agriculture news in marathi 120 new patient detected as corona positive in maharashtra | Agrowon

राज्यात दिवसभरात वाढले १२० रुग्ण; कोरोना ७ रुग्णांचा मृत्यू, बाधितांची संख्या ८६८

सकाळ वृत्तसेवा
मंगळवार, 7 एप्रिल 2020

राज्यात सोमवारी १२० नवीन रुग्णांची नोंद झाली. त्यामुळे राज्यातील कोरोना बाधित रुग्णांची संख्या ८६८ झाली आहे. तसेच, कोरोना बाधित ७ रुग्ण मृत्यूमुखी पडल्याची माहिती राज्याच्या सार्वजनिक आरोग्य खात्यातर्फे देण्यात आली.

पुणे : राज्यात सोमवारी १२० नवीन रुग्णांची नोंद झाली. त्यामुळे राज्यातील कोरोना बाधित रुग्णांची संख्या ८६८ झाली आहे. तसेच, कोरोना बाधित ७ रुग्ण मृत्यूमुखी पडल्याची माहिती राज्याच्या सार्वजनिक आरोग्य खात्यातर्फे देण्यात आली. राज्यात झालेल्या मृत्यूपैकी ४ रुग्ण मुंबईतील असून, नवी मुंबई, ठाणे, वसई विरार येथील प्रत्येकी एका रुग्णाचा मृत्यू झाल्याचे खात्यातर्फे सांगण्यात आले.

मुंबई येथील बाळासाहेब ठाकरे रुग्णालयात ४१ वर्षीय पुरुषाचा रविवारी मृत्यू झाला. त्याला अतिरिक्त मद्यपानामुळे यकृताचा आजारही होता शिवाय तो अपस्माराचा रुग्ण होता. बाळासाहेब ठाकरे रुग्णालयातील ६२ वर्षीय पुरुषाचा ४ एप्रिल रोजी मृत्यू झाला. त्याचा अहवाल पॉझिटीव्ह आला. त्याला उच्च रक्तदाब, पॅरालिसिस हे आजारही होते. तसेच, मुंबईतील ८० वर्षीय पुरुष, तर नवी मुंबईतील ७२ वर्षीय पुरुषाचा खासगी रुग्णालयात उपचारादरम्यान मृत्यू झाला. या मुंबईतील रुग्णाला उच्च रक्तदाब होता. तर नव्यामुंबईतील रुग्णाला मधुमेह आणि हृदयरोग होता. 

नायर रुग्णालयात नालासोपारा येथील ९ महिन्यांच्या गरोदर मातेचा (वय ३० वर्षे) मृत्यू ४ एप्रिलला संध्याकाळी झाला. त्यांना कोरोनाचा संसर्ग झाल्याचे निदान आता झाले. सेंट जॉर्ज रुग्णालयात ४ एप्रिल रोजी संध्याकाळी ५२ वर्षीय पुरुषाचा मृत्यू झाला. फेब्रुवारीच्या दुसऱ्या आठवडयात त्यांनी राजस्थानमधील अजमेर शरीफ दर्ग्याला भेट दिली होती. त्यांना दोन वर्षापासून मधुमेहाचा आजार होता. महानगरपालिकेच्या बांद्रा येथील भाभा रुग्णालयात आज सकाळी अंबरनाथ येथील ५० वर्षीय पुरुषाचा मृत्यू झाला. या रुग्णाने उत्तर प्रदेश मध्ये प्रवास केला होता आणि त्याला मधुमेहाचाही त्रास होता. कोरोनामुळे राज्यात झालेल्या मृत्यूंची संख्या आता ५२ झाली आहे.

१५ हजार ८०८ निगेटिव्ह
राज्यातील वेगवगेळ्या रुग्णालयांमधून आतापर्यंत पाठविण्यात आलेल्या १७ हजार ५६३ नमुन्यांपैकी १५ हजार ८०८ जणांचे प्रयोगशाळा नमुने कोरोना करता निगेटिव्ह आले आहेत. तर, ८६८ रुग्णांना कोरोना झाल्याचे निदान करण्यात आले. आतापर्यंत ७० करोना बाधित रुग्णांना ते बरे झाल्यानंतर रुग्णालयातून घरी सोडण्यात आले आहे. सध्या राज्यात ३२५२१ व्यक्ती घरगुती अलगीकरणात असून तीन हजार ३४९८ जण संस्थात्मक क्वारंटाईन मध्ये आहेत.

