agriculture news in Marathi, 12 candidate declare of per congress and rashtrawadi, Maharashtra | Agrowon

काँग्रेस-राष्ट्रवादीचे प्रत्येकी बारा उमेदवार आत्तापर्यंत जाहीर

टीम अॅग्रोवन
शुक्रवार, 22 मार्च 2019

मुंबई ः आगामी लोकसभा निवडणुकीसाठी राज्यातील काँग्रेस-राष्ट्रवादी आघाडी उमेदवार जाहीर करण्यात सध्या तरी पुढे असल्याचे चित्र आहे. या दोन्ही पक्षांनी आतापर्यंत लोकसभेसाठी दोन याद्यांमधून प्रत्येकी बारा उमेदवार जाहीर केले आहेत. दुसरीकडे भाजप-शिवसेना युतीच्या उमेदवारांची अद्यापही घोषणा झालेली नाही.

मुंबई ः आगामी लोकसभा निवडणुकीसाठी राज्यातील काँग्रेस-राष्ट्रवादी आघाडी उमेदवार जाहीर करण्यात सध्या तरी पुढे असल्याचे चित्र आहे. या दोन्ही पक्षांनी आतापर्यंत लोकसभेसाठी दोन याद्यांमधून प्रत्येकी बारा उमेदवार जाहीर केले आहेत. दुसरीकडे भाजप-शिवसेना युतीच्या उमेदवारांची अद्यापही घोषणा झालेली नाही.

लोकसभा निवडणुकीसाठी राज्यातील काँग्रेस उमेदवारांच्या दोन याद्या जाहीर झाल्या आहेत. काँग्रेसचे महाराष्ट्रातील आतापर्यंत १२ उमेदवार जाहीर झाले आहेत. दुसऱ्या यादीत दक्षिण मध्य मुंबईमधून माजी खासदार एकनाथ गायकवाड, रत्नागिरी-सिंधुदुर्गमधून भंडारी समाजाचे नेते नवीनचंद्र बांदिवडेकर, शिर्डीतून माजी आमदार भाऊसाहेब कांबळे, धुळे येथून कुणाल रोहिदास पाटील, नंदूरबारमधून के. सी. पडवी, वर्धा येथून माजी प्रदेशाध्यक्षा प्रभा राव यांच्या कन्या अ‍ॅड. चारुलता टोकस आणि यवतमाळ वाशिममधून माजी प्रदेशाध्यक्ष माणिकराव ठाकरे यांना उमेदवारी देण्यात आली आहे. 

त्याआधी पहिल्या यादीत काँग्रेसने माजी गृहमंत्री सुशीलकुमार शिंदे (सोलापूर), माजी खासदार नाना पटोले (नागपूर), मिलिंद देवरा (मुंबई दक्षिण), प्रिया दत्त (मुंबई उत्तर मध्य) आणि डॉ. नामदेव उसेंडी हे (गडचिरोली-चिमूर) लोकसभा मतदारसंघातून यांना उमेदवारी जाहीर केली आहे. 

राष्ट्रवादी काँग्रेसनेही आतापर्यंत दोन याद्या जाहीर केल्या आहेत. दुसऱ्या यादीत राष्ट्रवादी काँग्रेसचे नेते अजित पवार यांचे सुपुत्र पार्थ पवार यांना मावळमधून उमेदवारी जाहीर झाली आहे. पार्थ पवार यांच्यासाठी माढामधून माघार घेत असल्याचे राष्ट्रवादी काँग्रेसचे अध्यक्ष शरद पवार यांनी जाहीर केले आहे. राष्ट्रवादीने प्रसिद्ध अभिनेते अमोल कोल्हे यांना शिरूरमधून उमेदवारी जाहीर केली आहे.

अमोल कोल्हे आधी शिवसेनेमध्ये होते. राष्ट्रवादीचे ज्येष्ठ नेते छगन भुजबळ यांचे पुतणे समीर भुजबळ यांना नाशिकमधून उमेदवारी जाहीर झाली आहे. नाशिकच्या शेजारी असलेल्या दिंडोरीमधून धनराज महाले, बीडमधून बजरंग सोनावणे यांना उमेदवारी जाहीर झाली आहे. 
राष्ट्रवादीने पहिल्या यादीत बारामतीतून सुप्रिया सुळे, रायगडमधून सुनील तटकरे, कोल्हापुरातून धनंजय महाडिक, साताऱ्यातून उदयनराजे भोसले, कल्याणमधून बाबाजी पाटील, ठाण्यातून आनंद परांजपे यांना उमेदवारी जाहीर केली आहे.

