कर्जमाफीसाठी ११३ शेतकऱ्यांचे प्रमाणीकरण
कर्जमाफीसाठी ११३ शेतकऱ्यांचे प्रमाणीकरण

जळगाव : कर्जमाफीसाठी ११३ शेतकऱ्यांचे प्रमाणीकरण

जळगाव  : महात्मा ज्योतिराव फुले शेतकरी कर्जमुक्ती योजना २०१९ अंतर्गत आज हिंगोणे (ता. यावल, जि. जळगाव) व कराडी (ता. पारोळा, जि. जळगाव) येथे शेतकरी आधार प्रमाणीकरणाची चाचणी घेण्यात आली. दोन्ही ठिकाणच्या ११३ शेतकऱ्यांचे प्रमाणीकरण झाले. आत्तापर्यंत कर्जमुक्ती योजनेत १ लाख ७३ हजार शेतकऱ्यांची माहिती अपलोड करण्यात आल्याचा दावा प्रशासनाने केला आहे.  कर्जमुक्ती योजनेंतर्गत हिंगोणे (ता. यावल) येथे १३८ पात्र लाभार्थी असून, १२० शेतकऱ्यांची माहिती पोर्टलवर अद्ययावत करण्यात आली आहे. यावलचे साहाय्यक निबंधक किशोर पाटील, जेडीसीसी बॅंकेचे विभागीय अधिकारी विनोद देशमुख, क्षेत्रीय अधिकारी पी. डी. पाटील, हिंगोणे विविध कार्यकारी सहकारी संस्थेचे सचिव विजयसिंग पाटील उपस्थित होते. वासुदेव सुधाकर वारके, लक्ष्मण हरी भोळे, सत्यभामा भालेराव यांना आधार प्रमाणीकरण प्रमाणपत्राचे वितरण झाले.  कराडी (ता. पारोळा) येथे ८२ पात्र लाभार्थ्यांची माहिती अद्ययावत करण्यात आली आहे. पैकी ७८ शेतकऱ्यांना लाभ मिळणार आहे. त्यातील ३५ शेतकऱ्यांचे आधार प्रमाणीकरण झाले. चाचणीवेळी तहसीलदार अनिल गवांदे, साहाय्यक निबंधक गुलाब पाटील, जेडीसीसीचे विभागीय अधिकारी सुभाष पाटील, लेखापरीक्षक योगेश पाटील, विलास सोनवणे, सहकार अधिकारी सुनील पाटील, गटसचिव मधुकर संपत पाटील आदी उपस्थित होते.  दोन दिवसांत काम पूर्ण करा  कर्जमुक्ती योजनेच्या आधार प्रमाणीकरण चाचणीचा जिल्हाधिकारी डॉ. अविनाश ढाकणे यांनी वेळोवेळी आढावा घेतला. या दोन गावांतील आधार प्रमाणीकरणाची प्रक्रिया दोन दिवसांत पूर्ण करण्याच्या सूचना त्यांनी दिल्या. या योजनेंतर्गत जिल्हा बॅंकेच्या १ लाख ५१ हजार २०१ पात्र शेतकऱ्यांचे खाते आहेत. त्यांपैकी पोर्टलवर अपलोड केलेल्या कर्ज खात्यांची संख्या १ लाख ४९ हजार ७०७ आहे. अपलोड केलेल्या कर्जखात्यांपैकी यशस्वीरीत्या पोर्टलवर सबमीट झालेल्या कर्ज खात्यांची संख्या १ लाख ४९ हजार ७०७ असल्याची माहिती उपनिबंधक मेघराज राठोड यांनी दिली. याशिवाय जिल्ह्यातील २ लाख १० हजार ६७७ शेतकऱ्यांचे कर्ज खाते आधार क्रमांकाशी संलग्न झाल्याची माहितीही त्यांनी दिली.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com