agriculture news in Marathi, 107 TMC Water release from Koyna, Maharashtra | Page 2 ||| Agrowon

कोयना धरणातून १०७ टीएमसी विनावापर पाण्याचा विसर्ग

टीम अॅग्रोवन
गुरुवार, 12 सप्टेंबर 2019

सातारा ः जिल्ह्यासह कोयना धरणात विक्रमी पाऊस झाल्याने धरणात मोठ्या प्रमाणात पाण्याची आवक झाली. यामुळे कोयना धरणासह सर्वच प्रमुख धरणांतून पाण्याचा विसर्ग करण्यात आला आहे. आजपर्यंत एकट्या कोयना धरणाच्या दरवाजातून १०७ टीएमसी म्हणजेच धरणाच्या क्षमतेपेक्षा अधिक पाणी विनावापर नदीपात्रात सोडण्यात आले आहे. 

सातारा ः जिल्ह्यासह कोयना धरणात विक्रमी पाऊस झाल्याने धरणात मोठ्या प्रमाणात पाण्याची आवक झाली. यामुळे कोयना धरणासह सर्वच प्रमुख धरणांतून पाण्याचा विसर्ग करण्यात आला आहे. आजपर्यंत एकट्या कोयना धरणाच्या दरवाजातून १०७ टीएमसी म्हणजेच धरणाच्या क्षमतेपेक्षा अधिक पाणी विनावापर नदीपात्रात सोडण्यात आले आहे. 

मॉन्सून लांबल्याने जिल्ह्यातील धरणे भरणार की नाही अशी चिंता निर्माण झाली होती. मात्र ऑगस्ट महिन्याच्या सुरवातीस जिल्ह्याच्या अनेक भागात पावसाने दमदार हजेरी लावली. प्रामुख्याने जिल्ह्यातील धरणाच्या पाणलोट क्षेत्रात पावसाचा जोर अधिक होता. कमी कालवधीत जास्त पाऊस झाल्याने धरणाच्या पाणीपातळीत लक्षणीय वाढ झाली. पावसास विलंब झाल्याने धरणे भरण्यास प्राधान्य दिले. यामुळे पाणीसाठा व विसर्गाचे नियोजन करताना धरण व्यवस्थापनास तारेवरची कसरत करावी लागली. या दरम्यान संततधार पाऊस सुरू राहिल्याने पाण्याचा विसर्ग सूर करावा लागला होता. 

पाण्याची आवक व धरणाची क्षमता यामध्ये मेळ घालण्यासाठी पाण्याच्या विसर्गात वाढ करण्याशिवाय पर्याय नसल्यामुळे धरणाचे दरवाजे १४ फुटापर्यंत उचलून लाखावर क्युसेक पाण्याचा विसर्ग सुरू ठेवावा लागला होता. यामुळे कोयना, कृष्णा नद्यांना पूर आल्याने कोट्यवधी रुपयांचे नुकसान झाले. कोयना धरणात पाणी साठवण क्षमता १०५.२५ टीएमसी असून या क्षमतेच्या दुप्पटीपेक्षा जास्त म्हणजे २११.४३ टीएमसी पाण्याची आवक आजपर्यंत झाली आहे.

धरणाची जलपातळी नियंत्रित करण्यासाठी धरणाच्या सहा वक्र दरवाज्यातून आतापर्यंत १०७.१६ टीएमसी पाणीसाठा सोडावे लागले. धरणाच्या पाणलोट क्षेत्रातील कोयनानगर येथे ६६७१ मिलिमीटर नवजा येथे ७७६६ मिलिमीटर महाबळेश्वर येथे ६७१० मिलिमीटर पावसाची आतापर्यंत नोंद झाली आहे. सध्या धरणात एकूण १०४.९५ टीएमसी म्हणजेच ९९.०६ टक्के पाणीसाठा झाला आहे.

