agriculture news in Marathi 16 thousand FRP pending in country Maharashtra | Agrowon

देशभरात १६ हजार कोटींची एफआरपी थकली

राजकुमार चौगुले
शुक्रवार, 24 एप्रिल 2020

सध्या कारखान्यांना तातडीने कर्जपुरवठा (सॉफ्ट लोन) करण्याबाबत केंद्राने पावले उचलणे गरजेचे आहे. जुन्या कर्जाचे पुर्नगठण करुन जलदरित्या नवे कर्ज मिळणे गरजेचे आहे. याशिवाय २०१९ च्या व्याजदराबाबत केंद्राने पावले उचलून सकारात्मक निर्णय घ्यावेत. तरच शेतकऱ्यांची थकबाकी कमी होइल आणि पुढील हंगामही सुरु करणे शक्‍य होइल
- विजय औताडे, साखर तज्ज्ञ

कोल्हापूर: कोरोनाचा मोठा परिणाम देशातील साखर उद्योगावर झाला आहे. स्थानिक व आंतरराष्ट्रीय पातळीवर साखरेची विक्री थांबल्याने देशातील साखर कारखानदारांना एफआरपी देणे शक्‍य होत नसल्याची स्थिती आहे. एप्रिलच्या मध्यापर्यंत देशातील साखर कारखान्यांनी शेतकऱ्यांचे तब्बल १६ हजार कोटी रुपये थकविले आहेत. सर्वाधिक थकबाकी उत्तर प्रदेशातील कारखानदारांची तर त्या खालोखाल कर्नाटक राज्यातील कारखान्यांनी शेतकऱ्यांची रक्कम थकविली आहे. 

जागतिक मंदीचा फटका गेल्या दोन महिन्यात साखर उद्योगाला बसला आहे. वेळीच उपाय न झाल्यास येणाऱ्या हंगामात मोठा तोटा साखर उद्योगाला बसण्याची शक्‍यता निर्माण झाल्याचे साखर उद्योगातून सांगण्यात येत आहे. यंदाचा अपवाद वगळता गेल्या तीन वर्षात साखरेच्या उत्पादनात वाढ होती.

साखर शिल्लक राहत असल्याने साखर कारखान्यांना शेतकऱ्यांना रक्कम देणे अडचणीचे ठरत होते. जानेवारी ते मार्चच्या पहिल्या पंधरवड्यापर्यंत निर्यात साखरेचे दर वाढत असल्याने यंदा मेपर्यंत तरी चांगली निर्यात होइल अशी अपेक्षा होती.

सध्या ६० लाखांपैकी ४० लाख टन साखरेचे करार झाले आहेत. पण कोरोनाच्या तडाख्यात सापडलेल्या देशांनी सीमा सील केल्याने सध्या दहा लाख टन साखर बंदरात पडून राहिली. याचा फटका कारखान्यांना अद्यापही बसत आहे. यातच स्थानिक व आंतरराष्ट्रीय पातळीवरही मागणी कमी झाल्याने दर घसरले.

स्थानिक बाजारपेठेत साखरेची किंमत क्विंटलला शंभर रुपयाहून अधिक प्रमाणात घसरली. यामुळे अर्थकारण बिघडले. कोणत्याही परिस्थितीस कारखान्यांच्या अर्थपुरवठ्याबाबत ठोस निर्णय घेतला नाही तर पुढचा हंगाम सुरु करणे कारखान्यांना कठीण जाईल, अशी शक्‍यता साखर उद्योगातील सूत्रांनी व्यक्त केली. 

सरकारकडून देय असलेले निर्यात अनुदान, अद्यापही अनेक कारखान्यांना मिळाले नाही. त्याची पूर्तता सध्या घडीला होणे गरजेचे आहे. याशिवाय कर्जाचा पुरवठा करतानाही सुलभपणा आणून जास्तीत जास्त रक्कम बॅंकांकडून कारखान्यांना मिळाल्याशिवाय कारखान्यांचा बोजा कमी होणे अशक्‍य असल्याचे कारखाना सूत्रांनी सांगितले. 