हातकणंगले या ठिकाणी राजू शेट्टींना राष्ट्रवादी काँग्रेसने पाठिंबा दिला आहे. तर नगर लोकसभा मतदारसंघातून राष्ट्रवादी काँग्रेसने नगर शहरचे आमदार संग्राम अरुण जगताप यांना उमेदवारी दिली आहे. भाजपाकडून डॉ. सुजय विखे यांची उमेदवारी जवळपास निश्चित असल्याचे मानले जाते. महाराष्ट्रात लोकसभेच्या एकूण ४८ जागा असून राष्ट्रवादी २२ जागा लढवणार आहे.

तसेच वंचित बहुजन आघाडीचे नेते आणि माजी खासदार अॅड. प्रकाश आंबेडकर यांनी राज्यातील ४८ पैकी ३७ उमेदवारांची पहिली यादी जाहीर केली. लोकसभेसाठी धनगर, दलित, आदिवासी, ओबीसी, मुस्लिम उमेदवार देऊन आंबेडकरांनी लोकसभा निवडणुकीसाठी सोशल इंजिनिअरिंगचा प्रयोग केला आहे. आघाडीच्या पहिल्या यादीत अकोला आणि सोलापूरच्या उमेदवारांचा समावेश नाही. या दोन्ही मतदारसंघांतून खुद्द प्रकाश आंबेडकर निवडणूक लढण्याची शक्यता आहे. 


इतर ताज्या घडामोडी
कापूस दर ५१०० वर स्थिर, खेडा खरेदी वाढलीजळगाव  ः कापसाची खेडा खरेदी मागील आठवड्यात...
पलटी नांगर योजनेसाठीचा निधी अपुरा जळगाव  ः जिल्हा परिषदेच्या कृषी विभागातर्फे...
जळगाव जिल्ह्यात राष्ट्रीयकृत बॅंकांचे...जळगाव  ः महाविकास आघाडीने जाहीर केलेली...
जामनेरातील टेक्स्टाइल पार्क रखडलेजळगाव ः खानदेशातील कापसावर अधिकाधिक प्रक्रिया...
पुणे जिल्हा परिषद कृषी सभापतिपदी...पुणे : जिल्हा परिषदेच्या बांधकाम व आरोग्य...
पुणे बाजार समितीत कांद्याची विक्रमी ३२५...पुणे ः नागरिकत्व सुधारणा कायदा, राष्ट्रीय नागरिक...
नियोजनात हिवरे बाजार देशाचे मॉडेल ः डॉ...नगर ः हिवरे बाजार हे दूरदृष्टी नियोजनाचे देशाचे...
वऱ्हाडात रब्बीत हरभऱ्याचे क्षेत्र...अकोला  ः यंदा वऱ्हाडात रब्बीची लागवड बुलडाणा...
राज्यात आर. आर. पाटील स्मार्ट ग्राम...मुंबई : ग्रामविकास विभागामार्फत राज्यात कै. आर....
हृदयविकारामुळे होणारे मृत्यू...मुंबई : हृदयाला रक्तपुरवठा कमी झाल्याच्या...
दूधदरवाढीसाठी ‘स्वाभिमानी’चे परभणीत...परभणी ः मराठवाड्यात शासकीय दूध योजनेअंतर्गंत...
सोलापुरात कांद्यासह सर्व व्यवहार ठप्पसोलापूर : केंद्र सरकारने आणलेल्या सीएए आणि एनआरसी...
चार प्रकल्पातून मराठवाड्यात पावणेतीन...औरंगाबाद : औरंगाबाद, जालना, परभणी, बीड,...
‘विठ्ठल’च्या कारभाराची स्वतंत्र चौकशी...पंढरपूर, जि. सोलापूर : विठ्ठल साखर कारखान्याच्या...
परभणीत फ्लॉवर ६०० ते १००० रुपये...परभणी : येथील पाथरी रस्त्यावरील फळे भाजीपाला...
आव्हानाला सामोरे जाण्यासाठी शेतकरी...हवामान बदलाच्या समस्येला सामोरे जाण्यासाठी शेतकरी...
खानदेशात कमाल तापमानात ९ अश सेल्सिअसने...जळगाव  : भर दुपारीही अंगात हुडहुडी भरविणारी...
फ्लॉवर रोपांना कंदच आले नाही;...नाशिक : ‘‘नाशिक शहराजवळील विविध गावांमध्ये...
'जलयुक्त शिवार' सामूहिक चळवळीतून...जळगाव : ‘महाराष्ट्र शासनाने सुरू केलेली...
वाशीममध्ये मूग, उडीद नुकसानग्रस्तांना...वाशीम  ः जिल्ह्यात या खरीप हंगामात नुकसान...