औरंगाबाद : ‘‘कोरोनाच्या पार्श्वभूमीवर भविष्यात कृषी निविष्ठांसाठी होणारी गर्दी टळावी, यासाठी बांधावर कृषी निविष्ठा वाटप उपक्रमांतर्गत जिल्ह्यात १६७५.२० मेट्रिक टन खत व ६० क्विंटल बियाण्यांचे शेतकऱ्यांना घरपोच वाटप करण्यात आले’’, अशी माहिती जिल्हा परिषदेचे कृषी अधिकारी आनंद गंजेवार यांनी दिली.
या उपक्रमात एकूण १०६ शेतकरी गटातील १२०९ शेतकऱ्यांना लाभ मिळाला. आजपर्यंत एकूण १२ हजार ३६२.०७ मेट्रिक टन खत व २८२.१४ क्विंटल बियाण्यांचे शेतकऱ्यांना घरपोच वाटप करण्यात आले. ग्रामस्तरावर दुकानांची उपलब्धता लक्षात घेऊन गावनिहाय एक तसेच बाजारपेठेचे ठिकाण असल्यास व तेथून खतांची व बियाण्यांची विक्री होते.
पर्यवेक्षक व विस्ताराधिकाऱ्यांकडे बाजारपेठेतील ज्या दुकानांवर मुख्यतः गर्दी होते त्याचे विश्लेषण करून त्यानुसार त्या दुकानांवर संनियंत्रण ठेवण्यासाठी त्यांचे आदेश काढावेत. या अधिकाऱ्यांनी कृषी सेवा केंद्रांवर सावलीची व्यवस्था, बॅरिकेटींग व शारीरिक अंतराच्या अनुषंगाने कायम स्वरूपात व्यवस्था आदीची कृषी सेवा केंद्रात व्यवस्था असल्याची खातरजमा करावी, अशा सूचना संबंधितांना दिल्या आहेत, असे जिल्हा परिषद कृषी विकास अधिकारी गंजेवार यांनी कळविले आहे.
Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.
ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.