agriculture news in Marathi 17 crops included in cropsap Maharashtra | Page 2 ||| Agrowon

‘क्रॉपसॅप’ प्रकल्पात १७ पिकांचा समावेश 

टीम अॅग्रोवन
शनिवार, 19 जून 2021

शेतकऱ्यांना या पिकांवरील कीड-रोगाच्या नियंत्रणावरील शास्त्रोक्त सल्ला देण्यासाठी यंदा २५ कोटी रुपये खर्च केले जाणार आहेत. 

पुणे ः राज्यात यंदा पिकांवरील कीड-रोग सर्वेक्षण व सल्ला (क्रॉपसॅप) प्रकल्पात १७ पिकांचा समावेश करण्यात आला आहे. शेतकऱ्यांना या पिकांवरील कीड-रोगाच्या नियंत्रणावरील शास्त्रोक्त सल्ला देण्यासाठी यंदा २५ कोटी रुपये खर्च केले जाणार आहेत. 

‘क्रॉपसॅप’ प्रकल्पामुळे कापूस, सोयाबीन,भात, तूर, मका, ज्वारी, ऊस, हरभऱ्यावरील कीड-रोगाचे ३४ जिल्ह्यांत ९० उपविभागांत सर्वेक्षण होईल. आंबा, केळी, मोसंबी, संत्रा, चिकू, काजू ही फळपिके आणि भेंडी, टोमॅटो या दोन भाजीपाला पिकांचाही प्रकल्पात समावेश आहे. प्रकल्पातील गावे निवडण्याची जबाबदारी कृषी सहायकांकडे देण्यात आली आहे. 

राज्यात यापूर्वी कपाशीवरील गुलाबी बोंड अळी, उसावरील हुमणी, मक्यावरील लष्करी अळीचा प्रादुर्भाव झाला होता. त्या वेळी क्रॉपसॅपचा चांगला उपयोग या कीड-रोगांच्या नियंत्रणासाठी झाला. या प्रकल्पांच्या माध्यमातून राज्यभर घेतल्या जात असलेल्या पीकनिहाय शेतीशाळांमधून शेतकऱ्यांना मोठ्या प्रमाणात प्रशिक्षित करता येते, असा दावा कृषी विभागाचा आहे. 

‘क्रॉपसॅप’ प्रकल्पावर देखरेख ठेवण्याची जबाबदारी तालुका कृषी अधिकारी, उपविभागीय कृषी अधिकारी आणि जिल्हा अधीक्षक कृषी अधिकाऱ्यांवर देण्यात आली आहे. राज्यात एक जूनपासून कापूस, मका, सोयाबीन, भात, मका, ज्वारी, ऊस, तूर आणि हरभरा पिकांवरील कीड-रोग व्यवस्थापनाचे काम करण्यात आले आहे. कीडनियंत्रणासाठी या प्रकल्पातून उसासाठी ३० जूनपर्यंत, तुरीसाठी सप्टेंबरअखेरपर्यंत आणि हरभऱ्यासाठी नोव्हेंबरपर्यंत फेरोमेन सापळे शेतकऱ्यांना दिले जाणार आहेत. 

ऑगस्ट ते नोव्हेंबरदरम्यान क्रॉपसॅप प्रकल्पातील समाविष्ट गावांमध्ये दोन बैठका घेण्याच्या सूचना देण्यात आल्या आहेत. कीड-रोगांच्या नियंत्रणासाठी सल्ला देण्याकरिता कृषी विद्यापीठांकडून ऑनलाइन प्रशिक्षिण दिले जाईल. याशिवाय प्रत्येक जिल्ह्यात एका कृषी विज्ञान केंद्रांकडे जबाबदारी दिला जाणार आहे. कपाशीवरील गुलाबी बोंड अळीच्या नियंत्रणाची प्रात्यक्षिके घेण्यासाठी जुलैत गावे आणि शेतकऱ्यांची निवड करण्याची जबाबदारी तालुका कृषी अधिकाऱ्यावर देण्यात आली आहे. 

