नांदेडमध्ये टॅंकरच्या १५ खेपा कमी

नांदेडमध्ये टॅंकरच्या १५ खेपा कमी
नांदेडमध्ये टॅंकरच्या १५ खेपा कमी

नांदेड : जिल्ह्यातील ग्रामीण भागातील पाणीटंचाईचे संकट अधिक गहिरे झाले आहे. सोमवारपर्यंत (ता. १०) जिल्ह्यातील १२ तालुक्यांतील १०२ लोकवस्त्यांवरील १ लाख ६५ हजार १५०, तर लोहा नगर पंचायतीतंर्गंत ३० हजार लोकसंख्येसाठी एकूण १३७ टॅंकरद्वारे पाणीपुरवठा सुरू आहे, असे पाणीटंचाई निवारण कक्षातील सूत्रांनी सांगितले.

मुखेड, कंधार, लोहा तालुक्यातील प्रत्येकी ३ आणि लोहा नगरपंचायतीअंतर्गत ६ अशा एकूण १५ खेपा कमी झाल्या आहेत. अर्धापूर, मुदखेड, बिलोली, धर्माबाद हे चार तालुके टॅंकरमुक्त आहेत. मुखेड तालुक्यात सर्वाधिक ९९ टॅंकर सुरू आहेत. येथील ४२ लोकवस्त्यांवरील ६९ हजार ३८४ लोक पाण्यासाठी टॅंकरवर अवलंबून आहेत.

टॅंकरच्या एकूण २५७ खेपा मंजूर आहेत. प्रत्यक्षात २४२ खेपा झाल्या आहेत. लोहा नगर पंचायतीअंतर्गत ३० हजार लोक टॅंकरवर अवलंबून आहेत. पाणीटंचाई उद्‍भवलेल्या १ हजार ६० गावातील १ हजार ६६ विहिरींचे अधिग्रहण करण्यात आले आहे.

गेल्या आठवड्यात जिल्ह्याच्या काही भागांत पूर्वमोसमी पाऊस झाला. त्यामुळे ग्रामस्थांना काहिसा दिलासा मिळाला. विहिरी, कूपनलिका, तलाव, प्रकल्पांचे जलाशयांत पाणीसाठा उपलब्ध होण्यासाठी मोठ्या पावसाची गरज आहे. तोपर्यंत टंचाईग्रस्त भागातील ग्रामस्थांना टॅंकरच्या पाण्यावरच अवलंबून राहावे लागणार आहे.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com