यंदा साखर निर्यात होणे अशक्‍य?
जूनपर्यंत स्थिती सुधारली नाही तर पावसाळा संपेपर्यंत साखर निर्यात होणे अशक्‍य असल्याचे साखर उद्योगातील सूत्रांनी सांगितले. जूननंतर अनेक ठिकाणी बंदर बंद होतात. सध्या अनेक बंदरावर लाखो टन साखर पडून आहे. तीच जूनच्या पूर्वी बंदरातून बाहेर पडणे गरजेचे आहे. देशात कोरोनाचा वाढता धोका पाहता मे मध्ये सुद्धा स्थिती कितपत पूर्वपदावर येते याबाबत शंकाच व्यक्त होते. बाहेरील देशात तर आणखीच भयंकर स्थिती असल्याने पहिल्यांदा बंदरातील अडकलेली साखर त्या त्या देशात पोच करणे हेच आव्हान असल्याचे कारखाना सूत्रांनी सांगितले.


इतर अॅग्रो विशेष
मराठवाड्यात मुसळधारेचा अंदाजपुणे ः विदर्भ आणि तेलंगणा दरम्यान चक्राकार...
बचत गटांच्या उत्पादनांची माहिती एका...मुंबई: महिलांच्या आर्थिक सक्षमीकरणासाठी कार्यरत...
पंजाब, हरियानात कृषी विधेयके...नवी दिल्लीः लोकसभेत मंजूर झालेल्या कृषी...
यांत्रिकीकरण अभियानाच्या अर्ज...पुणे:  राज्यात चालू वर्षीही कृषी...
मराठवाड्यात पावसाचा जोर कायमऔरंगाबाद : मराठवाड्यात शनिवारी (ता. १९)...
राज्यात ठिकठिकाणी जोरदार सरीपुणे ः राज्यात तुरळक ठिकाणी होत असलेल्या पावसाचा...
शेतीसंबंधी विधेयकाविरोधात देशव्यापी...नगर ः केंद्र सरकारने काढलेल्या व आता कायद्यात...
कृषी खात्यात आजपर्यंत कोरोनाची १८१...अकोला ः राज्यात वाढत चाललेल्या कोरोनाचा फटका कृषी...
साखर निर्यात योजनेस डिसेंबर अखेरपर्यंत...कोल्हापूर: गेल्या वर्षभरात साखर निर्यातीचे नवे...
मराठवाड्यात पूर, पावसाचे थैमाननांदेड-औरंगाबाद : परभणी व हिंगोली जिल्ह्यांत...
बंदर, सीमेवरील कांदा निर्यातीचा मार्ग...नाशिक: निर्यातबंदीमुळे मुंबईतील जेएनपीटी बंदरावर...
नाचणी, भाजीपाला लागवडीतून महिला गट झाला...गावातील ७५ टक्के जमीन कातळाची, उरलेला भाग डोंगराळ...
पीककर्ज वाटपात राज्यात कोल्हापूर प्रथम...कोल्हापूर : जिल्ह्याकरिता पीक कर्जाचे वार्षिक...
कृषी विधेयकांना वाढता विरोधनवी दिल्लीः देशभरात ठिकठिकाणी विशेषतः पंजाब आणि...
तंबी देताच फळपिकांची विमा भरपाई झाली...पुणे: फळपिक विमा योजनेतील अडवून ठेवलेली नुकसान...
कांदा उत्पादकांची सावध चाल नाशिक: केंद्राच्या वाणिज्य मंत्रालयाने कांदा...
मराठवाड्यात पावसाचे धुमशान पुणे ः मराठवाड्यात पावसाचे धुमशान सुरूच आहे....
ग्रामपंचायतींच्या निवडणुकांसाठी निवडणूक...मुंबई: कोरोनामुळे स्थगित करण्यात आलेल्या आणि...
हलक्या पावसाची शक्यता पुणे ः बंगाल उपसागराच्या ईशान्य परिसरात उद्या (ता...
शेतकऱ्यांना उभारी देणारी संत ज्ञानेश्‍...किनखेडा (ता.रिसोड,जि.वाशीम) येथील प्रगतशील शेतकरी...