agriculture news in Marathi 14 thousand farmers waiting for maize procurement Maharashtra | Page 2 ||| Agrowon

बुलडाणा जिल्ह्यातील १४ हजार शेतकरी मका विक्रीच्या प्रतिक्षेत

टीम अॅग्रोवन
बुधवार, 5 ऑगस्ट 2020

१८ हजार ६८० शेतकऱ्यांनी मका विक्रीसाठी ऑनलाइन पद्धतीने नाव नोंदणी केली. मात्र खरेदी पुर्ण होण्यापुर्वीच ही प्रक्रीया बंद करण्यात आल्याने सुमारे १४५०० शेतकऱ्यांचा मका विक्री होऊ शकलेला नाही.

बुलडाणा ः जिल्ह्यातील १८ हजार ६८० शेतकऱ्यांनी मका विक्रीसाठी ऑनलाइन पद्धतीने नाव नोंदणी केली. मात्र खरेदी पुर्ण होण्यापुर्वीच ही प्रक्रीया बंद करण्यात आल्याने सुमारे १४५००  शेतकऱ्यांचा मका विक्री होऊ शकलेला नाही. जिल्ह्यात सद्यःस्थितीत किमान पाच लाख क्विंटलपेक्षा अधिक मका शिल्लक असून शासनाने मुदतवाढ देत या मक्याची खरेदी करावी, अशी मागणी शेतकऱ्यांमधून केली जात आहे.

केंद्र व राज्य शासनाच्या धोरणानुसार मका खरेदीसाठी जिल्ह्यात प्रत्येक तालुक्यात खरेदी केंद्र उघडण्यात आले होते.  जिल्ह्यातील १८ हजारांवर मका उत्पादकांनी नावनोंदणी केली. मात्र राज्याला दिलेले साडे अकरा लाख क्विंटल खरेदीचे उद्दीष्ट पुर्ण झाल्याने ही प्रक्रीया ३१ जुलैपुर्वीच बंद करण्यात आली. याचा फटका जिल्ह्यातील मका उत्पादकांना सर्वाधिक बसला.

विदर्भात बुलडाणा हा मका उत्पादनातील सर्वाधिक क्षेत्र राहणारा जिल्हा म्हणून ओळखला जातो. बुलडाणा, मलकापूर, मोताळा, नांदुरा, चिखली, मेहकर, देऊळगावराजा, खामगाव, सिंदखेडराजा, संग्रामपूर आदी तालुक्यांत मक्याची लागवड दरवर्षी वाढत आहे. यंदा लष्करी अळीचा प्रादुर्भाव कमी राहल्याने हे पीक चांगले आलेले आहे. खरेदी न झाल्याने सध्या या एकट्या जिल्हयात शेतकऱ्यांकडे सुमारे ५ लाख क्विंटलपेक्षा अधिक मका पडून असल्याचा अंदाज वर्तविला जात आहे. तर काही वाहने केंद्रासमोर उभी आहेत. 

सध्या बाजारात मक्याचे दर अवघे १००० ते ११०० दरम्यान आहेत. सध्या पावसाळा सुरु झालेला असल्याने बाजारपेठेत मका विक्री करतानाही असंख्य अडचणी येत आहे. तर मका घरातच पडून राहल्याने त्याला किड लागण्याची शक्यता वाढत आहे. 

राजकारणी  सरसावले
मका उत्पादकांचा प्रश्न पाहता जिल्ह्यातील राजकारणी सरसावले आहेत. सर्वच पक्षांकडून मका खरेदीची मागणी शासनाकडे करण्यात येत आहे. काही संघटनांनी तर आंदोलनाचा इशाराही दिलेला आहे. तर जिल्हा प्रशासनाने मका खरेदीला मुदतवाढ देण्याची यापुर्वीच मागणी केलेली आहे. परंतु खरेदीचा चेंडू आता शासनाच्या दालनात असल्याने त्याचा निर्णय मुंबई व दिल्लीत होणे अपेक्षित आहे. 

