सिअसची सर्वांत कमी किमान तापमानाची नोंद झाली असल्याचे हवामान विभागाच्या सूत्रांनी सांगितले.

पुणे ः मुंबईजवळील अरबी समुद्रातील चक्रावाताची स्थिती निवळल्याने राज्यात पुन्हा थंडीने जोर धरण्यास सुरुवात केली आहे. विदर्भातील अमरावती, बुलडाणा, अकोला, गोंदिया, नागपूर तर मराठवाड्यातील परभणी येथील किमान तापमानात सरासरीच्या तुलनेत तीन अंश सेल्सिअसने घट झाली आहे. शुक्रवारी (ता. ६) सकाळी आठ वाजेपर्यंतच्या चोवीस तासांत विदर्भातील नागपूर येथे १०.६ अंश सेल्सिअसची सर्वांत कमी किमान तापमानाची नोंद झाली असल्याचे हवामान विभागाच्या सूत्रांनी सांगितले.

अरबी समुद्राच्या वायव्येस पवन चक्रीवादळाची तीव्रता अधिक आहे. पुढील एक ते दोन दिवस त्याची तीव्रता राहणार असून, त्याचा ताशी वेग २६ किलो एवढा आहे. हे चक्रीवादळ येमेनमधील सोकोट्रापासून आग्नेयेच्या दिशेला सुमारे ४६० किलोमीटर, तर सोमालियातील बोसासोपासून ५४० किलोमीटर अंतरावर आहे. तर मुंबई जवळ असलेल्या दुसऱ्या चक्रावाताची स्थिती काही प्रमाणात निवळल्याने कोकण, मध्य महाराष्ट्रात हवामान कोरडे होते. त्यामुळे राज्यातून गायब झालेली थंडी पुन्हा परतण्यास सुरुवात झाली आहे.  

मराठवाडा विदर्भात हवामान पूर्णतः कोरडे झाल्याने किमान तापमानात घट होण्यास सुरुवात झाली आहे. त्यामुळे थंडीने जोर धरण्यास सुरुवात केली आहे. विदर्भातील अकोला, अमरावती, बुलडाणा, नागपूर, गोंदिया येथील किमान तापमानात चांगलीच घट झाली आहे. येथील तापमान १० ते १४ अंश सेल्सिअसच्या दरम्यान होते. विदर्भातही किंचित थंडी वाढली आहे.

उस्मानाबादमध्ये सर्वांत कमी १३.८ अंश सेल्सिअस एवढे तापमान नोंदविले गेले. परभणीतील किमान तापमानात सरासरीच्या तुलनेत एक अंशाने घट झाली आहे. मध्य महाराष्ट्रातही ढगाळ हवामानाची तीव्रता कमी झाल्याने थंडी वाढण्यास सुरुवात झाली आहे. महाबळेश्वरमध्ये १४.२ अंश सेल्सिअस एवढे तापमान होते.

मध्य महाराष्ट्रात १४ ते १८ अंश सेल्सिअस तर, खानदेशात १७ अंश सेल्सिअसच्या दरम्यान तापमान होते. कोकणातही हवामान कोरडे असल्याने किमान तापमानात किंचित घट झाली असून, थंडीने फारसा जोर धरलेला नाही.  

शुक्रवारी (ता. ६) सकाळी आठ वाजेपर्यंतच्या चोवीस तासांतील विविध ठिकाणचे किमान तापमान, अंश सेल्सिअसमध्ये, कंसात वाढ, घट ः
नगर १६.६ (४), अकोला १३.६ (-१), अलिबाग २३.५ (४), अमरावती १४.४(-२), औरंगाबाद १४.७ (२), बीड १७.३ (४), बुलडाणा १४.४ (-१), चंद्रपूर १४.०, डहाणू २३.७ (४), गोंदिया ११.८ (-२), जळगाव १७.० (४), कोल्हापूर २०.४, महाबळेश्वर १४.२, मालेगाव १७.८ (५), मुंबई २२.६ (३), नागपूर १०.६(-३), नांदेड १५.० (१), नाशिक १८.६ (७), उस्मानाबाद १३.८, परभणी १४.० (-१), लोहगाव १९.४ (७), पुणे १७.९ (५), रत्नागिरी २३.४ (२), सांगली २०.४ (५), सातारा १८.९ (४), सोलापूर १९.१ (३), ठाणे २३.०, वर्धा १३.९ (१), यवतमाळ १३.९ (१),
 


इतर अॅग्रो विशेष
यांत्रिकीरणातून शेती केली सुलभ,...नगर जिल्ह्यातील बेलापूर येथील बाळासाहेब मारुतराव...
चार आने की मुर्गी...केंद्र सरकारने मागील लोकसभा निवडणुकीच्या तोंडावर...
मटणाचे वाढते दर अन् शेळी-मेंढीपालन मागणी, पुरवठा आणि किंमत या बाबींच्या...
एरियल फवारणीसाठी हवी ‘सीआयबी’ची परवानगीनागपूर ः देशात एरियल (आकाशातून) फवारणीकामी...
कणेरी मठात ३० पासून राष्ट्रीय कृषी...कोल्हापूर : कणेरी (ता. करवीर) येथील सिद्धगिरी...
शेतकरी गट, ‘एफपीओ’ची सबलीकरणाची वाट अवघडऔरंगाबाद : गटशेती सबलीकरण योजनेंतर्गत निवडलेल्या...
‘स्मार्ट’ची तयारी पूर्ण; दिल्लीत होणार...पुणे : महाराष्ट्र राज्य कृषी व्यवसाय व ग्रामीण...
कृषी विज्ञान केंद्राच्या तंत्रज्ञान...सोलापूर ः ‘‘सोलापुरातील कृषी विज्ञान केंद्राच्या...
देशात यंदा कडधान्य आयात ४६ टक्के वाढलीनवी दिल्ली: देशात यंदा कडधान्य उत्पादन...
थंडी गायब; किमान तापमानात वाढ पुणे : उत्तरेकडून येणाऱ्या थंड वाऱ्यांचे प्रवाह...
हिंगणघाट झाले कापूस व्यवहाराचे ‘हब’कापूस प्रक्रिया उद्योगाचे जाळे विस्तारले गेल्याने...
तंत्रशुद्ध व्यवस्थापनातून मधमाशीपालनात...नाशिक शहराजवळील पाथर्डी येथील गौतम डेमसे या...
पाणीवाटपावर चर्चा गरजेची : डॉ. माधवराव...अकोला  ः देशाचा विकास होताना नागरीकरणाच्या...
चिंता पुरे; हवी थेट कृती ग्रामीण कुटुंबाचे उत्पन्न वाढल्याशिवाय देशाचा...
खेड शिवापुरात केली स्ट्रॉबेरी लागवड...खेड शिवापूर (जि. पुणे) येथील मयूर कोंडे या...
राज्यात गारठा झाला कमी पुणे : राज्याच्या किमान तापमानात चढ-उतार सुरूच...
थकीत कर्जावर व्याज आकारू नये : राज्य...मुंबई ः महात्मा फुले शेतकरी कर्जमाफी...
केंद्र कांदा निर्यातबंदी, साठा मर्यादा...नवी दिल्ली ः देशात कांद्याचे उत्पादन...
शेतकरी कंपनीमुळे तयार झाले उत्पन्नाचे...पुणे जिल्ह्यातील मढ पारगाव आणि परिसरातील सात...
निर्यातदार व्हा... पण शेतकऱ्यांचा...पुणे: शेतमालाची निर्यात आता पूर्णतः ‘बिझनेस...