विसर्ग सुरूच 
मागील आठ ते दहा दिवसांपासून कोयना धरणाच्या पाणलोट क्षेत्रात पाऊस कमी जास्त होत आहे. यामुळे विसर्ग कमी जास्त केला जात आहे. काही दिवसांसाठी हा विसर्ग पूर्णपणे बंदही करण्यात आला होता. मंगळवारी धरणाचे सर्व दरवाजे बंद केले होते. पायथा वीजगृहातून २१०० क्युसेक विसर्ग होता. मात्र, सांयकाळी पावसाचा जोर वाढल्याने मंगळवारी मध्यरात्री दीड वाजता धरणाचे दरवाजे दोन फूट उचलून २० हजार ५३२ क्युसेक केला जात आहे. बुधवारी सकाळी दहापर्यंत हा विसर्ग कायम होता.


इतर बातम्या
नगर : शेतकरी घरीच तपासत आहेत सोयाबीन...नगर  ः खरीप हंगामात सोयाबीन बियाण्याचा...
कृषी पदव्युत्तरच्या ऑनलाइन परीक्षेचा...पुणे  ः ‘कोरोना’चा शिक्षण क्षेत्रावर गंभीर...
परभणी, हिंगोलीत २८ हजार क्विंटल हरभरा...परभणी ः किमान आधारभूत किंमत खरेदी योजनेअंतर्गत...
निम्न दुधना प्रकल्पामधील उपयुक्त...परभणी ः परभणी जिल्ह्यातील सेलू तालुक्यातील निम्न...
कोल्हापुरात विमा योजनांच्या नूतनीकरणास...कोल्हापूर : जिल्ह्यातील ११ लाख ७२ हजार बँक...
‘पंदेकृवि’ची उद्या राज्यस्तरीय कापूस...अकोला : लवकरच खरीप हंगाम येऊ घातला आहे. राज्याचा...
राज्यात उन्हाच्या झळा असह्य पुणे: सुर्य तळपू लागल्याने राज्यात उन्हाचा चटका...
महापुराच्या मुकाबल्यासाठी...कोल्हापूर : जिल्ह्यातील प्रलंबित मागण्यांसाठी...
मॉन्सूनसाठी तयार होतेय पोषकस्थिती...पुणे: बंगालच्या उपसागरात आलेल्या ‘अम्फान’...
फुले कृषी विद्यापिठाकडून व्हॉट्सअॅपवर...पुणे (प्रतिनिधी) ः महात्मा फुले कृषी विद्यापीठ...
नियमित कर्जदारांना द्या ५० हजाराचे...गोंदिया ः कोरोनामुळे प्रभावीत शेतीक्षेत्राला...
भेसळयुक्‍त धान बियाणे पुरविणाऱ्या...भंडारा  ः गेल्या हंगामात भेसळयुक्‍त...
कापसाचा हमीभाव २६० रुपयांनी वाढवा :...नवी दिल्लीः कापसाच्या हमीभावात गेल्या वर्षीच्या...
शेतकऱ्यांना बांधावरच बी-बियाणे देण्याचा...मुंबईः राज्यात  ५० हजार उद्योग सुरु झाले....
हमीभावासाठी अंगाला हळद लावून आज आंदोलन...वाशीम: हळदीला दहा हजार रुपये हमीभाव मिळावा या...
कथित अफवेचा टोमॅटो रोपांच्या मागणीवर...कोल्हापूर: कोरोनापेक्षा घातक व्हायरस टोमॅटोवर...
अकोला जिल्ह्यात आता दिवसाला हजार...अकोला  ः जिल्ह्यात कापूस खरेदी प्रक्रिया...
अकोला झेडपी शेतकऱ्यांना अनुदानावर देणार...अकोला  ः यंदा विविध संकटांमुळे हवालदिल...
‘कोरोना’विरुद्धच्या लढाईसाठी माजी...अकोला  ः डॉ. पंजाबराव देशमुख कृषी...
कारंजात अवैध वाळू वाहतुकीविरुद्ध...वाशीम : सध्याचा परिस्थितीचा फायदा उठवत वाळू...