agriculture news in Marathi, 18 thousand ton banana export to gulf countries, Maharashtra | Agrowon

आखातात १८ हजार टन केळी निर्यात
चंद्रकांत जाधव
मंगळवार, 21 मे 2019

केळीची जळगाव व नंदुरबार आणि सोलापुरातून प्रतिदिन २० ते २२ कंटेनर निर्यात आखाती राष्ट्रांमध्ये सुरू आहे. आखातातून केळीला मागणी  कायम असून, दरही या हंगामात वाढले आहेत. सध्या केळीसंबंधी चित्र चांगले आहे. परंतु पुढे पाणीटंचाईमुळे आंध्र प्रदेश व महाराष्ट्रातील केळी लागवड घटल्याने केळीचा तुटवडा भासणार असून दर मात्र टिकून राहतील.
- के. बी. पाटील, केळीतज्ज्ञ

जळगाव ः मागील दोन महिन्यांत राज्यातून प्रतिदिन १५ कंटेनर (एक कंटेनर २० मेट्रिक टन क्षमता) याप्रमाणे सुमारे १८ हजार मेट्रिक टन केळीची आखाती देशांमध्ये निर्यात झाली आहे. सध्या आखाती राष्ट्रांमध्ये सरासरी प्रतिदिन २० ते २२ कंटेनर केळी निर्यात होत आहे. रमजानमुळे देशांतर्गत बाजारातही केळीचा उठाव वाढला असून, दरांवरील दबाव दूर झाला आहे. यातच पाणीटंचाईमुळे महाराष्ट्र व आंध्र प्रदेशात मिळून सुमारे १० ते ११ हजार हेक्‍टरने केळी लागवड घटल्याचा अंदाज आहे. 

महाराष्ट्रातील जळगाव, नंदुरबार, गुजरात, मध्य प्रदेश व आंध्र प्रदेशातील केळीची काढणी जून, जुलैच्या सुरवातीपर्यंत पूर्ण होईल. यातच पाणीटंचाईमुळे आंध्र प्रदेशातील कडप्पा, कर्नूल, हजारीबाग, अनंतपूर या भागांत केळी लागवड कमी झाली आहे. महाराष्ट्रातील जळगाव जिल्ह्यात सुमारे पाच हजार हेक्‍टरने केळी लागवड घटली आहे. परिणामी, देशांतर्गत बाजारात जुलै ते डिसेंबर यादरम्यान केळीचा तुटवडा भासू शकतो. जुलै-ऑगस्टमध्ये देशांतर्गत बाजारात केळीचे दर टिकून राहतील, असा अंदाज जाणकारांची व्यक्त केला आहे.

महाराष्ट्रातील केळीखालील क्षेत्र पाच हजार हेक्‍टरने घटून ८८ हजार हेक्‍टरवर येऊ शकते. आंध्र प्रदेशातील क्षेत्रही ६० ते ६५ हजार हेक्‍टरपर्यंत राहू शकते. थंडीने राज्यातील केळीला फटका बसला तर उष्णतेमुळे महाराष्ट्रसह, गुजरात, आंध्र प्रदेशातील केळीचे नुकसान होत आहे. यामुळे दर्जेदार केळी जुलैपासून पुरेशा प्रमाणात उपलब्ध होणार नाहीत. 

सध्या महाराष्ट्रातून केळीची प्रतिदिन २० ते २२ कंटेनर एवढी निर्यात आखातात होत आहे. रावेर (जि. जळगाव) येथून प्रतिदिन १० कंटेनर, शहादा (जि. नंदुरबार) येथून प्रतिदिन सहा कंटेनर आणि टेंभूर्णी (जि. सोलापूर) भागातून प्रतिदिन चार कंटेनर निर्यात होत आहे. निर्यातीच्या केळीचे दर मागील आठ ते दहा दिवसांत क्विंटलमागे १०० रुपयांनी वाढले असून, सध्या कमाल १५०० रुपये प्रतिक्विंटल असा दर रावेर, जळगाव, शहादा भागांतील केळी उत्पादकांना खरेदीदार देत आहेत.

