agriculture news in marathi, 16 thousand core crop loan disburse in state | Agrowon

राज्यात सोळा हजार कोटींचे पीक कर्जवाटप
टीम अॅग्रोवन
बुधवार, 1 ऑगस्ट 2018

मुंबई : राज्य सरकारने वारंवार सूचना, निर्देश, निर्वाणीचे इशारे देऊनही शेतकऱ्यांना पीककर्ज देण्यासाठी राष्ट्रीयीकृत बँका सरकारलाही जुमानत नसल्याचे चित्र आहे. या संदर्भात मुख्यमंत्री देवेंद्र फडणवीस यांनी थेट केंद्रीय अर्थमंत्र्यांकडे बँकांची तक्रार करूनही राष्ट्रीयीकृत बँकांनी हात आखडता घेतला आहे. जुलैअखेर राज्यात १६ हजार कोटींचे पीककर्ज वितरित झाले, यात राष्ट्रीयीकृत बँकांचा वाटा अवघा आठ टक्के इतका आहे. तर जिल्हा मध्यवर्ती बँकांनी ६३ टक्के आणि ग्रामीण बँकांनी २९ टक्के पीककर्ज वितरित केले आहे.

मुंबई : राज्य सरकारने वारंवार सूचना, निर्देश, निर्वाणीचे इशारे देऊनही शेतकऱ्यांना पीककर्ज देण्यासाठी राष्ट्रीयीकृत बँका सरकारलाही जुमानत नसल्याचे चित्र आहे. या संदर्भात मुख्यमंत्री देवेंद्र फडणवीस यांनी थेट केंद्रीय अर्थमंत्र्यांकडे बँकांची तक्रार करूनही राष्ट्रीयीकृत बँकांनी हात आखडता घेतला आहे. जुलैअखेर राज्यात १६ हजार कोटींचे पीककर्ज वितरित झाले, यात राष्ट्रीयीकृत बँकांचा वाटा अवघा आठ टक्के इतका आहे. तर जिल्हा मध्यवर्ती बँकांनी ६३ टक्के आणि ग्रामीण बँकांनी २९ टक्के पीककर्ज वितरित केले आहे.

राज्यात झालेल्या कर्जमाफीनंतर शेतकऱ्यांना पीककर्जाचे वाटप करण्याचे निर्देश सरकारने जिल्हा मध्यवर्ती सहकारी बँकांसोबतच राष्ट्रीयीकृत बँकानाही दिले होते. मात्र, राष्ट्रीयीकृत बँका अद्याप उद्धिष्टाच्या सरासरी दहा टक्क्यांच्या आसपासही पोचलेल्या नसल्याने सहकार विभागाने तीव्र नाराजी व्यक्त केली आहे. या बँकांनी आपले कार्य योग्यरीत्या केले नाही तर त्यांच्याकडे असलेल्या शासकीय ठेवींचा विचार करावा लागेल, असा इशाराही विभागामार्फत देण्यात आला आहे. या वर्षी राज्यातील शेतकऱ्यांना पीक कर्जवाटपाचे सरकारचे उद्दिष्ट ४३ हजार ७३१ कोटी रुपयांचे आहे. त्यानुसार राज्यातील जिल्हा सहकारी बँका, ग्रामीण बँका आणि राष्ट्रीयीकृत बँकांना उद्दिष्ट देण्यात आले होते. यापैकी जिल्हा बँकानी आपले उद्दिष्ट बऱ्यापैकी गाठले आहे. मात्र, राष्ट्रीयीकृत बँकांच्या उदासीनतेमुळे शेतकऱ्यांना पीककर्जासाठी ताटकळण्याची पाळी आली आहे. राष्ट्रीयीकृत बँकांनी गाठलेल्या उद्दिष्टाची सरासरी ही आठ टक्क्यांच्या जवळपास आहे. आतापर्यंत वितरण झालेल्या कर्जाची आकडेवारी १६,२८७ कोटी इतकी आहे. राज्याचा विचार करता जिल्हा मध्यवर्ती बँकांनी ६३ टक्के उद्दिष्टपूर्ती केली आहे. तर ग्रामीण बँकांनी २९ टक्के कर्ज वितरण केले आहे.