प्रतिक्रीया
यावर्षी मी दोन एकरांत लागवड केली होती. माझ्याकडे ५० क्विंटल मका आहे. जेव्हा ‘नाफेड’ने नोंदणी सुरु केली तेव्हा पहिल्याच दिवशी आम्ही नोंदणी केली होती. मात्र आता ही खरेदी बंद झाल्याने अडचणी उभ्या राहल्या आहेत. बाजारात १२०० ते १२५० रुपयांनी मका विकत आहे. क्विंटलला पाचशे रुपयांपेक्षा अधिक फटका बसणार आहे. 
- सुनिल काशीराम मिरगे, रा. डिडोळा बुद्रूक, ता. मोताळा जि.  बुलडाणा


इतर अॅग्रो विशेष
सूक्ष्मदर्शक, स्वयंचलित हवामान केंद्र...तंत्रज्ञान समजून वापर केला तर शेती सुलभ होऊ शकते...
तिढा सुटावा लवकर!मागील गळीत हंगाम अंतिम टप्प्यात असताना राज्यात...
कांदा निर्यातबंदी आवडे सरकारलाकेंद्र सरकारने अचानक कांद्यावर निर्यातबंदी लादली...
खानदेशातील सिंचन प्रकल्प भरलेजळगाव : खानदेशात या महिन्यातील जोरदार पावसाने...
मराठवाड्यात कपाशी काळवंडली, सोयाबीन...औरंगाबाद : सततच्या पावसाने औरंगाबाद, जालना, बीड...
खानदेशातील कांदेबाग केळी काढणीला वेगजळगाव : खानदेशात कांदेबाग केळी काढणी सुरू झाली...
शेती विधेयकांविरोधात शुक्रवारी बंदपुणे ः केंद्र सरकारने लोकसभेत पास केलेल्या...
राहुरी कृषी विद्यापीठासाठी नव्या...पुणे: महात्मा फुले राहुरी कृषी विद्यापीठाच्या...
कांदा बियाण्याची टंचाईनगरः गेल्यावर्षी पाऊस व बदलत्या वातावरणामुळे...
‘कृषी’तील ‘वतनदारी’ निवृत्तीनंतरही कायमपुणे: कृषी आयुक्तालयात वर्षानुवर्षे राखलेली ‘...
वऱ्हाडातील मोठे, मध्यम प्रकल्प तुडुंबअकोला ः वऱ्हाडात बहुतांश तालुक्यांमध्ये पावसाने...
मध्य महाराष्ट्र, कोकणात वादळी पावसाचा...पुणे ः महाराष्ट्राच्या उत्तर किनारपट्टीवर...
पावसाचा कहर, पिकांची नासाडी सुरुचपुणे ः राज्यात पावसाचा जोर वाढतच आहे. रविवारी (ता...
सांगली : डाळिंब बागांचे ५० कोटींहून...सांगली ः डाळिंबाला अगोदर निसर्गाची साथ मिळाली...
`क्रॉपसॅप`मध्ये ३३ कोटींची कपात पुणे: कोविड १९ मुळे ग्रामीण भागात तयार झालेल्या...
पशुपालन,दूध प्रक्रियेतून वाढविला नफाशिरसोली (जि.जळगाव) येथील डिगंबर रामकृष्ण बारी...
संरक्षित शेतीतून शाश्वत उत्पादनाकडे...वाढत असलेली दुष्काळी परिस्थिती आणि बदलते हवामान...
बळीराजालाच बळी देण्याचा प्रकार?शेती क्षेत्रातील सुधारणाविषयक तीन वटहुकूम असोत...
नाशिकमध्ये कांदा निर्यातबंदीमुळे कामकाज...नाशिक : केंद्राच्या वाणिज्य मंत्रालयाने कांदा...
मराठवाड्यात पावसाचा धुमाकूळ सुरूचऔरंगाबाद : मराठवाड्यात पावसाचा धुमाकूळ सुरूच आहे...