Agriculture news in marathi 181 crore aid for affected crops in Nashik district | Agrowon

नाशिक जिल्ह्यात नुकसानीपोटी १८१ कोटींची मदत

टीम अॅग्रोवन
गुरुवार, 21 नोव्हेंबर 2019

नाशिक : जिल्ह्यात झालेल्या अतिवृष्टीमुळे नुकसान झालेल्या शेतकऱ्यांसाठी राज्य सरकारच्या वतीने १८१ कोटी ५० लाखांचा निधी उपलब्ध करून दिला आहे. या निधीचे वाटप करण्यात येणार असल्याची माहिती जिल्हा प्रशासनाने दिली.

जिल्ह्यात सुमारे सात लाख ७७ हजार शेतकऱ्यांच्या ६ लाख ४७ हजार हेक्टरवरील पिकांचे नुकसान झाले असून, जिल्हा प्रशासनाने ६३६ कोटी रुपयांची मागणी केली होती. त्यामुळे जिल्हा प्रशासनाला शेतकऱ्यांसाठी पुन्हा एकदा नुकसानीपोटी मदत देण्याची मागणी सरकारकडे करावी लागणार आहे. 

नाशिक : जिल्ह्यात झालेल्या अतिवृष्टीमुळे नुकसान झालेल्या शेतकऱ्यांसाठी राज्य सरकारच्या वतीने १८१ कोटी ५० लाखांचा निधी उपलब्ध करून दिला आहे. या निधीचे वाटप करण्यात येणार असल्याची माहिती जिल्हा प्रशासनाने दिली.

जिल्ह्यात सुमारे सात लाख ७७ हजार शेतकऱ्यांच्या ६ लाख ४७ हजार हेक्टरवरील पिकांचे नुकसान झाले असून, जिल्हा प्रशासनाने ६३६ कोटी रुपयांची मागणी केली होती. त्यामुळे जिल्हा प्रशासनाला शेतकऱ्यांसाठी पुन्हा एकदा नुकसानीपोटी मदत देण्याची मागणी सरकारकडे करावी लागणार आहे. 

ऑक्टोबर व नोव्हेंबर महिन्यांत झालेल्या पिकांच्या नुकसानीचे तातडीने पंचनामे करण्याचे काम जिल्ह्यात हाती घेण्यात आले होते. नांदगाव, निफाड, मालेगाव, सिन्नर, चांदवड, येवला, बागलाण या तालुक्यांमध्ये पावसामुळे सर्वाधिक नुकसान झाले. मका, सोयाबीन, कांदा, द्राक्ष, डाळिंब, भाजीपाला, कापूस या पिकांना या पावसाचा सर्वाधिक फटका बसला. जिल्ह्यात पावसामुळे झालेल्या नुकसानीच्या तुलनेत प्राप्त झालेली रक्कम पुरेशी नाही. १८१ कोटी ५० लाख रुपयांचा निधी जिल्ह्यासाठी प्राप्त झाला असून, बाधित शेतकऱ्यांची संख्याही सात लाखांहून अधिक आहे. त्यामुळे एका शेतकऱ्याच्या वाट्याला २ हजार ३२९ रुपये येणार आहेत.

शेतकऱ्यांचे कितीही क्षेत्रावरील नुकसान झाले असले तरी त्यांना केवळ दोन हेक्टरपर्यंतच्या नुकसानासाठीच मदत दिली जाणार आहे. त्यामुळे शेतपिकांसाठी अधिकाधिक १६ हजार रुपये, तर बागायत पिकांसाठी अधिकाधिक ३६ हजार रुपये मदत शेतकऱ्यांना मिळू शकणार आहे. शिवाय प्राप्त अनुदान दोन हेक्टरच्या आतील व ३३ टक्क्यांपेक्षा अधिक नुकसान झालेल्या शेतकऱ्यांनाच देण्याबाबतचे आदेश असून, त्यामुळे ३३ टक्क्यांपेक्षा कमी आणि दोन हेक्टरपेक्षा अधिक नुकसान झालेल्या शेतकऱ्यांना त्याचा फायदा मिळणार नसल्याचे स्पष्ट झाले आहे.