राज्यातील जिल्हानिहाय कर्जवाटपाची स्थिती (टक्क्यांमध्ये)
जिल्हा जिल्हा 
बॅंक
राष्ट्रीयीकृत बॅंका
लातूर १०९ १५
उस्मानाबाद ८४ १४
बीड ३७
नांदेड ३५ ११
बुलडाणा ८८ १८
चंद्रपूर ६४ २६
भंडारा ७३ २४
गडचिरोली ७४ २२
सातारा १४० २४
पुणे ६० ३२
कोल्हापूर ११६ २७
सांगली ८३ ३०
नगर ५९ ४४
औरंगाबाद १७ १६
नागपूर ३४ ४१
     

 

इतर अॅग्रो विशेष
अन्नद्रव्यांचा वापर हवा संतुलितचशेतकऱ्यांनी माती आणि पाणी परिक्षणाबरोबरच...
मराठवाडा वॉटर ग्रिडचा संशयकल्लोळ! चिमणीचा खोपा ते राजवाडा, असे निवाऱ्याचे अनेक...
‘एफएमओ’चा सह्याद्री फार्म्सला १२०...नाशिक : शेतकरी उत्पादक कंपन्यांनी स्वतःच्या...
लष्करी अळीच्या नुकसानीचे पंचनामे का...औरंगाबाद : ‘‘शेती तोट्यात गेली, गावचं अर्थकारण...
जायकवाडी धरणातून पाण्याचा विसर्गजायकवाडी, जि. औरंगाबाद : जायकवाडी धरणामधून...
थकबाकीदार सूतगिरणीच्या संचालकांवर राज्य...मुंबई: कोट्यवधींचे कर्ज थकवल्याप्रकरणी राज्य...
रेशीम विभागाचा सुधारित आकृतीबंध...जालना: झपाट्याने वाढत असलेल्या रेशीम उद्योग व...
अमेरिकन लष्करी अळीकडून ४० टक्के मका फस्तपुणे: राज्यात मका पिकावर अमेरिकन लष्करी अळीचे...
लष्करी अळी आटोक्यात: कृषी विभागपुणे : राज्यात दोन लाख ६७ हजार हेक्टर क्षेत्रातील...
प्रतिकूलतेतून मेघाताईंची शेतीत भरारीपरभणी जिल्ह्यातील झरी (ता. परभणी) येथील...
सोलापुरात हिरव्या मिरचीचा बाजार कडक सोलापुरात हिरव्या मिरचीचा बाजार कडक ! गेल्या...
अनुदान अर्जांच्या पूर्वसंमतीची पद्धत...पुणे : राज्यातील शेतकऱ्यांची गैरसोय टाळण्यासाठी...
कोकण, मध्य महाराष्ट्र, मराठवाड्यात...पुणे : राज्यात पावसाला पोषक हवामान होत असल्याने...
महाराष्ट्राप्रमाणे आम्हालाही विकसित...पुणे : महाराष्ट्रातील शेतकरी पीक उत्पादन...
कांदा खाणाऱ्यांचा विचार करता, मग...नाशिक : कांद्यातील भाववाढीला आळा घालण्यासाठी...
द्राक्षपंढरीत गोड्या छाटण्यांना सुरवातनाशिक : चालू वर्षीच्या द्राक्ष हंगामाला सुरवात...
युरियाशिवाय शेती विचार रुजला तरच...नागपूर ः सेंद्रिय शेतीचा विचार गेल्या अनेक...
...अखेर ऊसतोड कामगार महामंडळ स्थापनमुंबई ः गेल्या अनेक वर्षांपासून प्रलंबित असलेल्या...
जलसमृद्धी बक्षीस योजनेतील चौथ्या आणि...पुणे : ॲग्रोवन जलसमृद्धी बक्षीस योजनेची सोडत...
नागपूर जिल्हा बॅंक घोटाळा निकाली...नागपूर ः नागपूर जिल्हा मध्यवर्ती बॅंकेतील...