कृषी खात्यात आजपर्यंत कोरोनाची १८१ जणांना लागण

राज्यात वाढत चाललेल्या कोरोनाचा फटका कृषी खात्याला बसत आहे. आजपर्यंत राज्यात सुमारे १८१ अधिकारी, कर्मचाऱ्यांना या विषाणूचा संसर्ग झाला असून यात आठ जणांना जीव गमवावा लागला आहे.
corona
corona

अकोला ः राज्यात वाढत चाललेल्या कोरोनाचा फटका कृषी खात्याला बसत आहे. आजपर्यंत राज्यात सुमारे १८१ अधिकारी, कर्मचाऱ्यांना या विषाणूचा संसर्ग झाला असून यात आठ जणांना जीव गमवावा लागला आहे. कोरोना संसर्ग झालेल्यात बुलडाणा जिल्ह्यातील अधिकारी, कर्मचाऱ्यांची सर्वाधिक १९ संख्या असल्याची माहिती मिळाली आहे. शासनाने इतर विभागातील अधिकारी, कर्मचाऱ्यांना ज्या प्रमाणे विम्याचे संरक्षण दिले तोच न्याय कृषी खात्याला लावावा अशी मागणी यानिमित्ताने पुन्हा एकदा समोर आली आहे.  कोरोनाच्या काळात सक्रियपणे राज्याचा कृषी विभाग काम करीत आहे. खरिपात बियाणे, खतांचे वितरण, पेरणीसाठी सल्ला, बांधावर जाऊन शेतीशाळा, विविध प्रकारचे पंचनामे, बैठका अशी कामे कृषी खात्यातील अधिकारी, कर्मचाऱ्यांना करावी लागत आहेत. यातच शेतकऱ्यांसोबतचाही संपर्क कायम आहे. सध्या कोरोनाचा संसर्ग आता गाव-खेड्यांमध्ये वाढला आहे. कृषी खात्यात कोरोनाचा शिरकाव वाढत आहे.  राज्यात बुलडाणा जिल्ह्यात आत्तापर्यंत सर्वाधिक १९ अधिकारी, कर्मचाऱ्यांना कोरोनाची लागण झाली. यापैकी एका कृषी सहायकाचा मृत्यू झाला असून सध्या १३ जणांवर उपचार सुरु आहेत. बुलडाणा पाठोपाठ खात्यात रायगड जिल्ह्यात १६  जणांना लागण झालेली आहे. यानंतर सातारा जिल्ह्यात १३ जणांना संसर्ग झाला. कृषी खात्यात कोरोना बाधितांची संख्या झपाट्याने वाढत चालली आहे.  राज्यात या खात्यातील आठ जणांचा मृत्यू झाल्याची माहिती कृषी सहायक संघटनेचे प्रदेश कार्यकारिणी पदाधिकारी विलास रिंढे यांनी दिली. 

विम्याची मागणी सध्या जवळपास ११९ अधिकारी, कर्मचारी विविध जिल्ह्यात उपचार घेत आहेत. कृषी विभागाने कोरोनाच्या काळात शेतकऱ्यांच्या सहकार्याने शेतमाल बाजारपेठा, ग्राहकांपर्यंत पोचविण्यासाठी साखळी उभारण्याचे काम केले. सोबतच खरिपाची विविध कामे, योजनांची अंमलबजावणी करण्याचे काम सुरु ठेवलेले आहे. अशा जोखमीच्या परिस्थितीत काम करणाऱ्या अधिकारी, कर्मचाऱ्यांना शासनाने इतर विभागाप्रमाणेच विम्याचा लाभ दिला पाहिजे, अशी मागणी सातत्याने केली जात आहे. मात्र याबाबत अजून कुठलीही घोषणा, आश्वासन देण्यात आलेले नाही.

Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.

ताज्या कृषी घडामोडींसाठी फेसबुक, ट्विटर, इन्स्टाग्राम टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.

Related Stories

No stories found.
Agrowon
agrowon.esakal.com