agriculture news in marathi, 15 percent boll worm attack in Jalgon district, Maharashtra | Agrowon

जळगाव जिल्ह्यात कपाशीवर बोंड अळीचा १५ टक्के प्रादुर्भाव

टीम अॅग्रोवन
गुरुवार, 2 ऑगस्ट 2018

जळगाव ः जिल्ह्यातील पूर्वहंगामी कापसाच्या क्षेत्रात गुलाबी बोंड अळीचा प्रादुर्भाव झाला आहे. तो सुमारे १५ टक्के असल्याचे नागपूर येथील केंद्रीय कापूस संशोधन केंद्रातील शास्त्रज्ञांनी म्हटले आहे. 

जळगाव ः जिल्ह्यातील पूर्वहंगामी कापसाच्या क्षेत्रात गुलाबी बोंड अळीचा प्रादुर्भाव झाला आहे. तो सुमारे १५ टक्के असल्याचे नागपूर येथील केंद्रीय कापूस संशोधन केंद्रातील शास्त्रज्ञांनी म्हटले आहे. 

या शास्त्रज्ञांनी नुकतीच जिल्ह्यातील भुसावळ, जळगाव, मुक्ताईनगर तालुक्‍यात कापूस पिकाची पाहणी केली. त्यात डॉ. विश्‍लेष नगरारे, डॉ. बाबासाहेब फड यांचा समावेश होता. कापूस पिकाची पाहणी केल्यानंतर या शास्त्रज्ञांनी कृषी विभागाकडे आपल्या पाहणी कार्यक्रमात आढळलेल्या बाबींची माहिती दिली. त्यात बोंड अळीचा प्रादुर्भाव सध्या १५ टक्के आहे. एका शेतात तीन दिवसांपूर्वी लावलेल्या कामगंध सापळ्यात २४ पतंग जमा झाले होते. वेळीच नियंत्रण करायला हवे; अन्यथा आर्थिक नुकसानीची पातळी वाढेल, असा इशारा या शास्त्रज्ञांनी दिला. 

जळगावातील शेतकरी सजग
मागील वर्षी गुलाबी बोंड अळीने मोठे नुकसान कापूस पिकात झाले. नुकसानीची पातळी मोठी होती. यंदा जळगाव जिल्ह्यात शेतकरी मात्र सजग दिसत आहेत. अनेक शेतांमध्ये कामगंध सापळे आहेत. शेतकरी प्रतिबंधात्मक उपाय करीत आहेत, असेही या शास्त्रज्ञांनी सांगितले. 

जळगाव जिल्ह्यात अधिक, विदर्भात कमी
गुलाबी बोंड अळी विदर्भात कमी दिसत आहे. कारण तिकडे पूर्वहंगामी कापसाची लागवड कमी आहे. जळगाव जिल्ह्यात मात्र अधिक प्रादुर्भाव विदर्भाच्या तुलनेत आहे. बुलडाणा जिल्ह्यातही पाहणी केली. तेथे कोरडवाहू कापूस पिकात बोंड अळी नसल्याचे या शास्त्रज्ञांचे म्हणणे आहे. धुळे जिल्ह्यातही बुधवारी (ता.१) या शास्त्रज्ञांनी पाहणी केल्याची माहिती मिळाली. जळगाव जिल्ह्यात साडेचार लाख हेक्‍टरवर कापसाची लागवड झाली असून, यातील ६० हजार हेक्‍टर क्षेत्रात पूर्वहंगामी कापसाची लागवड झाली आहे. या पूर्वहंगामी कापसाच्या क्षेत्रात गुलाबी बोंड अळी पुढे नियंत्रण केले नाही तर वाढू शकते, अशी भीती या शास्त्रज्ञांनी व्यक्त केल्याचे सांगण्यात आले.


इतर ताज्या घडामोडी
वातावरणातील धुलिकणांचे प्रमाण वाढतेय...पठारी प्रदेशात वातावरणातील धुलिकणांची पातळी...
राज्याबरोबर केंद्राच्या मदतीची गरजः शरद...उमरगा, जि. उस्मानाबाद: नैसर्गिक आपत्तीच्या...
साताऱ्यात पावसाने बटाटा पीक गेले वाहूनविसापूर, जि. सातारा ः पुसेगावसह (ता. खटाव)...
परभणी जिल्ह्यात सव्वा लाख हेक्टर...परभणी ः यंदाच्या पावसाळ्यात जून ते ऑक्टोबर...
दोन लाख रुपयांवरील थकबाकीदारांना...शिराढोण, जि. उस्मानाबाद ः दोन लाख रुपयांपेक्षा...
पुणे जिल्ह्यात अठरा हजार हेक्टरवर...पुणे ः गेल्या तीन दिवसांपासून पावसाने काहीशी...
मदतीची घोषणा, की आश्वासनांनी बोळवण?...सोलापूर ः जोरदार पाऊस आणि पुराच्या तडाख्याने...
नगरमध्ये रब्बी ज्वारीचे तीन हजार...नगर ः रब्बी ज्वारीचे सुधारित बियाणे पेरणी होऊन...
धानाला १००० रुपये बोनस द्या;...भंडारा : निविष्ठांच्या दरात झालेली वाढ, कीड...
राजारामबापू कारखाना उसाचे २५ लाख टन...इस्लामपूर, जि. सांगली : राज्याचे जलसंपदामंत्री,...
ऊस तोडणी हंगामात पावसाचा अडथळाकोल्हापूर : शासनाने गुरुवार (ता. १५) पासून ऊस...
नाशिक जिल्ह्यात हमीभावाने होणार बाजरी...येवला, जि. नाशिक : शासकीय भरड धान्य खरेदी...
शेतकऱ्यांनी आधुनिक शेतीकडे वळावे ः डॉ....आळसंद, जि. सांगली :  शेतकऱ्यांनी आता...
पुणे बाजारात कांदा दरात सुधारणापुणे ः राज्यात सर्वदूर झालेल्या पावसाचा फटका...
कृषी सल्ला (भात, आंबा, काजू, नारळ,...नुकत्याच झालेल्या मेघगर्जना आणि विजेच्या...
बटाटा पिकासाठी संतुलित अन्नद्रव्य...संतुलित अन्नद्रव्य व्यवस्थापन केल्यास बटाटा...
आरोग्यदायी चंदनलेप लावण्यासाठी रक्तचंदन उगाळून वापरले जाते....
अकोला जिल्ह्यात सोयाबीनच्या सोंगणी,...अकोला ः परतीच्या पावसाने सोयाबीन हंगामाची...
यवतमाळ जिल्ह्यातील पांदण रस्ते पूर्ण...यवतमाळ  : ‘‘‘पालकमंत्री पांदणरस्ते’...
नांदेड जिल्ह्यात एक लाख हेक्टर पिकांचे...नांदेड : ऑक्टोबर महिन्यात सलग आठ दिवस...