वऱ्हाडात १६ बाजार समित्या बंद

अकोला : हमीभावापेक्षा कमी दरात खरेदी करणाऱ्यांविरुद्ध कैद व दंडाची शिक्षा करण्याची सुधारणा शासन करीत असल्याचा विरोध व्यापाऱ्यांमध्ये तीव्र होत चालला अाहे. हा कायदा अमलात अाल्यास अडचणीचे होईल, हे कारण पुढे करीत व्यापाऱ्यांनी खरेदी-विक्री व्यवहार करण्यास नकार दर्शविला अाहे. यामुळे कोट्यवधींची उलाढाल असलेल्या बाजार समित्यांमध्ये शुकशुकाट अाहे.

ज्या बाजार समिती सुरू अा हेत, त्या ठिकाणी केवळ सोयाबीनची खरेदी केली जात अाहे. सोयाबीनला हमीभावाच्या तुलनेत किंचित अधिक दर असल्याने व्यापारी त्याची खरेदी करीत असल्याचे समजते.      

बुलडाण्यात १३ बाजार समित्यांपैकी आठ बंद आहेत. अकोल्यातील नीस समित्यांमध्ये खरेदी-विक्रीस व्यापाऱ्यांनी नकार दिला आहे. हमीभावाने शेतमाल खरेदी करणे परवडत नाही, तर यापेक्षा  कमी दराने खरेदी केल्यास होणाऱ्या शिक्षेबाबत संभ्रम आहे. त्यामुळे बाजार समित्यांमधील व्यवहार बंद राहण्यास अाता अाठवडा होत अाहे. या काळात कोट्यवधींचे व्यवहार ठप्प पडलेले अाहेत. शासनाने कैद व दंडाबाबत सुधारणा केल्यासंदर्भात कुठलाही अादेश काढलेला नाही. पुढील महिन्यापासून मूग, तसेच त्यापाठोपाठ उडीद, सोयाबीनचा हंगाम सुरू होणार अाहे. अशा काळात बाजार समित्या बंद राहल्यास त्याचा मोठा फटका बसण्याची शक्यता आहे. 

बंद बाजार समित्या (जिल्हानिहाय) बुलडाणा ः बुलाडणा, मलकापूर, जळगावजामोद, संग्रामपूर, चिखली, मेहकर, सिंदखेडराजा, खामगाव अकोला ः मूर्तिजापूर, तेल्हारा, अकोट. वाशीम ः वाशीम, मालेगाव, कारंजा, मंगरुळपीर, मानोरा.