मागणी ६३६ कोटींची; मिळाले फक्त १८१ कोटी 

शेतकऱ्यांसाठी जिल्हा प्रशासनाने ६३६ कोटी २३ लाख ३३ हजार रुपयांची मागणी राज्य सरकारकडे केली होती. सरकारने शेतपिकांसाठी प्रतिहेक्टर आठ हजार रुपये, तर बहुवार्षिक पिकांसाठी १८ हजार रुपये मदत जाहीर केली आहे. नाशिक जिल्ह्यात सर्वाधिक नुकसान असल्याने जिल्ह्याला पहिल्या टप्प्यात सर्वाधिक १८१ कोटी ५० लाख ८४ हजार रुपयांचा निधी प्राप्त झाला आहे. या निधीचे मंगळवारी वितरण करण्यात येणार असल्याची माहिती जिल्हा प्रशासनातील सूत्रांनी दिली.

जिल्ह्यात नुकसान असे...

 बाधित गावे १ हजार ९५९ 
बाधित शेतकरी ७ लाख ७६ हजार ९७०
बाधित क्षेत्र ६ लाख ४७ हजार ३१५.६६

पिकांचे नुकसान असे (हेक्टरमध्ये) 

जिरायती पिके ४ लाख ९ हजार २७५ 
बागायती पिके १ लाख ५६ हजार ३५०
बहुवार्षिक फळपिके ८१ हजार २७०

 


इतर ताज्या घडामोडी
मसाला, सुगंधी वनस्पतीवर्गीय पिकांची...अकोला  ः ‘‘आपल्याकडील हवामान, जमीन हे मसाला...
मराठवाड्यात यंदा तुती लागवडीसाठी...औरंगाबाद : मराठवाड्यात गतवर्षी दुष्काळाचा...
संपूर्ण कर्जमुक्तीसाठी भाजपचे आंदोलन अकोला  : राज्यातील महाविकास आघाडी सरकारने...
`म्हैसाळ`च्या उन्हाळी आवर्तनाकडे...सलगरे, जि. सांगली : म्हैसाळ पाणी योजनेचे कालवे...
अकोला झेडपी देणार आत्महत्याग्रस्त...अकोला  ः नापिकी, कर्जबाजारीपणामुळे जिल्ह्यात...
लातूर विभागात १४ लाख हेक्‍टरवर रब्बी...लातूर : विभागीय कृषी सहसंचालक कार्यालयांतर्गत...
अमरावती जिल्ह्यात निवडणुकांचा बिगुलअमरावती  ः जिल्ह्यात एप्रिल ते जून या...
वऱ्हाडातील चार लाख शेतकरी...अकोला  ः राज्य शासनाने जाहीर केलेल्या...
मराठवाडा, खानदेशातील नऊ कारखान्यांची...औरंगाबाद  : येथील साखर सहसंचालक...
नांदेड, परभणी, हिंगोली जिल्ह्यात ३३११...नांदेड : महात्मा जोतिराव फुले शेतकरी कर्जमुक्ती...
जळगाव : कर्जमाफीसाठी ११३ शेतकऱ्यांचे...जळगाव  : महात्मा ज्योतिराव फुले शेतकरी...
कराडी येथे रेंजअभावी कर्जमाफी लाभार्थी...पारोळा, जि. जळगाव ः राज्य सरकारच्या महात्मा...
पुष्पोत्सव अधिक मोठ्या स्वरूपात साजरा...नाशिक : ‘नाशिक महापालिका राबवत असलेला...
नाशिक जिल्ह्यात गव्हाच्या पेऱ्यात वाढनाशिक : जिल्ह्यात रब्बीच्या एकूण १ लाख १३ हजार...
किसान सभेतर्फे दिंडोरी तहसीलसमोर...नाशिक  : दिंडोरी तालुक्यामध्ये गेल्या अनेक...
बीटी कापूस बियाणे दर १० टक्‍के वाढवा:...नागपूर ः बियाणे उत्पादनासंबंधी विविध घटकांच्या...
कृषी परिषदेसमोर पदव्युत्तर...पुणे ः कृषी पदव्युत्तर पदवीला पूर्ववत व्यावसायिक...
गोंदियात अवकाळी पावसासह बरसल्या गारागोंदिया ः शहरासह जिल्ह्यातील अनेक गावांमध्ये...
जळगावात गवार १८०० ते ४२०० रुपये...जळगाव : कृषी उत्पन्न बाजार समितीत मंगळवारी (ता.२५...
सातारा जिल्ह्यातील ६३ हजारांवर...सातारा  : महात्मा जोतिराव फुले शेतकरी...