जळगाव जिल्ह्यात १० आघाडीच्या केळी निर्यातदार कंपन्यांकडून निर्यात सुरू आहे. तर नंदुरबारमध्ये सहा कंपन्या केळी निर्यातीसाठी कार्यरत आहेत. आखातातून प्रतिदिन ३० ते ३५ कंटेनरची मागणी आहे. तेथील मोठ्या खरेदीदारांना फिलिपिन्समधून सध्या केळी उपलब्ध होत नसल्याची स्थिती आहे. देशात आंध्र प्रदेश वगळता गुजरात, मध्य प्रदेश व महाराष्ट्रातून बऱ्यापैकी केळी उपलब्ध होत आहे, अशी माहिती मिळाली.  

मागणी कायम
देशांतर्गत बाजारात काश्मीर, पंजाब, दिल्ली, उत्तर प्रदेशातून खानदेशात केळीसंबंधी मागणी कायम आहे. फैजपूर (ता. यावल), सावदा (ता. रावेर), मुक्ताईनगर भागातून प्रतिदिन पाच ट्रक (एक ट्रक १५ मेट्रिक टन क्षमता) केळी काश्‍मिरात पाठवली जात आहेत. १३ व १६ किलो क्षमतेच्या बॉक्‍समध्ये पॅकिंग करून तेथे केळी पाठवली जात असून, या दर्जेदार केळीला प्रतिक्विंटल १३०० रुपयांपर्यंतचे दर थेट जागेवर शेतकऱ्यांना मिळत असल्याचे सांगण्यात आले.

 

इतर अॅग्रो विशेष
मंदीचा मारगेल्या वर्षभरापासून आर्थिक मंदीचे चटके देशाला बसत...
समस्यांच्या गर्तेत हरवलेली शेतीकाही वर्षांपूर्वी उत्तम शेती असण्याची अनेक कारणे...
शेततळ्याच्या प्लॅस्टिकला तूर्त अनुदान...पुणे  : शेततळ्याच्या अस्तरीकरणाकरिता...
वारणा-कृष्णा नदीकाठच्या शेतजमिनी कोसळू...सांगली ः सांगली जिल्ह्यातील कृष्णा आणि वारणा...
मार्केट केंद्रित शेडनेटची उत्कृष्ठ शेती अभ्यासवृत्ती, कायम नवे शिकण्याची आस, बाजारपेठांचा...
जालना जिल्ह्यात वीस हजार शेतकऱ्यांच्या...जालना : जिल्ह्यातील १२० गावांत हवामान अनुकूल...
दर्जाहीन शिक्षण संस्थांवर कारवाई होणार...पुणे: राज्यात दर्जाहीन कृषी महाविद्यालये...
पावसाळ्यात फुलले नागपुरातील मका मार्केट सध्या राज्यातील विविध बाजारपेठांत स्वीटकॉर्न (...
अवर्षणप्रवण, आत्महत्याग्रस्त जिल्ह्यांत...अकोला ः राज्यातील अवर्षणप्रवण क्षेत्र,...
महिनाअखेरीस पावसाला पोषक हवामानपुणे : ऑगस्ट महिन्याच्या सुरवातीला राज्यात दमदार...
शासनाने दूध अनुदानाचे २५० कोटी थकविलेपुणे : राज्याच्या एका भागात चारा-पाणीटंचाई तर...
पूर व्यवस्थापन प्रकल्पात महाराष्ट्र...पुणे : केंद्र शासनाकडून देशात सुरू असलेल्या...
शेतकरी अपघात विमा योजनेची व्याप्ती...मुंबई: शेतकऱ्यांसाठी राबविण्यात येणाऱ्या...
कोल्हापूर आणि सांगली जिल्ह्यात गाळाने...कोल्हापूर/सांगली : बारमाही नद्यांनी दक्षिण...
विदर्भ, मराठवाड्यात पावसाचा अंदाजपुणे : पाऊस थांबल्याने राज्याच्या अनेक भागांतील...
दुष्काळी भागातही दर्जेदार उत्पादनाचा...नगर जिल्ह्यात कासार पिंपळगाव (ता. पाथर्डी) येथील...
शेतात पिकवा ‘हिरवे सोने’केंद्र शासनाने ‘राष्ट्रीय बांबू मिशन’ची स्थापना...
‘पंचनामा’ पूरग्रस्त पशुधनाचाको ल्हापूर, सांगली, सातारा या भागांतील पूर जसजसा...
आले पिकाने दिली आर्थिक सक्षमता बुलडाणा जिल्ह्यात खल्याळ गव्हाण येथील दिनकर व...
क्षारयुक्त जमिनीत एकात्मिक शेतीचा आदर्श बारामती तालुक्यातील मळद (जि. पुणे) येथील प्रशांत...