यवतमाळ जिल्ह्यात सोळा कृषी केंद्रांचे परवाने निलंबित

यवतमाळ जिल्ह्यात सोळा कृषी केंद्रांचे परवाने निलंबित

यवतमाळ : कीटकनाशक खरेदी केलेल्या एजन्सीचे डीलरचे नाव परवान्यामध्ये समाविष्ट केले नाही. यानंतरही त्यांच्याकडून कीटकनाशकांची खरेदी करून विक्री केल्याप्रकरणी जिल्ह्यातील १६ कृषी सेवा केंद्रांचे परवाने निलंबीत करण्यात आले आहेत. कृषी अधीक्षक कार्यालयाने रात्री उशिरा या संदर्भात आदेश काढले. निलबंन कालावधीत संबंधित कृषी केंद्रचालकांना कीटकनाशक विक्रीबंदचे आदेश देण्यात आले आहेत.

कृषी अधीक्षक कार्यालयाने यवतमाळ येथील वैभव एजन्सी, नीलेश कृषी केंद्र (उमरखेड), साई एजन्सी (काळी दौलत), पार्थ एजन्सी, शेतकरी कृषी केंद्र, राजेश कृषी केंद्र (दिग्रस), वैभव एजन्सी (आर्णी), कृषी वैभव (पांढरकवडा), राज कृषी केंद्र, चिंतामणी कृषी केंद्र (वणी), गंगा कृषी केंद्र, कृषी राज, ओमसाई अॅग्रो, पवन अॅग्रो, अंकुश अॅग्रो, तिरुपती अॅग्रोटेक (पुसद) या १६ कृषी सेवा केंद्रांचे परवाने कृषी अधीक्षक नवनाथ कोळपकर यांनी निलंबीत केले.

मागील वर्षी कीटकनाशक फवारणीतून अनेक शेतकरी-शेतमजुरांना विषबाधा झाली. त्यातील २२ जणांचा मृत्यू झाला. याचा ठपका कृषी विभागावर ठेवण्यात आला होता. त्यात तत्कालीन जिल्हा कृषी अधिकाऱ्यांवर निलंबनाची कारवाई करण्यात आली. कीटकनाशक कंपन्यांबाबत अद्याप शासनाने कुठल्याही प्रकारे ठोस पावले उचलली नाहीत. जे कीटकनाशक प्रमाणित नव्हते, असे कीटकनाशक लपून-छपून जिल्ह्यात मोठ्या प्रमाणात विक्री करण्यात आले होते.  

कृषी विभागाने तपासणी केल्यानंतर १६ कृषी केंद्रांत अप्राणित कीटकनाशकांचा साठा आढळला. अनेक ठिकाणी त्यांची विक्री होत असल्याचे निर्दशनास आले. परवान्यात नमूद नसलेल्या कीटकनाशकांची साठवणूक व विक्री केली जात असल्याचे आढळून आले. त्यामुळे जिल्ह्यातील १६ कृषी सेंवा केंद्राचे परवाने निलंबीत करण्याचे आदेश कृषी अधीक्षक नवनाथ कोळपकर यांनी दिले.

जिल्हा कृषी अधीक्षक नवनाथ कोळपकर, जिल्हा विकास अधिकारी के. एस. वानखेडे, गुणवत्तानियत्रण अधिकारी एस. बी. जाधव, मोहीम अधिकारी पी. आर. खरडे, एम. एस. अंबाडकर यांनी सुनावणी घेतली.

साठा रजिस्टर तपासणीत माहिती उघड कृषी केंद्रातील साठा रजिस्टरची तपासणी केली असता, अकोला येथील महेश एंटरप्रायजेस यांच्याकडून कीटकनाशक खरेदी केल्याचे समोर आले. कीटकनाशकांचे स्रोत परवान्यात समाविष्ट न करता खरेदी करण्यात आले. बंदी असतानाही कीटकनाशके खरेदी केल्याने संबंधितांचे परवाने रद्द करण्यात आले.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com