निजामुद्दीन येथील बंगलेवाली मशीदीत मार्च महिन्याच्या सुरुवातीच्या काळात झालेल्या धार्मिक कार्यक्रमात राज्यातील ज्या नागरिकांनी भाग घेतला होता त्यांचा सर्व जिल्हा आणि महानगरपालिका स्तरावर कसून शोध घेण्यात येत आहे. आतापर्यंत राज्यात या व्यक्तींपैकी ८ जण करोना बाधित आढळले आहेत. यापैकी प्रत्येकी २ जण पुणे ,पिंपरी चिंचवड आणि नगर भागातील आहेत तर प्रत्येकी एक जण हिंगोली आणि वाशीम मधील आहे.

 

  • नमुन्यांची तपासणी : १७,५६३ 
  • नमुने निगेटिव्ह : १५,८०८
  • कोरोना बाधित : ८६८
  • बरे होऊन घरी : ७०
  • घरगुती विलगीकरणात : ३२,५२१
  • संस्थात्मक क्वारंटाइन : ३४९८

इतर अॅग्रो विशेष
राज्य सरकारचे ‘पुनश्‍च हरीओम्’ :...मुंबई : कोरोनाच्या साथीचा प्रादुर्भाव रोखण्यासाठी...
अंतिम वर्षाची परीक्षा नाही :...मुंबई : सध्याच्या परिस्थितीत विद्यापीठाच्या...
पीकविम्याचे कामकाज या महिन्यातपुणे: राज्यातील शेतकऱ्यांना प्रधानमंत्री पीकविमा...
टोळधाडबाधितांना मदत देणार : पंतप्रधान...नवी दिल्ली : देशातील अनेक भागांत टोळधाडीचे संकट...
मॉन्सून आज केरळात येण्याचे संकेतपुणे  : अरबी समुद्रात लक्षद्वीप बेटांलगत...
कोकणात मुसळधार पावसाचा इशारापुणे  : अरबी समुद्रातील कमी दाब क्षेत्रामुळे...
आठवडाभरापासून टोळधाड विदर्भातचनागपूर   ः गेल्या आठवडाभरापासून...
परभणीतील खरेदी केंद्रावर कापूस विक्रीत...परभणी  ः राज्य सहकारी कापूस उत्पादक पणन...
चाकणच्या जनावरे बाजारात एक कोटींची...पुणे  ः गेल्या सव्वा दोन महिन्यांपासून ‘...
भाजीपाला लागवडीतून उघडला प्रगतीचा मार्गसोयाबीन, भात अशा पारंपरिक कोरडवाहू पिकांवर भिस्त...
सक्रिय रुग्णांची संख्या घटली; एका...नवी दिल्ली : कोरोना महामारीविरूद्धच्या...
विदर्भात टोळधाडीची अस्तित्व कायमनागपूर : कृषी विभागाकडून टोळधाड नियंत्रणासाठी...
राज्यातील भाजीपाला लागवड खोळंबली कोल्हापूर: सध्याच्या स्थितीत भाजीपाल्याचे...
राज्यात देशी कोंबडी पिलांना मागणी वाढली नगर ः काही महिन्यांपूर्वी कोरोना आणि चिकनबाबत...
शेतकऱ्यांची खत विक्री दरात फसवणूक करू...बुलडाणा ः या खरीप हंगामात शेतकऱ्यांना रास्त...
राज्यात बेदाण्याचे सव्वा दोन लाख टन...सांगली : यंदा द्राक्ष उत्पादक शेतकऱ्यांवर ‘कोरोना...
मॉन्सूनची आणखी प्रगती शक्यपुणे  : नैर्ऋत्य मोसमी वारे (मॉन्सून) मजल...
राज्यात ५८२० पाणी वापर सोसायट्या स्थापन...पुणे  : राज्यातील विविध धरणांच्या क्षेत्रात...
राज्यात आजपासून वादळी पावसाची शक्यतापुणे  : राज्यात पूर्वमोसमी पावसाला पोषक...
टोळधाडीचा राजस्थानमधील ९० हजार हेक्टरला...जयपूर, राजस्थान  ः राज्यातील २० जिल्ह्यांतील...