Agriculture news in Marathi 127 villages affected in Parbhani district | Page 3 ||| Agrowon

परभणी जिल्ह्यात १२७ गावे बाधित

टीम अॅग्रोवन
शुक्रवार, 10 सप्टेंबर 2021

अतिवृष्टीमुळे झालेल्या नुकसानीच्या प्राथमिक अहवालानुसार पाच तालुक्यांतील १२७ गावे बाधित झाली आहेत. दोन जणांचा मृत्यू झाला. तर लहान मोठी मिळून ९१ जनावरे दगावली आहेत, अशी माहिती महसूल विभागाच्या सूत्रांनी दिली.

परभणी ः जिल्ह्यात सोमवार (ता. ६) ते मंगळवार (ता. ७) या कालावधीत झालेल्या अतिवृष्टीमुळे झालेल्या नुकसानीच्या प्राथमिक अहवालानुसार पाच तालुक्यांतील १२७ गावे बाधित झाली आहेत. दोन जणांचा मृत्यू झाला. तर लहान मोठी मिळून ९१ जनावरे दगावली आहेत, अशी माहिती महसूल विभागाच्या सूत्रांनी दिली.

जिल्ह्यात झालेल्या अतिवृष्टीमुळे गोदावरी, दुधना, पूर्णा, गलाटी, लेंडी आदी नद्यांसह अनेक ओढे, नाले यांच्या पुराच्या पाण्यामुळे ९ पैकी ८ तालुक्यांतील हजारो हेक्टरवरील शेतीपिके, फळपिके, भाजीपाला पिकांचे अतोनात नुकसान झाले आहे. परंतु त्याबाबतचा प्राथमिक अहवाल तयार करण्याचे काम सुरू आहे. अतिवृष्टीमुळे सेलू तालुक्यातील २७ गावे, पाथरी तालुक्यातील ३०, गंगाखेड तालुक्यातील ४०, पालम तालुक्यातील १३, पूर्णा तालुक्यातील १७ अशी एकूण १२७ गावे बाधित झाली आहेत.

सायाळा (ता. गंगाखेड) आणि पोहंडूळ (ता.मानवत) येथील प्रत्येकी एका व्यक्तीत पुराच्या पाण्यात वाहून गेल्याने मृत्यू झाला. पूर्णा तालुक्यातील ६१, गंगाखेड तालुक्यातील ७, पालम तालुक्यातील ४ असे एकूण ७२ लहान जनावरे दगावली. परभणी, पाथरी तालुक्यांतील प्रत्येकी १, गंगाखेड तालुक्यातील ८, पालम तालुक्यातील ९ असे एकूण १९ मोठे जनावरे दगावली आहेत. अंशतः पडझड झालेल्या घरांमध्ये 
गंगाखेड तालुक्यातील ६४२, पालम तालुक्यातील २६२, पूर्णा तालुक्यातील ११०, परभणी तालुक्यातील १५, सेलू तालुक्यातील ७, पाथरी तालुक्यातील २५ असा मिळून एकूण १ हजार ६१ घरांचा समावेश आहे.

 हिंगोलीत अतिवृष्टीचा नऊ हजार हेक्टरवरील पिकाला फटका
हिंगोली जिल्ह्यातील २० मंडळांमध्ये मंगळवारी (ता. ७) झालेल्या अतिवृष्टीमुळे जिल्ह्यातील ८ हजार ९१९ हेक्टर क्षेत्राचे नुकसान झाले आहे. अतिवृष्टिग्रस्त क्षेत्राचे तत्काळ पंचनामे करून त्याचा अहवाल शासनास सादर करावा, अशा सूचना पालकमंत्री वर्षा गायकवाड यांनी जिल्हा प्रशासनाला दिल्या आहेत. या संदर्भात पालकमंत्री गायकवाड यांनी जिल्हाधिकारी जितेंद्र पापळकर यांच्याशी संवाद साधून जिल्ह्यातील ३० मंडळांपैकी २० मंडळांतील अतिवृष्टी, पूर परिस्थिती, पीक नुकसान, जीवित व वित्तहानी याबाबत माहिती घेतली. अतिवृष्टीमुळे सोयाबीन, तूर, हळद आदी पिकांचे मोठे नुकसान झाले आहे. चार व्यक्ती पुरात वाहून गेलेले आहेत. बावीस घरांची पडझड झाली आहे. कळमनुरी तालुक्यातील तीन गावांचा संपर्क तुटलेला आहे, अशी माहिती जिल्हा प्रशासनाने दिली.


