agriculture news in Marathi 13 thousand ton vegetable and fruits direct sale in state Maharashtra | Agrowon

राज्यात आत्तापर्यंत तेरा हजार टन भाजीपाला, फळांची थेट विक्री

सुर्यकांत नेटके
सोमवार, 6 एप्रिल 2020

शेतकऱ्यांचे हित कृषी विभागाने कायम जोपासले आहे. आपत्तीच्या काळात नुकसान होऊ नये यासाठी आमच्या अधिकारी, कर्मचाऱ्यांनी पुढाकार घेऊन भाजीपाला आणि फळे विक्री व्यवस्था उभारली. त्यात शेतकरी गट, शेतकरी कंपन्या सहभागी झाल्या. यानिमित्ताने थेट शेतकरी ते ग्राहक विक्री संकल्पनाही दृढ होत आहे. बंद काळात विक्री व्यवस्था उभारण्यामुळे शेतकऱ्यांचे नुकसान टळले.  
— सुहास दिवसे, कृषी आयुक्त

नगर ः कोरोना संसर्गाच्या पार्श्‍वभूमीवर लॉकडाऊनमुळे फळे, भाजीपाल्याच्या विक्रीचा प्रश्न तयार झाला होता. मात्र शेतकऱ्यांचे नुकसान टाळण्यासाठी कृषी विभागाने पुढाकार घेऊन फळे, भाजीपाला विक्री करण्यासाठी समन्वय साधला आणि शेतकरी गट, शेतकरी कंपन्यांच्या सहभागाने आठ दिवसांत राज्यात सुमारे १३ हजार टन विक्री करण्यात आली. थेट विक्रीत अकोला, सांगली जिल्हा आघाडीवर आहे. विक्री होणाऱ्या भाजीपाला, फळे याबाबतचा दररोज कृषी आयुक्तालयातून आढावा घेतला जात आहे. शेतकरी गट, कंपन्यांकडून मोठ्या शहरात थेट विक्रीवर भर दिला जात असल्याचे स्पष्ट झाले आहे. 

कोरोना व्हायरसचा वाढता संसर्ग लक्षात घेता पुढील काळातील धोका टाळण्यासाठी देशात लॉकडाऊन करण्यात आला आहे.  त्यामुळे भाजीपाला, फळे विक्रीची मोठी अडचण निर्माण झाली. विक्रीला तयार असलेला असलेला भाजीपाला, फळे जागेवर वाया जाण्याची भिती निर्माण झाली.

मात्र शेतकऱ्यांचे नुकसान होऊ नये यासाठी कृषी विभागाच्या अधिकाऱ्यांनी जिल्हा प्रशासनाशी समन्वय साधला आणि भाजीपाला विक्रीसाठी शेतकरी गट, शेतकरी कंपन्या यांच्या माध्यमातून पुढाकार घेतला. वाहतूक करणाऱ्या वाहनाला परवाने देण्याची व्यवस्था केली. त्यामुळे गेल्या सहा दिवसांपासून राज्यात भाजीपाला आणि फळाची सुरळीत विक्री सुरु आहे.

गेल्या सहा दिवसांत दररोज सुमारे २ हजार टन फळांची आणि भाजीपाल्याची विक्री करता आली, असे नगरचे जिल्हा अधीक्षक कृषी अधिकारी शिवाजीराव जगताप यांनी सांगितले.
 भाजीपाला विक्रीत अकोला, सांगली जिल्हा आघाडीवर आहे. राज्यभरातील प्रमुख शहरे, अपार्टमेंट अन्य मिळून सुमारे अडीच ते तीन हजार ठिकाणांवर भाजीपाला, फळांची विक्री होत आहे.

पहिल्या दिवशी फारसा प्रतिसाद मिळाला नसला तरी आता मात्र दररोज सुमारे दोन हजार ते २२०० टन फळे, भाजीपाल्याची विक्री होत असल्याचे सांगण्यात आले. या विक्रीसाठी राज्यात अडीच हजाराच्यावर शेतकरी गट, शेतकरी गटांचा सहभाग आहे. विक्री होत असलेल्या भाजीपाल्यात शेवगा, कोबी, सिमला मिरची, मेथी, टोमॅटो, बटाटे तर फळांत टरबूज, खरबूज, मोसंबी, संत्र्याचे प्रमाण अधिक आहे. कृषी आयुक्तालयातून दररोजच्या खरेदी-विक्रीचा आढावा घेतला जात आहे असे कृषी विभागातून सांगण्यात आले. 