कपाशीचा हंगाम डिसेंबरपर्यंतच 
राज्यात कपाशी बियाणे विक्रीची सुरुवात करण्यासाठी यंदा कालावधी निश्‍चित केला गेला होता. तसाच, काढणीसाठी देखील कालावधी ठरविण्यात आला आहे. शेतकऱ्यांनी डिसेंबरपर्यंत कपाशी काढून हंगाम संपविण्याचे उद्दिष्ट ठेवण्यात आले आहे. एक जानेवारीपासून कपाशी उत्पादक पट्ट्यात फरदड निर्मूलनाची मोहीम हाती घेतली जाईल. क्रॉपसॅप प्रकल्पाच्या अंमलबजावणीची दिशा ठरविणाऱ्या बैठका जिल्हाधिकाऱ्यांच्या अध्यक्षतेखाली जुलैत होणार आहेत, अशी माहिती सूत्रांनी दिली. 


इतर अॅग्रो विशेष
राज्यात आज हलक्या सरींची शक्यता पुणे : राज्याच्या अनेक भागांत पावसाने उघडीप दिली...
पशुचिकित्सा व्यवसायींचा राज्यभर बेमुदत...नगर : पशुचिकित्सा व्यवसायी (डिप्लोमा, पदविकाधारक...
ऑगस्ट, सप्टेंबरमध्ये सर्वसाधारण पावसाची...पुणे : हवामान विभागाने ऑगस्ट व सप्टेंबर महिन्याचा...
पीकविमाधारकांना मिळणार २५ टक्के तात्काळ...पुणेः राज्यात प्रतिकूल परिस्थितीमुळे खरीप...
खोटे बोलण्यासाठी नाही, प्रामाणिक...भिलवडी, जि. सांगली : ‘‘मी तत्काळ मदतीबाबत विचार...
'रेडग्लोब’ द्राक्षवाणात मिळवली ओळखपुणे जिल्ह्यातील खोडद येथील सुहास थोरात यांनी...
उत्पन्नाच्या विविध स्त्रोतांमधून मिळवली...बोरगाव खुर्द (ता.. जि.. अकोला) येथील महेश वानखडे...
शेतकऱ्यांनी वापरले ६५० कोटींचे घरचे...पुणेः राज्यात यंदा सोयाबीनच्या पेऱ्यात मोठी वाढ...
कोकणात हलक्या पावसाची शक्यता पुणे : बंगालच्या उपसागरातील कमी दाब क्षेत्र...
अडीच लाख शेतकऱ्यांच्या जमिनी सावकाराकडे...अमरावती : राष्ट्रीय व खासगी बँकांनी हात आखडता...
धरणक्षेत्रात पावसाची हजेरी पुणे : पावसासाठी पोषक वातावरण नसल्याने पावसाचा...
सर्वदूर हलक्या पावसाची शक्यता पुणे : बंगालच्या उपसागरातील कमी दाब क्षेत्राच्या...
पीक विम्यात कुचराई केल्यास नोटिसा काढा...नाशिक: पीकविमा योजनांची संबंधित कंपन्यांच्या...
मत्स्यबीज केंद्रामुळे महिला झाल्या...भिगवण (जि. पुणे) येथील पाच उपक्रमशील महिलांनी...
गणपतराव देशमुख यांच्या पार्थिवावर...सोलापूर ः शेतकरी कामगार पक्षाचे ज्येष्ठ नेते आणि...
चीनची खत निर्यातीवर बंदी बीजिंग ः चीनमध्ये खतांचे घटलेले उत्पादन, विजेच्या...
राज्याची पीकपेरा नोंद आता शेतकरीच करणार पुणेः सातबारा उतारावरील पीकपेऱ्याची नोंद आता...
निसर्गदूतांच्या सहयोगाने ‘झाडांची भिशी...सोलापुरातील उपक्रमशील डॅाक्टर, इंजिनिअर्स,...
खानदेशात मका पिकात अमेरिकन लष्करी अळीचा...जळगाव : खानदेशात मका पिकाची लागवड यंदा बऱ्यापैकी...
पंधरा दिवस पावसाचा जोर कमी राहणार पुणे : गेल्या पंधरा दिवस कोकण आणि घाटमाथ्यावर...