इतर ताज्या घडामोडी
सांगलीत दोन महिन्यांत डीएपीचा रॅक आलाच...सांगली : जिल्ह्यात रब्बी हंगामाची पेरणी ५२...
जिल्हा बॅंक निवडणुकीतून खासदार...सांगली ः जिल्हा मध्यवर्ती बॅंकेच्या पंचवार्षिक...
सांगली मार्केट यार्डात हळद-गूळ...सांगली : येथील कृषी उत्पन्न बाजार समितीमध्ये...
खानदेशात कापसाच्या खेडा खरेदी दरात वाढजळगाव : खानदेशात कापसाची किमान ८६०० व कमाल ९२००...
तमिळनाडूला पावसाने झोडपले..चेन्नई : तमिळनाडूत चेन्नईसह अनेक जिल्ह्यात...
एसटी कर्मचाऱ्यांचा संप सुरूच; सरकारकडून...मुंबई : एसटी महामंडळाचे राज्य सरकारमध्ये...
‘आत्मा’ कर्मचाऱ्यांची पगार कपातीविरोधात...नागपूर : केंद्र सरकारनेच नव्या मार्गदर्शक...
तेलंगणातून भाताचे खरेदीसाठी मुख्यमंत्री...हैदराबाद : केंद्र सरकारच्या धोरणाविरोधात...
२०२० मध्ये व्यापाऱ्यांच्या आत्महत्या...नवी दिल्ली : गेली दोन वर्षे कोरोनाचा विळखा...
सांगलीच्या परवान्यावर कर्नाटकात परस्पर...सांगली : येथील वसंतदादा मार्केट यार्डातील संतगोळ...
सिंधुदुर्गात पाऊस सुरूच, शेतकऱ्यांच्या...सिंधुदुर्गनगरी : सिंधुदुर्गात गेल्या सहा-सात...
लखीमपूर खेरी हिंसाचार : माजी...नवी दिल्ली : उत्तर प्रदेशातील लखीमपूर खेरी येथील...
मत्स्यपालनामध्ये खाद्याचा योग्य वापर...माशांच्या वाढीसाठी सकस व प्रथिनयुक्त आहाराची गरज...
वातावरण बदलाविरुद्ध क्रांतीच्या तीन दिशाभारताच्या उत्तर भागामधील सर्वांत जास्त...
हिरवी मिरची, कोबी, शेवगा दरांत वाढपुणे ः गुलटेकडी येथील पुणे कृषी उत्पन्न बाजार...
कंटेनर्सची टंचाई पुढील वर्षीही...पुणे : चालू वर्षीत शेतीमालासह इतर वस्तूंच्या...
सिंधुदुर्ग जिल्ह्यात मुसळधार पाऊससिंधुदुर्गनगरी ः जिल्ह्याच्या काही भागांत शनिवारी...
रत्नागिरी जिल्ह्यात पावसाचा तीस टक्के...रत्नागिरी ः दिवाळीत पडलेल्या मुसळधार पावसामुळे...
नाशिकमध्ये अवकाळीमुळे भात पिकांचे मोठे...नाशिक : ऐन दिवाळीच्या सणाला हवामान विभागाने...
गडचिरोलीत कृषिपंपांना २४ तास वीजपुरवठा...गडचिरोली ः वीज वितरणचे वरिष्ठ अधिकारी कृषिपंपाला...