जिल्हानिहाय आठ दिवसांत झालेली विक्री (टनात)
ठाणे ः ३०२, पालघर ः १९८, रायगड ः २८५, सिंधुदुर्ग ः ५४, रत्नागिरी ः ६४, कोल्हापुर ः २६८ सातारा ः ९६, सांगली ः २६३२, नाशिक ः ३०२, नंदुरबार ः ९९, धुळे ः १५८, जळगाव ः १६३, पुणे ः १००२, नगर ः ९१८, सोलापुर ः ११०९, औरंगाबाद ः ५४ बीड ः ६७, जालना ः ४२, लातूर ः १८०, उस्मानाबाद ः ६७, नांदेड ः ४३७, परभणी ः २२६, हिंगोली ः ५१, अमरावती  ः २५६, अकोला ः २३४७, बुलढाणा ः १९८, वाशिम ः ३२२, यवतमाळ ः २४२, नागपुर ः १२१, भंडारा ः २६१, गोंदिया ः ४४, चंद्रपुर ः ३७४, गडचिरोली ः ४५, वर्धा ः ५४
 


इतर अॅग्रो विशेष
मराठवाड्यात काही ठिकाणी मुसळधारपुणे : राज्यातील बहुतांशी भागातील पावसाचे...
राज्यात हलक्या पावसाची शक्यतापुणे : काही दिवस राज्यात मुसळधार पाऊस...
एक हजार प्राध्यापकांनी वयाची साठी...पुणे: राज्यातील कृषी विद्यापीठांमधील...
सूक्ष्म अन्न उद्योगांना मिळणार आता दहा...पुणे: राज्यात लवकरच पंतप्रधान सूक्ष्म अन्न उद्योग...
कृषी, कामगार विधेयकांची राज्यात...पुणे : केंद्र सरकारने घाईघाईत मंजूर करुन घेतलेली...
शेतकरी आंदोलनाचे सात राज्यांत पडसादचंडीगड ः केंद्र सरकारच्या कृषी विधेयकांना विरोध...
सोयाबीन बियाणे प्लॉटना फटकाऔरंगाबाद: सध्याचे पावसाचे प्रमाण व त्यामुळे...
केळी विमा निकषांबाबत उत्सुकताजळगाव ः राज्य सरकारच्या चुकांमुळे हवामानावर...
अडीच हजार हेक्टर भातशेती सततच्या...सिंधुदुर्ग ः हळवी आणि भिजवणीची लागवड केलेली...
कृषी विधेयकांविरोधात राज्यात शेतकरी...पुणेः केंद्र सरकारने नुकतेच मंजूर केलेल्या कृषी...
सेंद्रिय व्यवस्थापनाच्या बळावर रोखली...सर्वाधिक संत्रा लागवडीखाली क्षेत्र असल्यामुळे ‘...
ऑनलाइन शिक्षणात बरेच ऑफलाइन! पाऊस आणि शाळा, महाविद्यालयं सुरू होण्याचा काळ...
आता शेतमाल खरेदीचे बोला!ऑगस्ट २०२० च्या पहिल्या आठवड्यात देशभरातील खरीप...
उद्योजकांच्या कर्जमाफीवर सर्वांचीच...भारतात शेती आणि शेतकरी याला खूप महत्त्व आहे....
खरीप धान्योत्पादन १४४ दशलक्ष टनांवर नवी दिल्ली ः कोरोना पुणे मुंबई बातमी ...
ऊसतोड कामगार मंडळाची रचना, धोरण लवकरचः...मुंबई : ऊसतोड कामगारांचे विविध प्रश्न व समस्यांवर...
मध्य महाराष्ट्र, मराठवाड्यात हलक्या...पुणे ः राज्यातील पावसाचा जोर कमी झाला आहे. पुढील...
‘पोकरा’मधून फळबाग, वनशेती, बांबू, तुती...औरंगाबाद: नानाजी देशमुख कृषी संजीवनी...
पावसाळ्यापूर्वीच कापूस खरेदीचे नियोजन अमरावती : गेल्या हंगामात पावसामुळे कापसाचे नुकसान...
सुधारित शेती, पूरक व्यवसायाचा ‘निवजे...निवजे (ता.कुडाळ,जि.सिंधुदुर्ग) गावकऱ्यांनी शेती...