agriculture news in marathi, 20 thousand animals in Satara camps | Agrowon

साताऱ्यात छावण्यांत २० हजार जनावरे

टीम अॅग्रोवन
गुरुवार, 16 मे 2019

सातारा : जिल्ह्यात दुष्काळाची तीव्रता वाढली आहे. वीस शासकीय चारा छावण्या सुरू आहेत. त्यामध्ये २० हजार जनावरे दाखल झाली आहेत. तसेच ११ तालुक्‍यांतील २०७ गावे व ८६१ वाड्यावस्त्यांना २३७ टॅंकरने पाणीपुरवठा सुरू आहे. रोजगार हमी योजनेची ३८५ कामे सुरू असून, दोन हजार ३९८ मजूर काम करीत आहेत. टॅंकर आणि रोहयो कामांची आणखी मागणी दुष्काळी माण, खटाव तालुक्‍यांतून होत असल्याची गंभीर स्थिती आहे.

सातारा : जिल्ह्यात दुष्काळाची तीव्रता वाढली आहे. वीस शासकीय चारा छावण्या सुरू आहेत. त्यामध्ये २० हजार जनावरे दाखल झाली आहेत. तसेच ११ तालुक्‍यांतील २०७ गावे व ८६१ वाड्यावस्त्यांना २३७ टॅंकरने पाणीपुरवठा सुरू आहे. रोजगार हमी योजनेची ३८५ कामे सुरू असून, दोन हजार ३९८ मजूर काम करीत आहेत. टॅंकर आणि रोहयो कामांची आणखी मागणी दुष्काळी माण, खटाव तालुक्‍यांतून होत असल्याची गंभीर स्थिती आहे.

थकीत वीजबिलांमुळे बंद असलेल्या नळ पाणीयोजना पूर्ववत करण्यासाठी १.७८ कोटींचा निधी उपलब्ध करण्यात आला आहे. जिल्ह्यातील माण, खटाव आणि फलटण तालुक्‍यांत दुष्काळाची तीव्रता दिवसेंदिवस वाढू लागली आहे. मात्र आचारसंहितेचे कारण सांगून जिल्हा प्रशासन मात्र उपाययोजनांकडे दुर्लक्ष करत असल्याचे चित्र आहे. या पार्श्‍वभूमीवर मुख्यमंत्री देवेंद्र फडणवीस माण, खटावच्या दुष्काळी भागाची प्रत्यक्ष पाहणी करणार आहेत. जिल्ह्यातील ११ पैकी माण, कोरेगाव, फलटण या तीन तालुक्‍यांमध्ये दुष्काळ जाहीर करण्यात आला आहे.

जिल्ह्यातील सर्व ११ तालुक्‍यांतील २०७ गावे व ८६१ वाड्यावस्त्यांना २३७ टॅंकरने पाणीपुरवठा सुरू आहे. यामध्ये माण १०६, खटाव ४१, कोरेगाव ३३, फलटण २८, जावळी ११, वाई सहा, महाबळेश्वर तीन, पाटण दोन, कऱ्हाड दोन, खंडाळा दोन आणि साताऱ्यात तीन टॅंकर आहेत. 

पिण्याच्या पाण्याची टंचाई निवारणासाठी जिल्ह्यात आजअखेर ३४ विंधन विहिरी, सात नळ पाणीपुरवठा योजनांची विशेष दुरुस्ती करून, तर चार पाणीपुरवठा योजना तात्पुरत्या कार्यान्वित केल्या आहेत. १११ विहिरींचे अधिग्रहण करून पाणीपुरवठा केला जात आहे. दुष्काळाच्या पार्श्‍वभूमीवर लोकांच्या हाताला काम देण्यासाठी महात्मा गांधी राष्ट्रीय ग्रामीण रोजगार हमी योजनेअंतर्गत जिल्ह्यात ३८५ कामे सुरू आहेत. त्यावर दोन हजार ३९८ मजूर उपस्थित आहेत. १५ हजार ३७९ कामे शेल्फवर आहेत. आणखी कामे सुरू करण्याची मागणीही विविध गावांतून होत आहे. 

१.७८ कोटींच्या निधीतून योजनांचे वीजबिल भरून वीजपुरवठा सुरळीत करण्यात आला आहे. जिल्ह्यातील चारा छावण्यांत मोठी जनावरे १६ हजार ९८४, लहान जनावरे तीन हजार १६५ अशी एकूण २० हजार १४९ जनावरे दाखल झाली आहेत. 
 


इतर बातम्या
नगरमध्ये मागणीच्या ५० टक्केच युरिया... नगर   ः जोमात असलेल्या खरीप...
सोलापुरात खते उपलब्धता पुरेशी, दरवाढीचा...सोलापूर   ः सोलापूर जिल्ह्यात जूनअखेर...
सातारा जिल्ह्यात जाणवतेय युरियाची टंचाई सातारा   ः खरीप हंगामाकरिता रासायनिक...
पुणे जिल्ह्यात अनावश्यक खते खरेदी ...पुणे  ः शेतकऱ्यांना खरीप हंगामात खतांची...
औरंगाबाद, जालना जिल्ह्यातील पाच मंडळांत...औरंगाबाद : मराठवाड्यातील औरंगाबाद व जालना...
जळगाव जिल्ह्यात टंचाईमुळे जादा दराने...जळगाव : जिल्ह्यात यंदा पेरणी वेळेत झाली, पण...
नवापूर तालुक्यात भातासह कापूस, ज्वारीची...नवापूर, जि.नंदुरबार  ः नवापूर तालुक्यात...
औरंगाबाद, जालना, बीड जिल्ह्यात...औरंगाबाद : मराठवाड्यातील औरंगाबाद, जालना, बीड आदी...
बीड विभागात १८ लाख क्विंटल कापसाची खरेदीबीड  ः राज्य कापूस पणन महासंघाच्या बीड...
महाळूंग येथील कोविड केअर सेंटरला `आयएसओ...सोलापूर : माळशिरस तालुक्‍यातील महाळूंग येथील...
नांदेड, परभणी, हिंगोलीत खतांसाठी...नांदेड : यंदा नांदेड, परभणी, हिंगोली जिल्ह्यांनी...
नाशिक जिल्ह्यात शेतकऱ्यांची धावपळ,...नाशिक : खरीप पिकांना वाढीच्या अवस्थेत खतांची...
पीकविमा प्रस्ताव सादर करण्यासाठी ३१...परभणी : ‘‘पंतप्रधान पीकविमा योजनेअंतर्गंत...
महाराष्ट्राच्या विकासात डॉ. चव्हाण...मुंबई : जनसेवा, राज्याची आणि देशाची सेवा...
गुणपत्रिकेवर कोविड १९ उल्लेख ...मुंबई: कृषी विद्यापीठातील विद्यार्थ्यांच्या...
सोलापूरसह नजीकच्या गावांमध्ये ...सोलापूर  : सोलापूर शहर आणि शेजारील...
सारंगखेडा प्रकल्पाग्रस्तांना मोबदल्याची...नंदुरबार  ः जिल्ह्यात तापी नदीवरील सारंगखेडा...
नाशिक जिल्ह्यात सोयाबीन बियाण्यांच्या...नाशिक : खरीप हंगामात जिल्ह्यातील सोयाबीनची पेरणी...
नगरमध्ये मागणीच्या ५० टक्केच युरिया...नगर ः जोमात असलेल्या खरीप पिकांसाठी युरियाची...
रेल्वेस्थानकावर नागपुरी संत्रा विक्रीला...वर्धा ः नागपूर हे मध्य भारतातील महत्त्वाचे...